Johannes 19:30 - Pennsylvania Dutch Bible

³⁰ Vo Jesus da essich gnumma katt hott, hott eah ksawt, “Es is faddich.” No hott eah sei kobb nunnah gebikt, un hott sei geisht ufgevva.

Johannes 19:30 ပူးပေါင်းရင်းမြစ်များ

1. Mosi 3:15

Ich du en hass zvishich dich un's veibsmensh, un zvishich dei sohma in iahra sohma. Eah zayld dei kobb fadredda, un du zaylsht sei feahshta shtecha.”

Psalm 22:15

Mei grefta sinn ufgedrikkeld vi en shtikk fabrocha ksha; mei zung shtekt zu mei gummah in meim maul, un du layksht mich in da shtawb fumm doht.

Jesoiya 53:10

Doch voah's em Hah sei villa fa een shlauwa mitt grankheit un dreebsawl. Un veil eah sich gopfaht hott fa sinda, zayld eah sei nohch-kummashaft sayna un sei layva falengahra. Un em Hah sei villa vatt ausgedrawwa bei sei hand.

Jesoiya 53:12

Fasell gebb ich eem en dayl unnich di hohch-gachta, un sell es gnumma vatt zayld eah fadayla mitt di mechticha, veil eah sei layva ausgleaht hott zumm doht un voah gnambaht mitt di sindah. Eah hott di sinda gedrawwa fa feel, un hott gebayda fa di ivvah-dreddah.

Daniel 9:24

Sivvatzich mohl sivva vocha is di zeit es ksetzt is fa dei leit un eiyah heilichi shtatt fa ufheahra ivvah-dredda. Fa en end macha funn sinda, fa opfahra macha fa ungettlichkeit, fa ayvichi gerechtichkeit rei bringa, fa di vision un vass gebroffetzeit is uf seala un fa's Alli-Heilichshta salba.

Daniel 9:26

No noch di sivva mohl zvay un sechtzich yoah zayld sellah ksalbt Messias abkshnidda sei un zayld nix may havva. Di leit fumm roolah es kumma zayld, zayla di shtatt un da tempel nunnah reisa. Es end zayld kumma vi en grohs vassah. Greek zayld sei biss an's end. Alles zayld fadauva sei so vi's auskshprocha voah.

Sacharia 13:7

“Vekk uf, oh shvatt, shlakk mei shohf-heedah, shlakk da mann es nayksht is zu miah!” sawkt da Awlmechtich Hah. “Shlakk da shohf-heedah, un di shohf vadda fayawkt, no dray ich mei hand geyyich di glenna.

Matthäus 20:28

grawt vi da Mensha Sohn nett kumma is fa abgvoaht vadda avvah fa abvoahra, un fa sei layva gevva fa feel leit frei macha.”

Matthäus 27:50

No hott Jesus viddah laut naus groofa un hott sei geisht ufgevva.

Matthäus 3:15

Jesus hott no ksawt, “Loss es so sei fa nau. Es is shiklich es miah alli gerechtichkeit folfilla.” No hott da Johannes eem's zu glost.

Markus 15:37

No hott Jesus laut naus groofa un is kshtauva.

Lukas 22:37

Fa ich sawk eich, di Shrift es sawkt veyyich miah, ‘Eah voah gezayld mitt di evil-shaffah,’ zayld ausgedrawwa vadda in miah, veil vass kshrivva shtayt veyyich miah folfild vadda muss.”

Lukas 23:46

No hott Jesus naus gegrisha mitt en laudi shtimm, un hott ksawt, “Faddah, ich gebb mei geisht in dei hend!” Un vo eah sell ksawt katt hott, hott eah sei letshtah ohften gnumma.

Johannes 10:11

Ich binn da goot shohf-heedah. Da goot shohf-heedah gebt sei layva fa di shohf.

Johannes 10:18

Nimmand nemd mei layva funn miah, avvah ich gebb's funn miah selvaht. Ich habb macht fa's gevva, un ich habb macht fa's viddah nemma. Dess gebott havvich grikt funn meim Faddah.”

Johannes 17:4

Ich habb dich fakleaht uf di eaht, un habb faddich gmacht vass du miah gevva hosht zu du.

Johannes 19:28

Jesus hott no gvist es alles faddich is nau. No fa di Shrift folfilla, hott eah ksawt, “Ich binn dashtich.”

Johannes 4:34

Jesus hott ksawt zu eena, “Mei ess-sach is fa da villa du funn demm vo mich kshikt hott, un fa sei eahvet faddich macha.

Römer 10:4

Christus is es end fumm Ksetz, un veah an een glawbt is gerecht.

Römer 3:25

Gott hott een foah-kshteld es en opfah fa sinda deich da glawva in sei bloot. Eah hott dess gedu fa sei gerechtichkeit veisa, veil eahshtah in sei geduld hott eah di sinda fa en zeit ivvah-gegukt.

1. Korinther 5:7

Butzet da ald savvah-dayk raus, so es diah en neiyah haufa dayk sind, veil diah dayk sind vo nett fasavvaht is. Fa Christus, unsah Ohshtah-Lamm, voah ufgopfaht fa uns.

Philipper 2:8

Eah hott sich kfunna vi en mensh, hott sich daymeedich gmacht, un hott Gott keicht biss an da doht; un sell voah da doht uf em greitz.

Hebräer 12:2

Vella zu Jesus gukka, deah vo unsah glawva ohfangd un faddich macht. Eah hott's greitz ohgnumma, un da shohm fa'acht fa di frayt es fannich een ksetzt voah. No hott eah sich anna kokt uf di rechts seit fumm kaynich-shtool funn Gott.

Hebräer 9:22

Un unnich em Ksetz is shiah alles rein gmacht mitt bloot, un unni es bloot fagossa vatt kann nimmand fagevva sei.