Psalm 109:22 - Pennsylvania Dutch Bible

²² Fa ich binn oahm un habb grohsi noht, mei hatz dutt vay in miah.

Psalm 109:22 ပူးပေါင်းရင်းမြစ်များ

2. Kaynicha 4:27

Avvah vo see zumm mann funn Gott kumma is uf em berg, hott see hohld gnumma funn sei fees. Da Gehasi is kumma un hott see vekk sheeva vella, avvah da mann funn Gott hott ksawt, “Loss see gay, iahra sayl is oahrich bedreebt, un da Hah hott's kalda funn miah un miah nett ksawt favass.”

Hiob 6:4

Em Awlmechticha sei arrows shtekka in miah; mei geisht drinkt iahra gift. Ich binn fagelshtaht bei di sacha es Gott ufgleind hott geyyich mich.

Psalm 102:4

Mei hatz is nunnah kshlauwa un fadatt vi graws, so es ich fagess mei broht essa.

Psalm 109:16

Eah hott nee nett droh gedenkt fa bamhatzich sei, avvah eah hott di aylendicha, di oahma un bedreebda fafolkt zumm doht.

Psalm 22:6

Avvah ich binn en voahm, nett en mensh, leit fashpodda mich, si gukka nunnah uf mich.

Psalm 25:16

Dray dich zu miah, un sei gnaydich zu miah, fa ich binn laynich un fafolkt.

Psalm 40:17

Ich binn oahm un in noht; avvah da Hah denkt an mich. Du bisht mei hilf un machsht mich frei, oh mei Gott, fasaum dich nett.

Psalm 86:1

Heich mich ab, oh Hah, un gebb miah andvat, fa ich binn oahm un in noht.

Jesoiya 53:3

Eah voah gezayld vi nix, un voah nett ohgnumma bei mensha, en mann mitt dreebsawl un shmatza. Eah voah aynah es leit nett ohgegukt henn. Eah voah gezayld vi drekk, un miah henn nix zu du havva vella mitt eem.

Matthäus 8:20

Jesus hott ksawt zu eem, “Di faxa henn lechah, un di fekkel in di luft henn neshtah. Avvah da Mensha Sohn hott neiyets vo eah sich hee layya kann.”

Lukas 22:44

Un's is eem oahrich shveah vadda, no hott eah yusht noch eiyah gebayda, un sei shvitz is vadda vi bloot-drobba un is nunnah kfalla uf da bodda.

Johannes 12:27

Nau is mei sayl gedruvveld. Un vass soll ich sawwa, ‘Faddah, hald mich funn dee shtund’? Nay, avvah fa dee uahsach binn ich an dee shtund kumma.

2. Korinther 8:9

Diah visset di gnawt funn unsahm Hah Jesus Christus. Diveil es eah reich voah is eah oahm vadda fa eich, un deich dess es eah oahm vadda is, hott eah eich reich gmacht.