Johannes 4:40 - Pennsylvania Dutch Bible

⁴⁰ No vo di leit funn Samaria zu eem kumma sinn, henn si een kfrohkt fa bei eena bleiva, un eah is zvay dawk datt geblivva.

Johannes 4:40 ပူးပေါင်းရင်းမြစ်များ

1. Mosi 32:26

No hott da mann ksawt, “Loss mich gay, 'sis nau shund dawk.” Avvah da Jakob hott ksawt, “Ich loss dich nett gay biss du mich saykendsht.”

Shpricha 4:13

Hayb oh zu vass du gland hosht, loss nett gay difunn, du's oahrich heeda, fa's is dei layva.

Hohches Leet 3:4

Grawt noch demm es ich si falossa habb, habb ich sellah kfunna es mei hatz leeb hott. Ich habb een kohva un habb nett gay glost funn eem biss ich een zu mei maemm iahra haus gebrocht habb, an di shtubb es ich geboahra voah drinn.

Jeremia 14:8

Du bisht di Hofning funn Israel, unsah hilf an di zeit funn noht. Favass bisht du vi en fremdah im land, adda vi ebbah uf em vayk es yusht ivvah-nacht bleibt?

Lukas 10:39

See hott en shveshtah katt es Maria kaysa hott. See hott sich nayksht an Jesus sei fees kokt un hott abkeicht vass eah am sawwa voah.

Lukas 24:29

avvah si henn een fashvetzt un henn ksawt, “Bleib bei uns fa's is geyyich ohvet un da dawk is shiah fabei.” No is eah nei ganga fa bei eena bleiva.

Lukas 8:38

Da mann vo di geishtah katt hott, hott een gebeddeld fa mitt eem gay, avvah Jesus hott een vekk kshikt un hott eem ksawt,

Johannes 4:39

Feel leit funn selli shtatt in Samaria henn geglawbt an een deich em veibsmensh iahra zeiknis vo see ksawt hott, “Eah hott miah alles ksawt es ich selayva gedu habb.”

Johannes 4:41

Un feel may henn an een geglawbt deich sei vatt.

Johannes 4:43

Zvay dawk shpaydah hott eah datt falossa fa noch Galilaya gay.

Di Apostelgeschichte 16:15

Vo see un iahra haus-halding gedawft voahra hott see uns kaysa mitt dee vadda, “Vann diah maynet es ich an da Hah glawb, dann kummet un bleivet an mei haus.” Un see hott uns fashvetzt fa so du.

Di Apostelgeschichte 8:8

Un di leit in selli shtatt voahra oahrich fraylich.

Di Offenbarung 3:20

Gukk moll, ich shtay an di deah un globb oh, vann ennich ebbah mei shtimm heaht un macht di deah uf, dann kumm ich nei zu eem un ess mitt eem, un eah mitt miah.