Judas 1:5 - Pennsylvania Dutch Bible

⁵ Avvah ich vill eich droh gmohna, even vann diah dess shund gvist hend, es da Hah en leit aus em land funn Egypta frei gedrayt hott, avvah shpaydah hott eah selli umgebrocht es nett geglawbt henn.

Judas 1:5 ပူးပေါင်းရင်းမြစ်များ

Psalm 106:26

So hott eah sei hand uf kohva geyyich si, un hott kshvoahra es eah si nunnah shlauwa zayld in di vildahnis,

2. Mosi 12:51

So hott da Hah in sellah saym dawk di Kinnah-Israel aus Egypta gebrocht vi si fadayld voahra bei iahra freindshaft.

Römer 15:15

Avvah in dayl sacha habb ich adlich grawt raus kshrivva zu eich, leevi breedah, fa eich viddah droh gmohna. Ich habb dess gedu deich di gnawt es miah gevva is vadda funn Gott.

5. Mosi 1:32

Avvah fa awl dess, hend diah alsnoch nett an da Hah eiyah Gott geglawbt,

Hebräer 3:16

Veah voahra selli es keaht henn un henn een ausbroviaht? Voahra's nett awl selli es aus Egypta kfiaht voahra beim Mosi?

2. Petrus 3:1

Dess is nau da zvett breef es ich eich kshrivva habb, mei leeblichi, un in awl zvay funna habb ich eiyah ufrichtichi gedanka ufkshtatt fa zrikk denka.

1. Johannes 2:20

Avvah diah sind ksalbt vadda bei Demm Heilicha, un diah visset alles.

1. Johannes 2:21

Ich shreib eich nett veil diah di voahheit nett visset, avvah veil diah si vissa doond, un visset es kenn leek funn di voahheit is.