Kolosser 1:18 - Pennsylvania Dutch Bible

¹⁸ Eah is da kobb fumm leib, un sell leib is di gmay. Eah is da ohfang, da eahsht-geboahra funn di dohda, so es eah da foah-gang hott in alli ding.

Kolosser 1:18 ပူးပေါင်းရင်းမြစ်များ

Psalm 89:27

Un ich zayl een da eahsht-geboahra sohn macha, da haychsht funn di kaynicha uf di eaht.

Hohches Leet 5:10

Mei beleebdah is shay un shteik, eah shtayt raus unnich zeyya dausend.

Jesoiya 52:13

Gukk moll, mei gnecht zayld alles ausfiahra mitt veisheit, eah vatt hohch ufkohva un hohch gacht.

Matthäus 23:8

Avvah diah sellet nett Rabbi kaysa sei, fa diah hend ay meishtah Christus, un diah sind awl breedah.

Matthäus 28:18

Un Jesus is kumma un hott ksawt zu eena, “Alli graft im Himmel un uf di eaht is gevva zu miah.

Johannes 1:1

Im ohfang voah's Vatt, un's Vatt voah bei Gott, un's Vatt voah Gott.

Johannes 1:16

Funn di folkummaheit funn sei gnawt voahra miah awl ksaykend ay moll noch em anra.

Johannes 1:27

Eah kumd noch miah heah, un is leevah ohgnumma es ich. Ich binn's nett veaht fa sei shoo-bendel uf macha.”

Di Apostelgeschichte 26:23

Sell is, es Christus leida muss, un es eah da eahsht sei zayld fa uf shtay funn di dohda. Un eah zayld's licht bringa zu dee leit un zu di Heida.”

Römer 8:29

veil selli es eah foah-groofa katt hott, hott eah aw foah-ksetzt fa gleich sei vi sei Sohn, so es eah da eahsht-geboahra is funn feel breedah.

1. Korinther 11:3

Avvah ich vill havva es diah fashtaynd es Christus da kobb is funn alli mann, un da mann da kobb is funn di fraw, un Gott da kobb is funn Christus.

1. Korinther 12:27

Diah sind's leib Christus, un yaydah is en dayl difunn.

1. Korinther 15:25

Eah muss ivvah-sayna biss Gott awl funn Christus sei feinda unnich sei fees gedu hott.

Epheser 1:10

Dess voah so es es auskfiaht vadda soll vann di zeit moll folfild is; sell is, fa alli sacha zammah bringa in Christus, di sacha im Himmel un uf di eaht, deich een.

Epheser 5:23

fa da mann is ivvah di fraw so vi Christus ivvah di gmay is; un eah is da Heiland funn seim leib.

Kolosser 1:24

Nau froi ich mich in meim leides fa eich. Un in meim flaysh fill ich uf vass noch nohtvendich voah funn di dreebsawl funn Christus, fa di sayk funn seim leib vo di gmay is.

Kolosser 2:19

un bei nett ohhayva zumm kobb vo's gans ivvahrich fumm leib feedaht un zammah haybt mitt gnocha un flexa, un vaxt vi Gott's vaxa macht.

1. Johannes 1:1

Sell vass fumm ohfang voah, vass miah keaht henn, vass miah mitt unsah awwa ksenna henn, vass miah ohgegukt henn un ohgraykt henn mitt unsah hend—dess is veyyich em Vatt funn layva.

Di Offenbarung 1:18

Ich binn deah vo levendich is. Ich voah doht, avvah gukk, ich binn levendich fa immah un immah, Amen. Un ich habb di shlisla zu di hell un em doht.

Di Offenbarung 1:5

un funn Jesus Christus, deah vo en voah zeiknis gebt; deah vo da eahsht-geboahra is funn di dohda, un vo ivvah di kaynicha funn di eaht is. Zu eem vo uns leeb katt hott, un uns gvesha hott funn unsah sinda mitt sei bloot.

Di Offenbarung 1:8

“Ich binn da Alpha un da Omega, da ohfang un's end,” sawkt da Hah, deah vo is, vo voah un vo noch kumd, da Awlmechtich.

Di Offenbarung 11:15

No hott da sivvet engel sei hann geblohsa, un's voahra laudi shtimma im Himmel vo ksawt henn, “Di kaynich-reicha funn di veld sinn di kaynich-reicha vadda funn unsah Hah un funn sei Christus, un eah zayld Kaynich sei fa immah un immah.”

Di Offenbarung 21:6

No hott eah ksawt zu miah, “Es is faddich. Ich binn da Alpha un da Omega, da Ohfang un's End. Zu demm vo dashtich is gevvich unni geld, fumm brunna funn levendich vassah.

Di Offenbarung 22:13

Ich binn da Alpha un da Omega, da ohfang un's end, da eahsht un da letsht.

Di Offenbarung 3:14

Un zu em engel funn di gmay in Laodicea shreib: ‘Dee sacha sawkt da Amen, da shtandhaftich un da voah zeiya, da ohfang funn vass Gott kshaffa hott.