Matthäus 24:39 - Pennsylvania Dutch Bible

³⁹ Un si henn nix gvist difunn biss di sindfloot kumma is un hott si awl vekk gnumma. So zayld's sei vann da Mensha Sohn moll kumd.

Matthäus 24:39 ပူးပေါင်းရင်းမြစ်များ

1. Mosi 7:23

Alli levendich ding uf di eaht voah vekk gebutzt, funn mensha on biss an's fee, di diahra es uf em bodda gradla un di fekkel funn di luft. Si voahra awl vekk gebutzt funn di eaht; yusht da Noah voah ivvahrich, un selli es bei eem voahra in di oahrich.

Shpricha 23:35

“Si henn mich kshlauwa,” zaylsht du sawwa, “avvah's dutt mich nett vay; si henn mich geglobt, avvah ich feel's nett. Vann zayl ich ufvekka so es ich noch en drink havva kann?”

Shpricha 24:12

Du mechsht sawwa, “Gukk moll, miah henn nix gvist veyyich demm,” avvah dutt nett sellah es es hatz veekt sell vissa? Dutt nett sellah es vatsht ivvah dei sayl dess vissa? Dutt eah nett alli mann zrikk betzawla fa vass eah dutt?

Shpricha 29:7

En gerechtah mann vayst vass di oahma iahra recht is, avvah en gottlohsah mann fashtayt so sach nett.

Jesoiya 42:25

So hott eah sei gleedichah zann ausgleaht uf si, un da unfashtand es kumd funn greek. Dess hott si ohkshtekt mitt flamm, avvah si henn's nett fashtanna. Es hott si gebrend, avvah si henn's nett zu iahra hatz gnumma.

Matthäus 16:27

Fa da Mensha Sohn zayld kumma mitt sei engel in di hallichkeit funn seim faddah, un no betzawld eah alli mensh fa vass eah gedu hott.

Matthäus 24:3

Vi eah no uf em Ayl-Berg kokt hott, sinn di yingah laynich zu eem kumma un henn ksawt, “Sawk uns, vann zayla dee sacha sei, un vass zayld da zaycha sei vann du viddah kumsht un's end funn di veld kumd?”

Matthäus 24:30

No veist em Mensha Sohn sei zaycha sich im Himmel, un no doon awl di kshlechtah uf di eaht heila, un si zayla da Mensha Sohn sayna am kumma in di volka fumm Himmel mitt grohsi graft un hallichkeit.

Matthäus 24:37

Vi's voah an di zeit fumm Noah, so zayld's sei vann da Mensha Sohn moll kumd.

Matthäus 24:40

No zayla zvay mennah imma feld sei; aynah vatt gnumma un da annah bleibt zrikk.

Lukas 19:44

Si zayla dich uf da bodda shmeisa un aw dei kinnah vo in diah sinn, un si zayla nett ay shtay uf em anra lossa in diah veil du nett acht katt hosht an di zeit vo Gott dich gepsucht hott.”

Johannes 3:20

Fa alli-ebbah es evil dutt, hast's licht, un hald sich vekk funn di helling, fafiah es sei verka auskfunna vadda un kshtrohft vadda.

Di Apostelgeschichte 13:41

‘Gukket moll, diah vo shpoddet, favunnahret eich un shteahvet, veil ich en grohsi sach du zayl in eiyah zeit. En sach es diah nett glawva zaylet, even vann en mann eich sawkt difunn.’”

Römer 1:28

Un siddah es si nett gmaynd henn es es nohtvendich is fa vissa veyyich Gott, hott Gott si ivvah-gevva zu en unreini meind, fa di sacha du es si nett sedda.

2. Petrus 3:5

Avvah si doon poahbes dess ivvah-gukka: bei Gott sei Vatt voahra di himla gmacht lang zrikk, un di eaht voah gmacht aus em vassah un im vassah,

Richtah 20:34

Zeyya dausend goodi fechtah funn gans ivvah Israel sinn geyyich Gibea kumma un's fechtes voah oahrich shlimm. Di mennah funn Benjamin henn nett gvist es si glei shiah awl doht gmacht sei zayla.