Obadia 1:5 - Pennsylvania Dutch Bible

⁵ “Vann deeb zu diah kumma, un rawvah in di nacht, selli rawvah dayda nett alles nemma, yusht biss si genunk henn. Vann leit kumma dayda drauva pikka, dayda si nett samm ivvahrich lossa? Avvah du vasht gans fafolkt!

Obadia 1:5 ပူးပေါင်းရင်းမြစ်များ

2. Samuel 1:19

“Dei hallichkeit, oh Israel, leit doht gmacht drovva in dei hohchi bletz, vi oahrich sinn di mechticha kfalla!

Jesoiya 14:12

Vi bisht du doch fumm himmel kfalla, oh helli meiya-shtann! Du voahsht runnah kshmissa uf di eaht, du es als di heida niddah glaykt hosht!

Jesoiya 17:6

Avvah's zayld doch samm ivvahrich sei, so es vi vann en ayl-bohm kshiddeld vatt un's lost zvay adda drei in di evvahshta nesht, un fleicht fiah adda fimf in di fruchtboahra nesht.” Dess sawkt da Hah, da Gott funn Israel.

Jesoiya 24:13

So zayld's sei uf di eaht, un unnich di heida, so es vi da ayl-bohm kshiddeld vatt, un di letshta drauva abkshnidda vadda.

Jeremia 49:9

Vann di drauva ablaysah zu eich kumma, doon si nett samm drauva ivvahrich lossa? Vann di deeb kumma deich di nacht, doon si nett yusht so feel shtayla es si braucha?

Jeremia 50:23

Vi oahrich is sellah hammah funn di gans veld fabrocha un fadauva vadda! Vi veesht un leah is Babylon vadda unnich awl di lendah!

Jeremia 6:9

Dess is vass da Awlmechtich Hah sawkt: “Vass ivvahrich is funn Israel, muss ivvah-grobt sei vi en vei-shtokk; gay viddah ivvah di nesht mitt dei hand vi ebbah es am drauva robba is.”

Glawk-Leedah 1:1

Vi hokt di shtatt so falossa, es moll so foll leit voah! See is vi en vitt-fraw, es moll grohs voah unnich di heida! See voah vi en kaynich-fraw unnich di lendah, avvah nau is see en deensht-mawt.

Obadia 1:9

Dei greeks-gnechta, oh shtatt Theman, vadda fagelshtaht; alli-ebbah uf em Berg Esau vatt nunnah kshlauwa un doht gmacht.

Micha 7:1

Vay zu miah! Es gayt mitt miah vi aynah es di drauva ab-shneida vill; es sinn kenn drauva ivvahrich zu essa, un aw kenn zeidichi feiya, selli es ich gleich.

Zephania 2:15

Dess is di fraylich shtatt es aus di kfoah voah. See hott zu sich selvaht ksawt, “Ich binn ebbes, un's is nimmand vi mich.” Vi fadauva is si vadda, en blatz fa vildi diahra! Alli-ebbah es fabei gayt, peift ivvah see, haybt sei hand uf un shpott.

5. Mosi 24:21

Vann diah di drauva abshneidet in eiyah vei-goahra, gaynd nett's zvett mohl drivvah. Losset sell fa di ausahra, di kinnah unni eldra un di vitt-veivah.

Di Offenbarung 18:10

Si zayla veit vekk shtay un sich feicha veyyich iahra shtrohf, un zayla sawwa, “Vay, vay, du grohsi shtatt Babylon! Du mechtichi shtatt! In ay shtund is dei gericht kumma.”