Psalm 107:12 - Pennsylvania Dutch Bible

¹² So hott eah iahra hatza nunnah glawda mitt haddi eahvet; si sinn kshtolbaht un's voah nimmand fa helfa.

Psalm 107:12 ပူးပေါင်းရင်းမြစ်များ

2. Kaynicha 14:26

Fa da Hah hott ksenna vi biddahlich es alli-ebbah deich gmacht hott in Israel, un's hott nix aus gmacht eb si bunds-gnechta voahra adda frei, 's voah nimmand fa eena helfa.

2. Kaynicha 6:33

Vo da Elisa noch am shvetza voah zu eena, is da mann runnah kumma, un da kaynich hott ksawt, “Deah druvvel is fumm Hah. Favass sett ich lengah voahra uf da Hah?”

Nehemia 9:37

Un's frucht fumm land gayt zu di kaynicha, es du ivvah uns ksetzt hosht deich unsah sinda. Si roola ivvah unsah leivah, ivvah unsah fee vi si vella; miah sinn in grohsi noht.

Hiob 9:13

Gott dutt sei zann nett zrikk hayva, di helfah fumm Rahab missa sich beeya unnich sei fees.

Psalm 142:4

Gukk uf mei rechtsi seit un sayn, nimmand nemd acht funn miah, 'sis neiyets es ich hee fleeya kann, nimmand gebt ebbes um mich.

Psalm 22:11

Bleib nett veit vekk funn miah, fa druvvel is nayksht, un's is nimmand fa helfa.

2. Mosi 2:23

Ivvah en langi zeit is da kaynich funn Egypta endlich kshtauva. Di Kinnah-Israel henn gyammaht ivvah iahra shveahri eahvet un henn naus groofa. Un iahra roofes fa hilf veyyich iahra shveahri eahvet is nuff zu Gott kumma.

Jesoiya 51:23

Ich du's kobli in di hand funn dei nunnah-drikkah, selli es ksawt henn zu diah, ‘Layk dich anna so es miah ivvah dich lawfa kenna.’ Un du hosht dei bukkel gmacht vi da grund, vi en shtrohs es leit drivvah lawfa.”

Jesoiya 52:5

Nau vass havvich do?” sawkt da Hah. “Mei leit voahra vekk gnumma fa nix, un selli es ivvah si sinn fashpodda si, un mei nohma is faleshtaht da gans dawk lang,” sawkt da Hah.

Jesoiya 63:5

Ich habb gegukt, avvah's voah nimmand fa helfa, ich voah fashtaund es nimmand miah bei-kshtanna hott; so hott mei ayknah oahm miah ivvah-hand gevva, mei zann hott miah graft gevva.

Richtah 16:21

No henn di Philishtah een gnumma un henn sei awwa raus kshtocha, un henn een nunnah an Gaza gebrocht. Si henn een gebunna mitt bronze kedda, un datt henn si een gmacht frucht mawla in di jail.

Richtah 16:30

Un da Samson hott ksawt, “Loss mich shteahva mitt di Philishtah!” No hott eah kshohva mitt alles es eah katt hott, uns haus is zammah runnah kfalla mitt awl di roolahs un di leit drinn. So hott eah feel may doht gmacht an seim doht es eah doht gmacht katt hott am layva.