Philemon 1:8 - Pennsylvania Dutch Bible

⁸ Fa sell, even vann ich en grohsi freiheit habb in Christus, so es ich diah sawwa kend vass du du setsht,

Philemon 1:8 ပူးပေါင်းရင်းမြစ်များ

2. Korinther 10:8

Un even vann ich bissel zu feel braekk veyyich unsah recht vass da Hah uns gevva hott fa eich ufbauwa, un nett fa eich nunnah reisa, ich brauch mich doch nett shemma.

2. Korinther 11:21

Ich muss sawwa, zu meim aykna shohm, miah voahra zu shvach fa sell du zu eich. Avvah vass-evvah es ennich ebbah draut braekka diveyya—ich shvetz vi en nah—dess dauf ich aw braekka diveyya.

2. Korinther 3:12

Siddah es miah dee grohs hofning henn, shvetza miah grawt raus,

Epheser 5:4

Losset nix ungerechtes, adda dummi un drekkichi kshvetzah vo nett shiklich sinn unnich eich sei; avvah in blatz funn sellem gevvet dank.

1. Thessalonicher 2:2

Avvah noch demm es miah shund feel deich gmacht katt henn an Philippi un voahra veesht gyoost datt, dess es diah aw visset, un es miah in unsah Gott gedraut henn fa eich sawwa veyyich em Effangaylium funn Gott mitt feel shtreit.

1. Thessalonicher 2:6

Miah voahra aw nett am gukka fa uf gebraekt sei funn mensha, nett funn eich adda funn anri.