Matthäus 13:22 - Pennsylvania Dutch Bible

²² Veyyich demm sohma vo ksayt voah unnich di danna, dess is aynah vo's Vatt heaht avvah di sacha funn dee veld, un's fafiahres fa reich vadda fashtikt's Vatt, un's gebt kenn frucht.

Matthäus 13:22 ပူးပေါင်းရင်းမြစ်များ

Psalm 52:7

“Gukket moll, dess is da mann es sich nett falossa hott uf Gott fa fechta fa een, avvah eah hott gedraut in sei grohsi reichheit, un is shteik vadda deich anri nunnah reisa.”

Psalm 62:10

Falosset eich nett uf rawves, un doond eiyah fadrauwa nett in kshtohla shtoft. Vann diah reich vaddet, setzet eiyah hatza nett uf sell.

Shpricha 11:28

Veah sich falost uf sei feel geld zayld falla, avvah di gerechta zayla vaxa vi en greeni blatt.

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Breddichah 4:8

Datt voah en mann gans laynich; eah hott kenn boo katt un aw kenn broodah. Avvah's voah kenn end zu awl sei shaffes, un sei awwa henn nett genunk geld greeya kenna. Eah hott kfrohkt, “Fa veah binn ich am so hatt shaffa, un favass binn ich am mich halda funn blesiah havva?” Dess is aw leah un gebt layva kenn mayning, en aylendichah vayk fa layva!

Jeremia 4:3

Dess is vass da Hah sawkt zu di leit in Juda un zu Jerusalem: “Bloowet eiyah neiyah grund un sayyet nett unnich di danna.

Matthäus 12:32

Ennich ebbah es ebbes sawkt geyyich da Mensha Sohn zayld's fagevva greeya. Avvah ennich ebbah es ebbes sawkt geyyich da Heilich Geisht zayld's nett fagevva greeya, nett in dee veld, adda in di veld vo kumd.

Matthäus 13:39

un da feind vo's ksayt hott is da Deivel. Di eahn is es end funn di veld, un dee vo da vaytza abmacha sinn di engel.

Matthäus 13:40

Grawt vi's veetz zammah gegeddaht vatt un fabrend vatt mitt feiyah, so zayld's sei am end funn di veld.

Matthäus 13:7

Samm sohma is unnich di danna kfalla, un di danna sinn ufgvaxa un henn di blansa fashtikt.

Lukas 12:15

Un Jesus hott ksawt zu eena, “Gevvet acht un vatshet eich veyyich lusht fa nadiahlichi sacha; en mann sei layva is nett uf gmacht mitt vi feel es eah aykend.”

Lukas 12:21

So is es fa deah vo feel nadiahlichi sacha uf laykt fa sich selvaht un is nett reich in Gott.”

Lukas 21:34

Diah sellet avvah acht gevva, es diah nett ufgnomma vaddet mitt fressa un saufahrei, un mitt di sacha funn dee veld, so es eiyah hatza unbekimmaht vadda, un sellah dawk unfahoft uf eich kumd.

Lukas 8:14

Un selli vo unnich di danna kfalla sinn, sinn dee vo heahra, avvah si gayn iahra vayk un vadda fashtikt bei bekimmahnis un reichheit, un bei em blesiah funn demm layva, un iahra frucht vatt nett zeidich.

Di Apostelgeschichte 8:18

Vo da Simon ksenna hott es leit da Heilich Geisht greeya vann di aposhtla iahra hend uf si layya, hott eah eena geld ohgebodda,

Römer 12:2

Machet eich nett sei vi's mushtah funn dee veld. Avvah losset eich fa'ennaht sei bei eiyah gedanka nei gmacht sei, so es diah vissa kennet vass da goot, un vohl-kfalla, un folkumma villa is funn Gott.

1. Korinther 1:20

Vo is da mann es veisheit hott? Vo is da shrift-geleahrah? Vo is da viddahbat-haldah funn di veld? Hott nett Gott di veisheit funn di veld zu dumhayda gmacht?

1. Korinther 2:6

Doch, unnich dee vo folkumma sinn doon miah veisheit breddicha, avvah nett di veisheit funn deahra veld, un aw nett funn di roolahs funn deahra veld, dee vo zu nix kumma.

1. Korinther 2:8

Kens funn di roolahs funn dee veld henn dess fashtanna; fa vann si hedda, hedda si da Hah funn di hallichkeit nett gegreitzicht.

1. Korinther 3:18

Loss nimmand sich selvaht fafiahra. Vann ennich ebbah maynd eah hett veisheit in deahra veld, loss een vadda vi en nah, so es eah veisheit grikt.

2. Korinther 4:4

Dess sinn dee es nett glawva, un es da gott funn dee veld blind gmacht hott, so es es hell licht funn em hallich Effangaylium funn Christus, vo di fashtelling is funn Gott, nett sheina kann zu eena.

Galater 1:4

deah vo sich gevva hott fa unsah sinda, so es eah uns frei macha kann funn dee evil veld in aynichkeit mitt em villa funn unsah Gott un Faddah.

Epheser 2:2

vass diah drinn gloffa sind vo diah noch di veld nohch ganga sind; vo diah gloffa sind noch em ivvah-saynah funn di graft funn di luft, deah geisht vo nau am shaffa is in di kinnah vo nett glawva.

1. Timotheus 6:17

Lann selli vo reich sinn in deahra veld fa nett grohs-feelich sei, un fa iahra hofning nett in dee fagenglichi reichheit du, avvah in Gott, deah vo uns reichlich alles gebt fa unsah blesiah.

2. Timotheus 4:10

Fa da Demas hott dee veld leeb katt, hott mich falossa, un is noch Thessalonicha ganga. Da Kreszens is zu Galatia ganga un da Titus zu Dalmatia.