Psalm 111:7 - Pennsylvania Dutch Bible

⁷ Di eahvet funn sei hend is shtandhaftich un recht, awl sei gebodda kenna gedraut sei.

Psalm 111:7 ပူးပေါင်းရင်းမြစ်များ

Psalm 105:8

Eah denkt immah an sei bund, an's vatt es eah gebodda hott zu dausends funn dee es nohch kumma zayla,

Psalm 119:151

Avvah du bisht nayksht, oh Hah, un awl dei gebodda sinn voahheit.

Psalm 119:160

Dei vatt is di gans voahheit, un awl funn dei gerechti adnunga sinn ayvich.

Psalm 119:86

Dei gebodda kenna awl gedraut sei; helf miah, fa mennah fafolka mich mitt leeya.

Psalm 119:89

Dei vatt, oh Hah, is ayvichlich im himmel, un shtayt fesht fa'immah.

Psalm 19:7

Es Ksetz fumm Hah is folkumma, un gebt nei layva zu di sayl. Es zeiknis fumm Hah kann gedraut sei, un gebt veisheit zu selli es nett fashtayn.

Psalm 19:8

Em Hah sei befayla sinn recht, un macha's hatz froh. Di gebodda fumm Hah sinn pyuah, un gevva licht zu di awwa.

Psalm 85:10

Leevi un voahheit kumma zammah; gerechtichkeit un fridda kissa nannah.

Psalm 89:14

Gerechtichkeit un gericht hayva dei kaynich-shtool uf, shtandhaftichi-leevi un voahheit gayn fannich diah heah.

Psalm 93:5

Dei Vatt shtayt fesht ayvichlich; hallichkeit is ivvah dei haus, oh Hah, fa'immah.

Psalm 98:3

Eah hott an sei bamhatzichi leevi un sei shtandhaftichkeit zumm haus funn Israel gedenkt. Awl di leit biss an's end funn di veld henn di saylichkeit funn unsah Gott ksenna.

Daniel 4:34

Am end funn selli zeit habb ich, da Nebukadnezar, mei awwa nuff geyyich em himmel gedrayt un mei menshlichah fashtand is viddah zrikk kumma. Ich habb da Alli-Haychsht gepreist, un habb di eah un hallichkeit gevva zu sellah es laybt fa'immah. Sei Kaynich-Reich is en ayvich Kaynich-Reich; sei reich zayld shtay funn ayvichkeit zu ayvichkeit.

Daniel 9:14

Da Hah voah am voahra un nau hott eah dee dreebsawl uf uns gebrocht, fa da Hah unsah Gott is gerecht in alles es eah dutt; avvah doch henn miah eem nett keicht.

5. Mosi 32:4

Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

2. Timotheus 2:13

Vann miah nett glawva, doch bleibt eah shtandhaftich, fa eah kann sich selvaht nett falaykla.