Nahum 1:6 - Pennsylvania Dutch Bible

⁶ Veah kann fannich seim zann shtay? Veah kann sei haysah zann shtenda? Sei zann brend vi feiyah, un macht di felsa in shtikkah fabrecha.

Nahum 1:6 ပူးပေါင်းရင်းမြစ်များ

1. Kaynicha 19:11

Da Hah hott no ksawt, “Gay naus un shtay uf da berg fannich da Hah. Da Hah zayld fabei gay.” Un en grohsah shteikah vind hott di berga fashpalda, un di felsa fabrocha fannich em Hah, avvah da Hah voah nett im vind. Noch em vind is en eaht-bayben kumma, avvah da Hah voah nett in di eaht-bayben.

Hiob 26:11

Di poshta fumm himmel ziddahra, un fashtauna sich vann eah si zankt.

Hiob 40:11

Leah dei haysah zann aus; gukk an di hohchmeedicha un mach si daymeedich.

Hiob 9:5

Eah kann berga rumm setza un si vissa's nett, un kann si ivvah-drayya in seim zann.

Psalm 130:3

Vann du sinda uf shreiva daytsht, oh Hah, veah kend shtay?

Psalm 2:12

Kisset da Sohn, fafiah eah vatt bays, un diah kummet um unnah-vayks, fa sei zann vatt kshvind ufkshtatt. Ksaykend sinn awl selli es eem drauwa fa hilf.

Psalm 76:7

Avvah alli-ebbah soll sich feicha veyyich diah. Veah kann fannich diah shtay vann du bays bisht?

Psalm 76:8

Du hosht dei richtes vissa glost fumm himmel, un di eaht hott sich kfeicht un voah shtill,

Psalm 90:11

Veah fashtayt dei graft vann du bays bisht? Veah vayst di furcht funn deim zann?

Jesoiya 10:16

Fasell, dutt da Hah, da Awlmechtich Hah, auszeahring unnich em Assur sei shteiki greeks-gnechta shikka; un unnich sei hallichkeit vatt en feiyah ohkshtekt vi en brennich flamm.

Jesoiya 13:13

No mach ich di himla ziddahra; un di eaht zayld aus iahra blatz shidla deich da zann fumm Awlmechticha Hah, im dawk funn sei haysah zann.

Jesoiya 27:4

Ich binn nimmi bays, avvah vann ich danna un hekka finna dayt in mei vei-goahra, no dayt ich geyyich si gay un's dayt greek gevva, un ich dayt si alles fabrenna.

Jesoiya 33:14

Di sindah funn Zion sinn fagelshtaht, di gottlohsa ziddahra. Si sawwa, “Veah funn uns kann voona mitt em fazeahrich feiyah? Veah funn uns kann layva mitt ayvich brennes?”

Jesoiya 66:15

Gukket moll, da Hah zayld kumma mitt feiyah, un sei veyya sinn vi en vind-veahvel; eah bringd runnah sei haysah zann un sei shtrohf mitt feiyah-flamma.

Jeremia 10:10

Avvah da Hah is da recht Gott; eah is da levendich Gott, un da ayvich Kaynich. Vann eah bays vatt, dann shiddeld di eaht; di heida kenna sei zann nett shtenda.

Jeremia 21:12

diah es fumm Dawfit sei nohch-kummashaft sind, dess is vass da Hah sawkt: Vann ebbah grawbt vatt, dann gevvet eem sei recht geyyich da rawvah; doond dess alli meiya es eahsht ding, adda mei zann gayt naus vi en gleedich feiyah, un brend so es nimmand's ausmacha kann, veil diah dess evil gedu hend.

Glawk-Leedah 2:3

In sei haysah zann hott eah alli macht funn Israel abkshnidda. Eah hott sei rechtsi hand zrikk gezowwa vo da feind kumma is. Eah hott gebrend geyyich da Jakob vi en feiyah es alles fazeaht hott datt rumm.

Glawk-Leedah 2:4

Vi en feind hott eah sei bow kshpand, un hott sei rechtsi hand grisht. Eah hott alles doht gmacht, alles es leeblich voah zumm awk. Eah hott sei zann ausgleaht vi feiyah, uf da tent funn di Dochtah Zion.

Glawk-Leedah 4:11

Da Hah voah folshtendich bays, un hott sei gleedichah zann ausgleaht. Eah hott en feiyah ohkshtekt in Zion, es see alles nunnah gebrend hott uf da bodda.

Ezekiel 21:31

Ich zayl mei zann ausleahra uf dich, un shnauf mei gleedichah ohften geyyich dich. Ich gebb dich ivvah zu unfashtendichi mennah, es goot sinn am doht macha.

Ezekiel 30:16

Ich shtekk en feiyah oh in Egypta; di shtatt, Sin, zayld shtravla mitt shmatza. No vatt funn-nannah grissa un Noph hott angsht alli dawk.

Ezekiel 39:6

Ich shikk feiyah uf's land Magog un uf selli es in fridda voona am say nohch. No zayla si vissa es ich da Hah binn.

Ezekiel 7:8

Glei zayl ich mei zann ausleahra uf dich un mei zann sich abshaffa lossa uf diah. Ich zayl dich richta fa vass du fadeend hosht un dich shtrohfa fa di grausama sacha unnich diah.

Nahum 1:2

Da Hah is en Gott es jealous is un es shtrohfa dutt; da Hah is zannich un eah betzawld zrikk. Da Hah betzawld selli zrikk es geyyich een sinn, un eah hald sei zann fa sei feinda.

Zephania 2:2

eb selli zeit voah kumd, un diah vaddet fatt geblohsa vi shprau, eb em Hah sei gleedichah zann uf eich kumd, eb da dawk fumm Hah sei zann uf eich kumd.

Maleachi 3:2

Avvah veah kann's leida uf em dawk es eah kumd? Veah kann shtay vann eah sich veist? Fa eah is vi's feiyah es gold reinich macht un vi di sayf fumm glaydah veshah.

Maleachi 4:1

“Gukket moll, en dawk is am kumma es brenna zayld vi en offa. Awl di shtolsa un gottlohsa zayla sei vi shtroh, un sellah dawk es am kumma is shtekt si oh mitt feiyah,” sawkt da Awlmechtich Hah. “Es zayld nett en vatzel adda en nasht ivvahrich sei funn eena.

Di Offenbarung 16:1

No habb ich en laudi shtimm fumm tempel keaht sawwa zu di sivva engel, “Gaynd un leahret di sivva shisla mitt Gott sei zann aus uf di eaht.”

Di Offenbarung 16:8

No hott da fiaht engel sei shissel ausgleaht uf di sunn, un's voah iahra macht gevva fa leit brenna mitt feiyah.

Di Offenbarung 6:17

Fa da grohs dawk funn sei zann is kumma un veah kann shtay bleiva?”