Nehemia 9:35 - Pennsylvania Dutch Bible

³⁵ Even in iahra ayya kaynich-reich, mitt em grohs goodes es du gedu hosht unnich eena, un mitt em grohs un fruchtboah land es du eena gevva hosht, dann henn si dich nett gedeend, adda vekk gedrayt funn iahra gottlohsi vayya.

Nehemia 9:35 ပူးပေါင်းရင်းမြစ်များ

Nehemia 9:25

Si henn shteiki shtett un en goot land ivvah-gnumma. Si henn heisah foll alli sadda goot sach gnumma, gegrawvani sistahns, vei-goahra, ayl-goahra un feel obsht-baym. Si henn sich foll gessa un sinn fett vadda; si henn glaybt in frayt deich dei goot-maynichkeit.

Nehemia 9:34

Unsah kaynicha, unsah evvahshti, unsah preeshtah un unsah foah-feddah henn's ksetz nett kalda. Si henn nett acht gnumma funn dei gebodda un di vanninga es du eena gevva hosht.

Jesoiya 63:7

Ich zayl shvetza veyyich em Hah sei shtandhaftichi-leevi, veyyich di sacha es eah glohbt sei soll difoah, un veyyich alles es da Hah gedu hott fa uns— eah hott feel goodi sacha gedu fa's haus funn Israel, veil eah gnawt un bamhatzichkeit katt hott fa si.

Jeremia 5:19

Un vann leit frohwa, ‘Favass hott da Hah unsah Gott dess gedu zu uns?’ dann zaylsht du eena sawwa, ‘Vi diah mich falossa hend un fremdi gettah gedeend hend in eiyah ayya land, so nau zaylet diah fremdi leit deena in en land es nett eiyahs is.’

Ezekiel 5:6

Avvah see hott sich veeshtah kshteibaht geyyich mei adnunga in iahra gottlohsi vayya es di heida henn es um see rumm sinn, un aw es di lendah henn es um see rumm sinn. See hott mei adnunga nunnah gedrayt un is mei gebodda nett nohch gloffa.

5. Mosi 28:47

Veil diah da Hah eiyah Gott nett fraylich un geahn gedeend hend deich di gooda zeida,

5. Mosi 28:48

dann deich zeida funn hungahs-noht un dasht, un nakkichheit un oahmoot zayla diah eiyah feinda deena es da Hah geyyich eich shikt. Eah zayld en eisich yoch uf eiyah hals du biss eah eich zu nix gebrocht hott.

5. Mosi 31:21

Un vann feel veeshti sacha un druvla uf si kumma, no zayld dess leet en zeiknis sei geyyich si. Es zayld nett fagessa vadda bei iahra nohch-kummashaft. Ich vays vass iahra gedanka sinn un vass si nau shund im sinn henn, eb ich si nei in's land bring es ich kshvoahra habb.”