Psalm 119:102 - Pennsylvania Dutch Bible

¹⁰² Ich habb mich nett vekk gedrayt funn dei adnunga, fa du selvaht hosht mich gland.

Psalm 119:102 ပူးပေါင်းရင်းမြစ်များ

Hiob 36:22

Gukk moll, Gott is hohch uf kohva in sei graft; vo is en leahrah vi eah is?

Psalm 18:21

Ich habb da vayk fumm Hah kalda, un habb nett letz gedu bei vekk drayya fumm meim Gott.

Shpricha 5:7

Nau dann, mei kinnah, heichet mich ab, un drayyet nett vekk funn di vadda es ich sawk.

Jeremia 32:40

Ich mach dess ayvich bund mitt eena: Ich shtobb nee nett goot du zu eena, un ich mach es si mich firchta, so es si nee nett vekk drayya funn miah.

1. Thessalonicher 2:13

Miah danka aw Gott di gans zeit fa dess: vo diah's Vatt Gottes ohgnumma hend es diah keaht hend funn uns, hend diah's ohgnumma nett es es vatt funn mensha, avvah fa vass es voahhaftich is: es Vatt funn Gott, dess vass am shaffa is in eich vo glawva.

1. Johannes 2:19

Si sinn funn uns naus ganga avvah si voahra nett funn uns; fa vann si funn uns gvest veahra, dann veahra si bei uns geblivva. Avvah si sinn funn uns naus ganga, un dess veist es si nett awl funn uns sinn.

1. Johannes 2:27

Un di salbung es diah grikt hend funn eem bleibt in eich, un diah brauchet nimmand havva fa eich lanna. Avvah vi sei salbung eich gland hott veyyich alli sacha, so is si voah un leekt nett; un vi sei salbung eich gland hott, so bleivet in eem.