Johannes 14:21 - Pennsylvania Dutch Bible

²¹ Deah vo mei gebodda hott, un si hald, deah dutt mich leeva. Un mei Faddah dutt deah leeva vo mich leebt, un ich du een leeva un du mich veisa zu eem.”

Johannes 14:21 ပူးပေါင်းရင်းမြစ်များ

2. Kaynicha 18:6

Eah hott fesht kohva zumm Hah, un hott nett ufkeaht eem nohch gay. Un eah hott di gebodda kalda es da Hah gevva katt hott zumm Mosi.

Psalm 35:27

Loss selli naus greisha mitt frayt un sich froiya, es sawwa es ich unshuldich binn; un loss si immah sawwa, “Glohbt sei da Hah, es sich froit vann sacha goot gayn mitt sei gnecht.”

2. Mosi 33:18

No hott da Mosi ksawt, “Loss mich dei hallichkeit sayna!”

Shpricha 8:17

Ich leeb selli es mich leeva, un selli es mich sucha zayla mich finna.

Jeremia 31:31

Di zeit is am kumma,” sawkt da Hah, “vann ich en nei bund mach mitt em haus funn Israel, un mitt em haus funn Juda.

Zephania 3:17

Da Hah dei Gott is mitt diah, eah is en shteikah Heiland. Eah zayld grohsi frayt havva in diah; sei leevi zayld diah fridda gevva, un zayld sich froiya un singa ivvah dich.”

Lukas 11:28

Avvah eah hott ksawt zu iahra, “Yau, avvah ksaykend sinn dee vo Gottes Vatt heahra un's aw doon.”

Johannes 14:15

“Vann diah mich leeb hend, haldet mei gebodda.

Johannes 14:18

Ich loss eich nett es vi kinnah unni eldra; ich kumm zu eich.

Johannes 15:14

Diah sind mei freind vann diah doond vass ich eich sawk.

Johannes 16:14

Eah fakleaht mich veil eah nemd vass mei is, un laykt's aus zu eich.

Johannes 16:27

Da Faddah selvaht leebt eich veil diah mich gleebt hend, un geglawbt hend es ich fumm Faddah kumma binn.

Johannes 17:23

Ich binn in eena un du bisht in miah, so es si gans ayns vadda, un es di veld vissa kann es du mich kshikt hosht; un aw es du si gleebt hosht vi du mich gleebt hosht.

Di Apostelgeschichte 22:18

Un eah hott ksawt zu miah, ‘Dummel dich un gay dabbah aus Jerusalem. Dei zeiknis veyyich miah zayla si nett ohnemma.’

2. Korinther 12:8

Ich habb drei mohl ohkalda un da Hah gebitt es eah mich frei macht funn demm,

2. Korinther 3:18

Avvah miah awl, mitt abgedekti ksichtah, sayna di hallichkeit fumm Hah, so es vann miah am in en shpikkel gukka veahra, sinn miah am in sei gleichlichi fashtelling gedrayt vadda funn hallichkeit zu hallichkeit, un dess is fumm Geisht da Hah.

2. Korinther 4:6

Fa Gott, deah vo's licht kaysa hott fa sheina aus em dunkla, hott in unsah hatza ksheind fa uns es licht gevva funn di hallichkeit funn Gott im ksicht funn Jesus Christus.

5. Mosi 11:13

So vann diah mei gebodda haldet es ich eich gebb heit, vann diah da Hah eiyah Gott leevet un een deenet mitt eiyah gans hatz un sayl,

5. Mosi 7:13

Un eah zayld eich leeva un saykna un eich fameahra. Eah zayld's frucht funn eiyah leib saykna, un aw di crops funn eiyah grund—eiyah frucht, vei un ayl—di kelvah funn eiyah fee un di lemmah funn eiyah shohf, im land es eah kshvoahra hott fa zu eiyah foah-feddah gevva.

2. Thessalonicher 2:16

Avvah unsah Hah Jesus Christus selvaht, un unsah Gott un Faddah, deah vo uns gleebt hott un uns en ayvichah drohsht un en goodi hofning gevva hott deich di gnawt,

2. Timotheus 4:22

Da Hah Jesus Christus sei bei deim geisht. Gnawt sei mitt eich. Amen.

1. Johannes 2:5

Avvah veah-evvah es sei Vatt hald, in eem is veiklich di leevi funn Gott folkumma. Deich dess vissa miah es miah in eem sinn.

1. Johannes 3:1

Saynet vi grohs es di leevi is es da Faddah uf uns gedu hott, es miah Gott sei kinnah kaysa sei sedda. Fasell kend di veld uns nett, veil see een nett gekend hott.

1. Johannes 5:3

Fa dess is di leevi funn Gott: es miah sei gebodda halda. Un sei gebodda sinn nett shveah.

2. Johannes 1:6

Dess is di leevi, es miah lawfa noch sei gebodda. Un dess is es gebott vo diah keaht hend fumm ohfang, es miah datt drinn lawfa sella.

Di Offenbarung 2:17

Deah vo en oah hott, loss een heahra vass da Geisht sawkt zu di gmayna. Zu demm vo aushaybt un alles ivvah-kumd gevvich fumm fashtekkelda manna, un ich gebb eem en veisah shtay, mitt en neiyah nohma druff kshrivva. Un nimmand vayst sellah nohma vi yusht sellah vo en grikt.’

Di Offenbarung 22:14

Ksaykend sinn selli es sei gebodda halda, so es si's recht henn zumm bohm funn layva, un daufa in di shtatt gay deich di doahra.

Di Offenbarung 3:20

Gukk moll, ich shtay an di deah un globb oh, vann ennich ebbah mei shtimm heaht un macht di deah uf, dann kumm ich nei zu eem un ess mitt eem, un eah mitt miah.