Johannes 8:6 - Pennsylvania Dutch Bible

⁶ Si henn dess ksawt fa en fall shtella fa een fanga, so es si een pshuldicha kenda. Avvah Jesus hott yusht nunnah gebikt un ohkfanga uf da bodda shreiva mitt sei fingah.

Johannes 8:6 ပူးပေါင်းရင်းမြစ်များ

1. Mosi 49:9

Juda, mei sohn, du bisht vi en yungah layb es doht gmacht hott, un gayt viddah zrikk. Vi en layb lost eah sich nunnah un laykt sich anna. Un vi mitt en layb, veah dayt drauwa ufshtay geyyich een.

Psalm 39:1

Ich habb miah dess foah-gnumma: Ich zayl mei vayya heeda, so es ich nett sindich mitt mei zung. Ich hald mei maul shtill, so lang es di ungettlicha um mich rumm sinn.

Shpricha 26:17

Veah fabei gayt un sich ufmixt in anri iahra shtreit, is vi ebbah es en baysah hund graebt bei di oahra.

Breddichah 3:7

En zeit fa funn-nannah reisa, un en zeit fa zammah nayya; en zeit fa shtill sei, un en zeit fa shvetza.

Jeremia 17:13

Oh Hah, du bisht di hofning funn Israel, awl selli es dich falossa, missa sich shemma. Selli es vekk drayya funn diah, greeya iahra nohma in da shtawb kshrivva, veil si da Hah falossa henn, deah es di shpring funn ayvich vassah is.

Daniel 5:5

Uf aymol henn di fingah funn en mensha-hand sich gvissa, un henn uf di gebleshtaht vand kshrivva nayksht am lichtah-shtaend im kaynich-haus. Da kaynich hott di hand gvatsht vi si kshrivva hott.

Amos 5:10

Diah hasset sellah es eich shtrohft in di richts-bletz, un aw sellah es di voahret sawkt.

Amos 5:13

Fasell dutt da shmeaht mann nix sawwa an so en zeit, fa di zeida sinn evil.

4. Mosi 14:22

nett ayns funn di mennah es mei hallichkeit un zaycha ksenna henn es ich gedu habb in Egypta un in di vildahnis, dee es miah nett keicht henn, un henn mich dee zeyya mohl fasucht,

Matthäus 10:16

Denket an dess, ich shikk eich naus vi shohf unnich di velf. So sellet diah veisheit havva vi di shlanga, un doch unni falshheit vi di dauva.

Matthäus 15:23

Avvah eah hott nett en vatt ksawt zu iahra. Un sei yingah henn ohkalda an eem un henn ksawt, “Shikk see vekk, fa see is am greisha ivvah uns.”

Matthäus 16:1

No sinn di Pharisayah un di Sadduzayah kumma, un fa een broviahra, henn si een kfrohkt fa eena en zaycha veisa fumm Himmel.

Matthäus 19:3

Un di Pharisayah sinn nuff kumma un henn een ausbroviaht bei frohwa, “Is es recht fa en mann sei fraw funn sich du fa ennichi uahsach?”

Matthäus 22:18

Avvah Jesus hott iahra zvay-ksichtichi gedanka fanumma un hott ksawt, “Favass broviahret diah mich aus, diah heichlah?

Matthäus 22:35

Un ayns funn eena, en lawyah, hott een ebbes kfrohkt fa een ausbroviahra,

Matthäus 26:63

Avvah Jesus voah yusht shtill. Un da hohchen-preeshtah hott ksawt zu eem, “Bei em levendicha Gott musht du shveahra un andvat gevva. Sawk uns eb du Christus, da Sohn Gottes bisht.”

Markus 10:2

Es sinn samm Pharisayah zu eem kumma un henn kfrohkt eb's recht is fa en mann sei fraw vekk funn sich du. Dess henn si yusht gedu fa een ausbroviahra.

Markus 12:15

Eah hott iahra falshheit fanumma, no hott eah si kfrohkt, “Favass broviahra diah mich aus? Gevvet miah en shtikk geld es ich's sayna kann.”

Markus 3:2

Un di leit henn Jesus gvatsht fa sayna eb eah da mann hayla zayld uf em Sabbat-Dawk, no kenda si dess geyyich een hayva.

Markus 8:11

Nau sinn di Pharisayah raus kumma un henn ohkfanga eiyahra mitt eem, un henn een kfrohkt fa en zaycha fumm Himmel fa een ausbroviahra.

Lukas 10:25

Un no is en shrift-geleahrah ufkshtanna es een ausbroviahra hott vella un hott ksawt, “Meishtah, vass soll ich du fa ayvich layva greeya?”

Lukas 11:16

Un anri vo een ausbroviahra henn vella, henn havva vella es eah en zaycha veist fumm Himmel.”

Johannes 8:2

Un free da neksht meiya is eah viddah in da tempel kumma, un awl di leit sinn zu eem kumma. No hott eah sich anna kokt un hott si gland.

1. Korinther 10:9

Loss uns aw nett Christus fasucha vi samm funn eena henn un si sinn doht gmacht vadda bei shlanga.