Lukas 11:24 - Pennsylvania Dutch Bible

²⁴ Vann en unsauvahrah geisht aus en mensh ganga is, gayt eah deich drukkani bletz am sucha fa roo; un vann eah kens find, sawkt eah, ‘Ich gay viddah zrikk in's haus vo ich raus kumma binn.’

Lukas 11:24 ပူးပေါင်းရင်းမြစ်များ

Hiob 1:7

No hott da Hah da Satan kfrohkt, “Vo kumsht du bei?” Da Satan hott andvat gevva zumm Hah un hott ksawt, “Ich binn kumma funn zrikk un faddi lawfa ivvah di eaht.”

Hiob 2:2

Da Hah hott no da Satan kfrohkt, “Vo kumsht du bei?” Da Satan hott andvat gevva zumm Hah un hott ksawt, “Ich binn kumma funn zrikk un faddi lawfa ivvah di eaht.”

Psalm 63:1

Oh Gott, du bisht mei Gott; ich such dich eahnshtlich. Mei sayl is dashtich fa dich, mei flaysh falangd fa dich vi en drukka un en dah land vo kenn vassah is.

Shpricha 4:16

Fa si kenna nett shlohfa biss si evil gedu henn; si sinn fumm shlohf kalda biss si ebbah gmacht henn shtolbahra.

Jesoiya 35:7

Da hays sand vatt en vassah-loch, un's dashtich land kfild mitt shpringa. Da blatz vo vildi hund als gleyya henn, zayld ufvaxa mitt graws un vassah-shtengel.

Jesoiya 44:3

Fa ich zayl vassah uf's dashtich land leahra, un vassah lawfa macha uf em drukkana grund. Ich leah mei Geisht aus uf dei kinnah, un mei sayya uf dei nohch-kummashaft.

Jesoiya 48:22

“Avvah fa di gottlohsa, hott's kenn fridda,” sawkt da Hah.

Markus 5:10

Un eah hott ohkalda an eem es eah si nett aus em land yawkt.

Markus 9:25

Vo Jesus ksenna hott es di leit am kshvind zammah kumma voahra, hott eah da unsauvah geisht gezankt un hott ksawt, “Du dawbah geisht unni shprohch, ich sawk diah, kumm aus eem raus un gay aw nimmi zrikk in een nei.”

Lukas 11:25

Un vann eah zrikk kumd, find eah's haus ausgekeaht un zvayk gmacht.

Epheser 2:2

vass diah drinn gloffa sind vo diah noch di veld nohch ganga sind; vo diah gloffa sind noch em ivvah-saynah funn di graft funn di luft, deah geisht vo nau am shaffa is in di kinnah vo nett glawva.

1. Petrus 5:8

Haldet eich grisht un vatshet, fa eiyah feind, da Deivel, lawft rumm vi en rawsichah layb am gukka veah eah uf fressa kann.