Psalm 119:1 - Pennsylvania Dutch Bible

¹ Ksaykend sinn selli es en unshuldich layva fiahra, selli es lawfa im ksetz fumm Hah.

Psalm 119:1 ပူးပေါင်းရင်းမြစ်များ

2. Samuel 22:22

Ich habb em Hah sei vayk kalda. Ich habb mich nett ungettlich ohkshikt geyyich mei Gott.

2. Kaynicha 20:3

“Meindsht du, oh Hah, vi ich shtandhaftich gloffa binn fannich diah mitt en folkumma hatz un habb gedu vass diah kfellich voah?” Un da Hiskia hott biddahlich keild.

Hiob 1:1

Es voah en mann es Hiob kaysa hott es im land funn Uz gvoond hott. Deah mann voah unshuldich un ufrichtich; eah hott Gottes-furcht katt un hott sich vekk kalda funn evil.

Hiob 1:8

Da Hah hott no ksawt zumm Satan, “Hosht du acht katt funn meim gnecht da Hiob? 'Sis nimmand uf di eaht vi een. Eah is unshuldich un ufrichtich, en mann es Gottes-furcht in sich hott, un sich vekk hald funn evil.”

Psalm 101:2

Ich vill acht gevva un mich unshuldichah uf fiahra; vann kumsht du zu miah? Ich vill in meim haus lawfa mitt en unshuldich hatz.

Psalm 101:6

Mei awwa zayla uf di shtandhafticha im land sei, so es si bei miah bleiva sella; sellah es lawft in en unshuldichah vayk, soll mich deena.

Psalm 112:1

Lohb sei zumm Hah! Ksaykend is da mann es da Hah fircht, sellah es grohsi frayt hott in sei gebodda.

Psalm 128:1

Ksaykend is alli-ebbah es da Hah fircht, un in seim vayk lawft.

Shpricha 11:20

Da Hah hast mensha mitt falshi hatza, avvah eah hott frayt mitt selli es unshuldich lawfa.

Shpricha 13:6

Di gerechtichkeit heet di ufrichticha, avvah ungettlichkeit macht di sindah falla.

Shpricha 29:18

Vo kenn offenbarung is, vadda di leit vild un veesht, avvah ksaykend sinn selli es es ksetz halda.

Ezekiel 11:20

so es si in mei gebodda lawfa un mei adnunga halda un si doon. No zayla si mei leit sei un ich zayl iahra Gott sei.

Hosea 14:9

Veah hott veisheit? Eah fashtayt dee sacha. Veah hott eisicht? Eah fameikt si. Di vayya fumm Hah sinn recht; un di gerechta lawfa drinn, avvah di ivvah-dreddah shtolbahra drinn.

Lukas 1:6

Si voahra awl zvay gerecht fannich em Hah un sinn unshuldich fannich eem gloffa in awl di gebodda.

Lukas 11:28

Avvah eah hott ksawt zu iahra, “Yau, avvah ksaykend sinn dee vo Gottes Vatt heahra un's aw doon.”

Johannes 1:47

Vo Jesus da Nathanael ksenna hott kumma, hott eah ksawt veyya eem, “Do is en Israeliddah. Es is nix falshes in eem.”

Johannes 13:17

Vann diah dee sacha visset, sind diah ksaykend vann diah si aw doond.

Di Apostelgeschichte 24:16

Mitt dee hofning doon ich mei besht fa mei gans layva fiahra mitt en sauvah gvissa fannich Gott un di mensha.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Jakobus 1:25

Avvah sellah vo in's folkumma Ksetz nei gukt vass em frei macht, vann eah ohhald un is nett yusht aynah es heaht un fagest, avvah's no aw dutt, sellah vatt ksaykend in vass eah dutt.

Di Offenbarung 22:14

Ksaykend sinn selli es sei gebodda halda, so es si's recht henn zumm bohm funn layva, un daufa in di shtatt gay deich di doahra.