Psalm 107:33 - Pennsylvania Dutch Bible

³³ Eah hott di revvahra in en drukkani vildahnis gmacht, un vassah-shpringa in dashtichah grund gedrayt.

Psalm 107:33 ပူးပေါင်းရင်းမြစ်များ

1. Kaynicha 18:5

Da Ahab hott ksawt zumm Obadia, “Gay deich's gans land zu awl di vassah-shpringa un valleys. Fleicht kenna miah graws finna fa di geil un aysla levendich halda, un so es miah unsah diahra nett faliahra.”

Psalm 74:15

Du hosht di shprings un di grikka uf gmacht, un hosht di grohsa revvahra ufgedrikkeld.

Jesoiya 42:15

Ich zayl di berga un hivla faveeshta un awl di blansa ufdrikla. Ich zayl di revvahra zu drukka land macha, un di vassah-lechah ufdrikla.

Jesoiya 44:27

deah es zumm deefa vassah sawkt, ‘Drikkel uf, un ich drikkel eiyah revvahra uf,’

Jesoiya 50:2

Favass voah nimmand datt vo ich kumma binn? Vo ich groofa habb, favass hott nimmand andvat gevva? Voah mei oahm zu katz fa eich frei setza? Voah ich zu shvach fa eich zrikk hohla? Gukket moll, yusht bei zanka, dann drikkel ich da say uf, un mach di revvahra in en vildahnis, iahra fish gayn doht un fafaula, si fadashta unni vassah.

Jeremia 14:3

Iahra reichi shikka iahra gnechta fa vassah hohla; si gayn naus an di sistahns, avvah si finna kenn vassah. Si kumma zrikk mitt leahri ksharra; si henn moot faloahra un sinn bedreebt, si dekka iahra kebb zu.

Ezekiel 30:12

Ich zayl da Nile Revvah ufdrikla, un's land fakawfa zu gottlohsi leit; ich zayl's land un alles es drinn is faveeshta bei di hend funn fremdi. Ich da Hah habb kshvetzt.

Joel 1:20

Di vilda diahra sinn am greisha zu diah; di vassah-grikka sinn ufgedrikkeld, un's feiyah hott awl's graws fabrend.

Nahum 1:4

Eah zankt da say un macht en drukka, eah drikkeld awl di revvahra uf. Basan un Karmel drayya brau, un di blumma funn Lebanon favelka.

Zephania 2:13

Eah zayld sei hand naus shtrekka geyyich di natt, un zayld Assyria umbringa. Eah fadaubt di shtatt funn Nineveh un see vatt en drukkani vildahnis.

Zephania 2:9

Fasell, so shuah es ich layb,” sawkt da Awlmechtich Hah, da Gott funn Israel, “zayld Moab vadda vi Sodom un di Ammoniddah vi Gomorra— en blatz funn veetz un sals-pits, en fadauvanah blatz fa'immah. Mei leit es ivvahrich sinn zayla si rawva, un zayla iahra land eahva.”