Johannes 16:33 - Pennsylvania Dutch Bible

³³ Ich habb eich dee sacha ksawt so es diah fridda havva sellet deich mich. In di veld zaylet diah dreebsawl havva, avvah froiyet eich, ich binn di veld ivvah-kumma.”

Johannes 16:33 ပူးပေါင်းရင်းမြစ်များ

Psalm 68:18

Du bisht nuff in di hay kfoahra, un hosht kfangani mitt dich kfiaht. Du hosht kshenkah grikt funn mensha, even funn selli es geyyich dich shaffa, So es du, Gott da Hah, datt voona kansht.

Micha 5:5

Eah zayld fridda bringa. An di zeit es di leit funn Assyria in unsah land kumma fa greek macha, un brecha in unsah heisah nei, dann shtella miah sivva heedah uf geyyich si, even acht evvahshti foah-gengah funn di mennah.

Matthäus 9:2

No henn si en mann zu eem gebrocht es shteif voah un hott uf en bett gleyya. Vo Jesus iahra glawva ksenna hott, hott eah ksawt zumm granka mann, “Mei sohn, sei gedrohsht. Dei sinda sinn diah fagevva.”

Lukas 19:38

Si henn ksawt, “Ksaykend is da Kaynich vo kumd im nohma fumm Hah! Fridda sei im Himmel, un hallichkeit im alli-haychshta!”

Lukas 2:14

“Grohsi eah sei zu Gott im haychshta, un fridda uf di eaht unnich mensha, dee vo eah froh is mitt.”

Johannes 12:31

Nau kumd's gericht uf di veld; nau vatt da ivvah-saynah funn dee veld naus kshtohsa;

Johannes 14:1

“Losset eiyah hatza nett gedruvveld sei; glawvet an Gott un glawvet aw an mich.

Johannes 14:27

Ich loss fridda bei eich; mei fridda gevvich zu eich; ich gebb eich da fridda nett vi di veld gebt. Losset eiyah hatza nett gedruvveld sei un feichet eich aw nett.

Johannes 16:11

veyyich em gericht, veil da ivvah-saynah funn dee veld gricht is.

Di Apostelgeschichte 14:22

Si henn di yingah fagrefticht in iahra sayla un henn si famohnd fa ohhalda im glawva. Si henn eena ksawt, deich feel dreebsawl missa miah in's Reich-Gottes kumma.

Di Apostelgeschichte 23:11

Selli nacht is da Hah zu em Paulus kumma un hott ksawt, “Sei gedrohsht, Paulus, so vi du en zeiknis gevva hosht fa mich in Jerusalem, so solsht du aw in Rome.”

Di Apostelgeschichte 27:22

Avvah nau sawwich eich, diah sellet mitt goodah moot sei. Nimmand zayld sei layva faliahra; yusht dess shiff zayld faloahra sei.

Di Apostelgeschichte 27:25

So sawwich eich, leevi mennah, diah sellet sei mitt goodah moot. Ich glawb es es so sei zayld vi Gott miah ksawt hott.

Di Apostelgeschichte 9:31

No henn di gmayna in Judayya, Galilaya un Samaria, fridda katt, un sinn ufgebaut vadda. Si sinn gloffa im furcht fumm Hah, un voahra gedrohsht im Heilicha Geisht, un di gmay is gvaxa.

2. Korinther 1:3

Glohbt sei Gott un da Faddah funn unsahm Hah Jesus Christus, da Faddah funn bamhatzichkeit, un da Gott funn awl drohsht.

2. Korinther 13:11

Endlich, leevi breedah, froiyet eich. Seind folkumma, seind gedrohsht, seind aynich, seind in fridda, no vatt da Gott funn leevi un fridda bei eich sei.

2. Korinther 2:14

Avvah dank sei zu Gott, deah vo immah seikt es miah di evvahsht-hand greeya in Christus, un macht, deich uns, en goodah kshmakk funn sei bekendnis ivvahrawlich.

2. Korinther 4:7

Avvah miah henn dee keshtlicha sacha in eahdichi ksharra, so es di unbegreiflich graft kumd funn Gott, un nett funn uns.

2. Korinther 6:4

Avvah in alli vayk veisa miah es miah gnechta sinn funn Gott: in grohsah geduld, in dreebsawl, in noht, in engshta,

2. Korinther 7:4

Ich shvetz zu eich mitt grohsi freiheit, un binn shtols mitt eich. Ich habb en grohsah drohsht. Mitt awl unsah dreebsawl habb ich alsnoch grohsi frayt.

Galater 1:4

deah vo sich gevva hott fa unsah sinda, so es eah uns frei macha kann funn dee evil veld in aynichkeit mitt em villa funn unsah Gott un Faddah.

Galater 6:14

Avvah loss es nee nett sei es ich braekka du, unni vi yusht im greitz funn unsahm Hah Jesus Christus, deich deah vo di veld gegreitzicht is vadda zu miah, un ich zu di veld.

Philipper 4:7

Un da fridda funn Gott, vo haychah is es alles es miah fashtay kenna, zayld eiyah hatza un gedanka heeda deich Christus Jesus.

Kolosser 1:20

un es deich een alli sacha zammah gebrocht vadda sedda zu sich selvaht, eb si uf di eaht adda im Himmel sinn. Un eah hott fridda gmacht deich's bloot funn seim greitz.

1. Thessalonicher 3:4

fa vo miah bei eich voahra, henn miah eich difoah ksawt es miah dreebsawl deich macha missa. Un dess is so ausgedrayt, vi diah nau visset.

1. Thessalonicher 3:7

Fasell, leevi breedah, voahra miah gedrohsht gvest ivvah eiyah glawva, in awl unsah dreebsawl un angsht.

2. Thessalonicher 3:16

Nau vinsha miah es da Hah funn fridda selvaht, eich immah fridda gebt in alli vayya. Da Hah sei bei eich awl.

2. Timotheus 3:12

Yau, un alli-ebbah es en gettlich layva fiahra vill in Christus Jesus zayld leides deich macha.

Hebräer 11:25

Eah hott leevah vella fafolkes leida mitt Gott sei leit, es vi di blesiah funn sinda nohch gay fa en katzi zeit.

Hebräer 7:2

Da Abraham hott eem en zeyyadel funn alles gevva. Am eahshta, sei nohma maynd, “Kaynich funn gerechtichkeit,” un eah voah aw kaynich funn Salem, sell maynd, “Kaynich funn fridda.”

1. Petrus 5:9

Veahret eich geyyich een, seind shtandhaftich in eiyahm glawva, veil diah visset es eiyah breedah ivvahrawlich in di veld am di sayma leida deich macha sinn.

1. Johannes 2:13

Ich shreib zu eich, feddah, veil diah deah kennet vo fumm ohfang is. Ich shreib zu eich, yungi mennah, veil diah sellah ivvah-kumma sind vo evil is. Ich habb kshrivva zu eich, kinnah, veil diah da Faddah gekend henn.

1. Johannes 4:4

Kinnah, diah sind funn Gott, un hend di falshi brofayda ivvah-kumma; fa deah vo in eich is, is graysah es sellah vo in di veld is.

1. Johannes 5:4

Alles es funn Gott geboahra is, dutt di veld ivvah-kumma; un unsah glawva is dess vass di veld ivvah-kumma hott.

Di Offenbarung 12:11

Si sinn een ivvah-kumma deich's bloot fumm Lamm, un deich's vatt funn iahra zeiknis, un si henn iahra layva nett gleebt even biss an da doht.

Di Offenbarung 3:21

Deah vo ohhald un alles ivvah-kumd, zu demm vill ich's gevva es eah mitt miah uf mei kaynich-shtool hokka dauf, grawt vi ich alles ivvah-kumma binn, un habb mich anna kokt mitt meim Faddah uf sei kaynich-shtool.

Di Offenbarung 7:14

Ich habb ksawt zu eem, “Meishtah, du vaysht's.” No hott eah ksawt, “Dess sinn selli vo aus grohsi dreebsawl kumma sinn. Si henn iahra glaydah gvesha un henn si veis gmacht im bloot fumm Lamm.

Richtah 3:2

Eah hott dess gedu fa di nohch-kummashaft funn Israel lanna fa greek ausdrawwa—selli es noch nett im greek voahra difoah.