Psalm 119:151 - Pennsylvania Dutch Bible

¹⁵¹ Avvah du bisht nayksht, oh Hah, un awl dei gebodda sinn voahheit.

Psalm 119:151 ပူးပေါင်းရင်းမြစ်များ

Psalm 119:138

Du hosht dei zeiknisa gevva in gerechtichkeit, si kenna folshtendich gedraut sei.

Psalm 119:142

Dei gerechtichkeit is en ayvichi gerechtichkeit, un dei ksetz is voahheit.

Psalm 119:144

Dei zeiknisa sinn gerecht fa'immah, helf mich fashtay, so es ich layva kann.

Psalm 139:2

Du vaysht's vann ich mich anna hokk, un vann ich uf shtay; du vaysht mei gedanka funn veit ab.

Psalm 145:18

Da Hah is nayksht bei awl selli es een ohroofa, bei awl selli es een eahnshtlich ohroofa.

Psalm 34:18

Da Hah is nayksht zu selli es fabrochani hatza henn, un setz selli frei es moot faloahra henn.

Psalm 46:1

Gott is unsah sayfah Roo-Blatz un unsah Graft; eah is immah datt fa helfa an di zeit funn druvvel.

Psalm 75:1

Miah gevva dank zu diah, oh Gott; miah gevva dank un sawwa leit veyyich dei vundahboahri verka, veil dei Nohma nayksht is.

Matthäus 1:23

“Heich moll, en yung, leddich maydel zayld en kind in sich havva, un zayld en sohn in di veld bringa. Sei nohma soll Emmanuel sei.” Sell maynd, “Gott is bei uns.”

5. Mosi 4:7

Vo is en annah hallich folk es iahra gettah so nayksht henn vi da Hah unsah Gott is zu uns vann miah bayda zu eem?