Psalm 104:24 - Pennsylvania Dutch Bible

²⁴ Oh Hah, vi feel sinn dei verka, in dei veisheit hosht du si awl gmacht. Di eaht is foll mitt dei levendichi sacha.

Psalm 104:24 ပူးပေါင်းရင်းမြစ်များ

1. Mosi 1:31

Un Gott hott alles ksenna es eah gmacht hott, un's voah oahrich goot. Un's voah ohvets un meiyets, da sext dawk.

Nehemia 9:6

Du laynich bisht da Hah. Du hosht da himmel gmacht, da haychsht himmel mitt awl sei shtanna, di eaht un alles es drinn is, da say un alles es drinn is. Du gebsht layva zu alles, un di mechticha im himmel bayda dich oh.

Hiob 5:9

Eah dutt grohsi un unbegreiflichi sacha, vundahra es nett gezayld sei kenna.

Psalm 107:24

Si henn em Hah sei eahvet ksenna, un sei vundahboahri verka uf em say.

Psalm 107:31

Loss si da Hah danka fa sei shtandhaftichi-leevi, fa di vundahboahra sacha es eah dutt zu di mensha-kinnah.

Psalm 136:5

deah es mitt veisheit di himla gmacht hott, fa sei shtandhaftichi-leevi bleibt ayvichlich;

Psalm 148:7

Lohvet da Hah uf di eaht, diah valfish un alles deefes,

Psalm 24:1

Di eaht is em Hah seini, un alles es drinn is. Di veld un awl selli es drinn voona sinn sei.

Psalm 40:5

Feel, oh Hah mei Gott, sinn di vundahboahri sacha es du gedu hosht, un aw dei gedanka veyyich uns. 'Sis nimmand gleich zu diah. Vann ich dee sacha sawwa un fazayla vett, veahra si zu feel fa zayla.

Psalm 65:11

Du krohnsht's yoah mitt dei goodi eahn; datt vo du fabei kfoahra bisht sinn feel goodi sacha.

Psalm 8:3

Vann ich ivvah di sacha denk funn dei himla, di eahvet funn dei fingah, da moon un di shtanna es du kshaffa hosht,

Psalm 92:6

En unksheidah mensh vayst dess nett, un en dummah mensh fashtayt's nett,

Jeremia 10:12

Gott hott di eaht gmacht mitt sei graft; eah hott di veld gmacht deich sei veisheit, un di himla deich sei fashtand.

Römer 11:33

Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.

Epheser 1:8

dess vass eah reichlich zu uns gevva hott mitt alli veisheit un eisicht.

Epheser 3:10

so es deich di gmay, di himlishi rulahs un ivvah-saynah nau bekand gmacht vadda kenna mitt Gott sei veisheit vo sich veist in mannichi vayya.

1. Timotheus 6:17

Lann selli vo reich sinn in deahra veld fa nett grohs-feelich sei, un fa iahra hofning nett in dee fagenglichi reichheit du, avvah in Gott, deah vo uns reichlich alles gebt fa unsah blesiah.