Psalm 107:14 - Pennsylvania Dutch Bible

¹⁴ Eah hott si aus em deef dunkla gebrocht, un hott iahra kedda farissa.

Psalm 107:14 ပူးပေါင်းရင်းမြစ်များ

Hiob 15:22

Eah glawbt nett es eah zrikk kumd fumm dunkla, eah is gmeikt fa's shvatt.

Hiob 15:30

Eah kumd nett vekk fumm dunkla, es flamm drikkeld sei blansa uf, un da ohften funn Gott sei maul drawkt een vekk.

Hiob 19:8

Eah hott mei vayk zu gmacht so es ich nett gay kann; eah hott mei pawda dunkel gmacht.

Hiob 3:5

Loss sellah dawk sei mitt dunkles un finshtahnis; loss en volk drivvah kumma; loss da dawk ivvah-kumma sei mitt shvatz dunkles.

Hiob 33:30

so es eah sei sayl zrikk drayya kann fumm grawb, un so es eah's licht funn layva sayna kann.

Hiob 36:8

Avvah vann si gebunna sinn mitt kedda, un kfanga sinn mitt di shtrikk funn di aylendicha,

Psalm 102:20

Eah hott's geyammah keaht funn di kfangana, un hott selli lohs gedrayt es doht gmacht sei henn sella.

Psalm 107:10

Dayl henn missa in oahrichi dunkli bletz hokka, si voahra kfanga un gebunna mitt kedda,

Psalm 116:16

Oh Hah, ich binn dei gnecht; ich binn dei gnecht un da sohn funn dei mawt, du hosht mich lohs gmacht funn mei kedda.

Psalm 146:7

deah es recht dutt zu selli es nunnah gedredda sinn, un gebt ess-sach zu di hungahricha. Da Hah macht di kfangana frei.

Psalm 68:6

Gott macht en haymet fa selli es zeidlang henn; eah macht di kfangana frei un helft si goot ab sei. Avvah selli es geyyich Gott shaffa missa in en drukka land layva.

Jesoiya 42:16

Ich zayl di blinda fiahra in vayya es si nett gvist henn. Ich zayl eena foah gay in pawda es nett bekand sinn zu eena. Ich zayl's dunkla hell macha fannich eena, un unayvani bletz ayva macha. Dess sinn di sacha es ich du zayl; ich zayl si nett hokka lossa.

Jesoiya 49:9

Ich sawk zu di kfangana, ‘Kummet raus,’ un zu selli im dunkla, ‘Seind frei!’ Si zayla feedra an di vayya nohch un vayt finna uf awl di bludda hivla.

Jesoiya 61:1

Da Geisht funn Gott da Hah is uf miah, veil da Hah mich ksalbt hott fa goodi zeiya breddicha zu di oahma. Eah hott mich kshikt fa selli hayla mitt vayyi hatza, fa di freiheit fakindicha zu di kfangana, un fa selli frei macha es gebunna sinn.

Lukas 13:16

Un sett nett dee fraw vo fumm Abraham sei nohch-kummashaft is, un vo gebunna voah beim Satan fa achtzay yoah, lohs gmacht vadda uf em Sabbat-Dawk?”

Di Apostelgeschichte 5:19

Avvah en engel fumm Hah hott in di nacht di deah funn di jail uf gmacht. Eah hott di aposhtla raus kfiaht un hott ksawt,

Di Apostelgeschichte 5:25

No is aynah kumma un hott ksawt, “Gukket moll, di mennah es diah eikshtekt katt hend, shtayn im tempel, un sinn am di leit lanna.”

Epheser 5:8

Fa diah voahret an ay zeit dunkelheit, avvah nau sind diah licht im Hah; lawfet vi kinnah fumm licht.

1. Petrus 2:9

Avvah diah sind en raus groofa kshlecht, en kaynichi preeshtahshaft, en heilich folk, en leit es zu Gott heaht, so es diah di vundahboahra sacha sawwa sellet veyyich eem, deah vo eich aus em dunkla groofa hott in sei vundahboahri helling.