Obadia 1:18 - Pennsylvania Dutch Bible

¹⁸ Em Jakob sei leit zayla sei vi en feiyah, un em Joseph sei leit vi en flamm. Em Esau sei leit zayla sei vi shtubla im feld; si zayla fabrend vadda mitt demm feiyah. Es zayld nimmand ivvahrich sei fumm Esau sei nohch-kummashaft.” Da Hah hott so ksawt.

Obadia 1:18 ပူးပေါင်းရင်းမြစ်များ

2. Samuel 19:20

Ich vays es ich ksindicht habb, avvah heit binn ich do runnah kumma es da eahsht funn di gans family fumm Joseph fa mei hah da kaynich ohdreffa.”

2. Mosi 5:12

So sinn di leit gans ivvah's land Egypta ganga fa shtubla geddahra so es si shtroh henn.

Jesoiya 10:17

Es Licht funn Israel zayld en feiyah vadda, un iahra Heilichah vatt en flamm; un's zayld di danna un hekka funn Assyria ufbrenna in ay dawk.

Jesoiya 31:9

Iahra shteiki mennah vadda fagelshtaht un fabutza sich, iahra foah-gengah lossa iahra greeks-flags hinnich sich mitt angsht,” so sawkt da Hah, sellah es is vi feiyah in Zion, vi en offa in Jerusalem.

Jesoiya 47:14

Gukket, si sinn vi shtubla im feld, feiyah brend si uf. Si kenna sich selvaht nett halda funn di graft fumm flamm. Si sinn nett vi kohla fa em veahma, adda vi en feiyah fa dibei hokka.

Jesoiya 5:24

So vi's flamm fumm feiyah shtroh ufbrend, un vi's drukka graws nunnah gayt im flamm, so fafaula iahra vatzla, un iahra blumma blohsa vekk vi shtawb, fa si henn's ksetz fumm Awlmechticha Hah nunnah gedrayt, un's vatt fumm Heilicha funn Israel fa'acht.

Jesoiya 9:18

Evil is vi feiyah, es fabrend di danna un's veetz, un's brend en gansah bush nunnah. Da shmohk gayt nuff vi en volk.

Jesoiya 9:19

Im zann fumm Awlmechticha Hah vatt's land ufgebrend un di leit vadda vi's hols fa's feiyah, nimmand gebt ebbes um sei broodah.

Jeremia 11:23

Es zayld kens funn eena ivvahrich sei, veil ich en shreklich fadauves uf di leit funn Anathoth bringa zayl im yoah funn iahra shtrohf.”

Ezekiel 37:16

“Mensha-kind, nemm en holsichah shtekka un shreib dee vadda druff: ‘Deah shtekka is Juda un di Israeliddah es bei eem sinn.’ No nemm en anra holsichah shtekka un shreib druff, ‘Deah shtekka is da Ephraim es zumm Joseph heaht, un awl di Israeliddah es bei eem sinn.’

Ezekiel 37:19

dann sawk eena, ‘Dess is vass da Awlmechtich Hah sawkt: Ich zayl em Joseph sei shtekka nemma (deah es im Ephraim sei hand is) un awl di Israeliddah shtamma es bei eem sinn, un zayl sei shtekka zammah babba zumm Juda sei shtekka, so es si ay hols-shtekka sinn. No zayla si ayns sei in mei hand.’

Joel 2:5

Mitt en yacht vi greeks-veyya tshumba si ivvah di berga; vi di yacht funn en hays feiyah am shtubla fabrenna, vi en mechtich folk es grisht is fa greek.

Amos 1:8

Ich butz da kaynich funn di shtatt Asdod vekk un aw sellah kaynich es da zeptah haybt in di shtatt Askalon. Ich zayl mei hand drayya geyyich di shtatt Ekron, biss di letshta funn di Philishtah doht sinn.” So sawkt Gott da Hah.

Amos 5:15

Hasset vass evil is, leevet vass goot is, gevvet leit vass iahra recht is in di courts. Fleicht vatt da Hah, da Awlmechtich Gott, gnaydich zu selli es ivvahrich sinn fumm Joseph.

Amos 6:6

Diah drinket vei aus bowls, un salbet eich mitt em beshta ayl, avvah diah bekimmahret eich nett es em Joseph sei nohch-kummashaft falla zayld.

Obadia 1:16

So vi diah gedrunka hend uf meim heilicha hivvel, so zayla awl di heida immah drinka. Si zayla drinka un drinka, un zayla sei es vann si nee nett gvest veahra.

Micha 5:8

Selli es ivvahrich sinn aus em Jakob zayla unnich di heida kshtroit sei, unnich feel leit vi en layb unnich di diahra fumm bush, vi da yung layb unnich di shohf-drubba es si famawld un fareist vi eah gayt, un es nimmand shtobba kann.

Nahum 1:10

Si sinn vi danna es deich-nannah sinn, un sinn ksoffa funn iahra vei, avvah si vadda ufgebrend vi drukka shtroh.

Sacharia 12:6

Uf sellem dawk mach ich di evvahshta funn Juda vi en feiyah-pann in en hols-haufa, adda vi en flamm unnich drukkani shayb in di eahn. Si zayla awl di leit uf di rechts un lings seit ufbrenna, avvah di leit funn Jerusalem zayla viddah in iahra aykni bletz sei in Jerusalem.

Maleachi 4:1

“Gukket moll, en dawk is am kumma es brenna zayld vi en offa. Awl di shtolsa un gottlohsa zayla sei vi shtroh, un sellah dawk es am kumma is shtekt si oh mitt feiyah,” sawkt da Awlmechtich Hah. “Es zayld nett en vatzel adda en nasht ivvahrich sei funn eena.

1. Korinther 3:12

Nau vann ennich ebbah uf sellah fuddah baut mitt gold, silvah, keshtlichi shtay, hols, hoi adda shtubla,