Psalm 107:40 - Pennsylvania Dutch Bible

⁴⁰ eah macht shpott un fa'acht di evvahshta, un macht si rumm lawfa draus im veeshta vo kenn vayk is.

Psalm 107:40 ပူးပေါင်းရင်းမြစ်များ

1. Kaynicha 21:19

Sawk zu eem, ‘Dess is vass da Hah sawkt: Hosht du en mann doht gmacht so es du sei land nemma kansht?’ No sawk zu eem, ‘Dess is vass da Hah sawkt: Im blatz vo di hund em Naboth sei bloot ufkshlekt henn, zayla di hund aw dei bloot ufshlekka.’”

Hiob 12:21

Eah gukt nunnah uf di evvahshta, un macht's belt lohs funn di mechticha.

Hiob 12:24

Eah nemd di foah-gengah iahra fashtand vekk es ivvah di leit funn di eaht sinn, un macht si draus rumm lawfa vo kenn vayk is.

Psalm 107:4

Dayl sinn rumm gloffa in di vildahnis, un henn kenn vayk finna kenna zu en shtatt es si drinn voona henn kenna.

Psalm 78:66

Eah hott sei feinda hinnahsich gedrivva, un hott si sich ayvichlich shemma gmacht.

2. Mosi 8:17

Si henn no so gedu. Da Aaron hott sei hand naus kshtekt mitt sei shtokk un hott da shtawb funn di eaht kshlauwa, un's voahra shtech-mukka uf di leit un em fee. Awl da shtawb is shtech-mukka vadda deich's gans land funn Egypta.

2. Mosi 8:24

No hott da Hah so gedu. Es sinn grohsi shvoahma mukka im Pharao sei heisah un in sei gnechta iahra heisah kumma. Un's land voah fasaut bei dee shvoahma funn mukka im gansa land Egypta.

2. Mosi 8:3

Da revvah zayld shvoahma mitt fresh un si zayla ruff kumma in dei haus, in dei bett-shtubb, in dei bett, in di heisah funn dei gnechta, uf dei leit, in eiyah bakk-effa un in eiyah dayk-shisla.

2. Mosi 8:4

Sellah vayk zayla di fresh ruff kumma uf dich un dei leit un uf awl dei gnechta.”’”

Daniel 4:33

No grawt vass ksawt voah veyyich em Nebukadnezar is voah kumma. Eah voah vekk gedrivva funn di leit un hott graws kfressa mitt em fee. Sei leib voah nass gmacht mitt em dau fumm himmel biss sei hoah lang gvaxa is vi di feddahra funn en awdlah, un sei fingah-nekkel voahra vi di claws funn en fokkel.

Di Apostelgeschichte 12:23

En engel fumm Hah hott een grawt nunnah kshlauwa, veil eah nett di eah zu Gott gevva hott. Un veahm henn da Herodes kfressa, un eah is kshtauva.

5. Mosi 32:10

Eah hott een kfunna draus im drukka land, draus in di veesht vildahnis; eah hott een umgringd kalda, un hott acht gevva uf een, grawt es vi da abbel funn seim awk.

Di Offenbarung 19:18

so es diah's flaysh fressa kennet funn kaynicha, funn greeks-hauptmennah, funn mechtichi mennah, funn geil un iahra reidah, un's flaysh funn awl di leit, eb si frei adda gnechta, glay adda grohs sinn.”

Richtah 4:21

Avvah di Jael, em Heber sei fraw, hott en tent-shtikkel un en hammah in iahra hend gnumma, is nuff kshlicha un hott da shtikkel deich sei kobb gedrivva nunnah in da grund diveil es eah am shlohfa voah, fa eah voah oahrich meet. So is da Sisera kshtauva.

1. Samuel 5:9

Avvah noch demm es si see datt anna gebrocht katt henn, voah di hand fumm Hah geyyich selli shtatt un see voah in grohsah angsht. Eah hott di leit funn di shtatt, yung un ald, geblohkt mitt kshveahra.

1. Samuel 6:4

No henn si kfrohkt, “Vass soll di shuld-opfah sei es miah zu eem gevva sella?” Si henn ksawt, “Fimf goldichi kshveahra un fimf goldichi meis, da nambah funn di fimf Philishtah roolahs, fa di saym grankheit un peshtelens es eich ohgepakt hott, hott aw eiyah roolahs ohgepakt.