Psalm 111:10 - Pennsylvania Dutch Bible

¹⁰ Di furcht fumm Hah is da ohfang funn veisheit, goodi eisicht henn selli es sei gebodda doon. Lohb sei zu eem fa'immah!

Psalm 111:10 ပူးပေါင်းရင်းမြစ်များ

Hiob 28:28

Un zumm mensh hott eah ksawt, ‘Gukk moll, di furcht fumm Hah, sell is veisheit, un fa sich vekk halda funn evil, sell is fashtendes.’”

Psalm 1:3

Eah is vi en bohm es geblanst is nayvich di vassah-grikka, es sei frucht gebt an di recht zeit, un es sei bleddah nett favelka doon. Alles es eah dutt shaft goot aus.

Psalm 145:2

Alli dawk vill ich dich lohva, un dei nohma preisa fa'immah un immah.

Shpricha 1:7

Di furcht fumm Hah is da ohfang funn eisicht; avvah dummi leit gukka nunnah uf veisheit un gleicha nett recht ksetzt sei.

Shpricha 3:4

No zaylsht du ohksenna sei un en goodah nohma havva, in di awwa funn Gott un mensha.

Shpricha 9:10

Di furcht fumm Hah, is da ohfang funn veisheit, un fa Sellah Heilich lanna kenna, is fashtand.

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

3. Mosi 19:14

Du solsht en dawbah mann nett faflucha, un aw nix imma blindah mann sei vayk du fa een shtolbahra macha, avvah du solsht dei Gott firchta. Ich binn da Hah.

Matthäus 25:21

Sei meishtah hott ksawt zu eem, ‘Du hosht goot gedu, du shtandhaftichah gnecht. Du voahsht shtandhaftich mitt bissel, ich setz dich ivvah feel. Kumm rei un sei fraylich mitt miah.’

Matthäus 25:23

Sei meishtah hott ksawt zu eem, ‘Du hosht goot gedu, du shtandhaftichah gnecht. Du voahsht shtandhaftich mitt bissel, ich setz dich ivvah feel. Kumm rei un sei fraylich mitt miah.’

Johannes 12:43

Si henn leevah di eah funn leit es di eah funn Gott katt.

Johannes 13:17

Vann diah dee sacha visset, sind diah ksaykend vann diah si aw doond.

Johannes 5:44

Vi kennet diah glawva vann diah yusht di eah nemmet funn-nannah un suchet nett di eah vo kumd fumm aynsishta Gott?

Römer 2:29

Avvah deah is en Yutt vo aynah is innahlich. Un di beshneidung is sell vo fumm hatz is, dess vo im geisht is, un nett sell vass kshrivva is. So ebbahm sei lohb kumd nett funn mensha avvah funn Gott.

Römer 2:7

Fa selli es geduldich ohhalda goot du, un hallichkeit un eah sucha, un en layva es nett shtaubt, zu selli gebt eah ayvich layva.

1. Korinther 4:5

Fasell, richtet nix eb's zeit is. Voahdet biss da Hah kumd. Eah zayld alles aus em dunkla raus in di helling bringa, un zayld leit iahra hatza un gedanka abdekka. An selli zeit grikt alli-ebbah lohb funn Gott vass zu eem heaht.

2. Korinther 4:17

Fa unsah dreebsawl vo leicht un katz is, shaft aus fa uns en ayvichi un en vichtichi hallichkeit.

5. Mosi 4:6

Haldet si un doond si, fa dess veist eiyah veisheit un fashtand zu di leit vann si heahra veyyich dee gebodda, un si zayla sawwa, “Dess is geviss en hallich folk mitt veisheit un fashtand.”

1. Petrus 1:7

Dee sacha kumma so es eiyah glawva—vo may veaht is es gold vass fagayt, un vass broviaht vatt deich feiyah—shtandhaftich kfunna sei kann zumm lohb, hallichkeit un eah, vann Jesus Christus moll kumd,

Di Offenbarung 22:14

Ksaykend sinn selli es sei gebodda halda, so es si's recht henn zumm bohm funn layva, un daufa in di shtatt gay deich di doahra.