Psalm 105:8 - Pennsylvania Dutch Bible

⁸ Eah denkt immah an sei bund, an's vatt es eah gebodda hott zu dausends funn dee es nohch kumma zayla,

Psalm 105:8 ပူးပေါင်းရင်းမြစ်များ

1. Mosi 17:7

Un ich vill mei bund macha zvishich miah un diah un dei nohch-kummashaft noch diah, un iahra nohch-kummashaft. Dess soll en ayvich bund sei, es ich dei Gott sei zayl un da Gott funn dei nohch-kummashaft.

1. Mosi 26:3

Bleib en fremdah do in demm land, un ich bleib mitt diah un sayken dich. Zu diah un dei nohch-kummashaft gevvich awl dee lendah, un ich zayl di vadda halda vass ich kshvoahra habb zu dei faddah da Abraham.

1. Chronik 16:15

Denket an sei bund fa'immah, es vatt es eah gevva hott fa en dausend layves-zeida,

Nehemia 1:5

No habb ich ksawt: “Oh Hah, da Gott fumm himmel, du grohsah un shreklichah Gott. Du haldsht dei bund un dei shtandhaftichi-leevi fa selli es dich leeb henn un dei gebodda halda.

Psalm 105:42

Eah hott an sei heilichi fashprechung gedenkt, un an da Abraham, sei gnecht.

Psalm 106:45

No hott eah an sei bund gedenkt mitt eena, un deich sei grohsi leevi hott eah nohch glost.

Psalm 111:5

Eah gebt ess-sach zu selli es een firchta, eah fagest sei bund nee nett.

Psalm 111:9

Eah hott saylichkeit zu sei leit kshikt, un hott sei ayvich bund gmacht mitt eena; heilich un mechtich is sei nohma.

2. Mosi 2:24

Gott hott iahra yammahres keaht, un hott sei bund mitt em Abraham, em Isaac un em Jakob gmeind.

Jeremia 11:5

No zayl ich di vadda halda es ich kshvoahra habb zu eiyah foah-feddah fa eena en land gevva es millich un hunnich drinn lawft,’ so vi's is heit.” No habb ich, da Jeremia, ksawt, “Yau, Hah, loss es so sei.”

Daniel 9:4

Ich habb gebayda zumm Hah mei Gott, habb mich bekend un habb ksawt, “Oh Hah, du grohsah un shreklichah Gott, deah es sei bund un shtandhaftichi-leevi hald fa selli es een leeva un sei gebodda halda,

Micha 7:20

Du zaylsht shtandhaftich sei zumm Jakob, un bamhatzich zumm Abraham, so vi du kshvoahra hosht zu unsah foah-feddah in di dawwa lang zrikk.

5. Mosi 7:12

Vann diah dee gebodda abheichet un si haldet, dann hald da Hah eiyah Gott sei bund un di bamhatzichkeit es eah kshvoahra hott zu eiyah foah-feddah.

5. Mosi 7:8

Es voah veil da Hah eich leeb katt hott un sei vatt kalda hott, dess es eah kshvoahra katt hott zu eiyah foah-feddah. Fasell hott eah eich raus gebrocht mitt en mechtichi hand un eich frei gmacht fumm gnechta-land, funn di hand fumm Pharao, da kaynich funn Egypta.

5. Mosi 7:9

Fasell sellet diah vissa es da Hah eiyah Gott, Gott is. Eah is da shtandhaftich Gott es sei bund hald, un sei shtandhaftichi-leevi veist fa en dausend layves-zeida zu selli es een leeva un sei gebodda halda.

Joshua 21:43

So hott da Hah awl's land gevva zu Israel es eah kshvoahra hott fa zu iahra foah-feddah gevva. Si henn's land ivvah-gnumma un henn datt gvoond.