Jesoiya 8:20 - Pennsylvania Dutch Bible

²⁰ Zumm ksetz un em zeiknis! Vann si nett shvetza noch demm vatt, dann henn si's licht funn meiyets nett.

Jesoiya 8:20 ပူးပေါင်းရင်းမြစ်များ

Ezra 10:3

Nau vella en bund macha mitt unsah Gott fa awl dee veibsleit un iahra kinnah vekk du funn uns. Miah vella du vi du un anri es Gott sei gebodda firchta uns grohda henn. Loss gedu sei vi's sawkt im ksetz.

Psalm 119:130

Vann dei vatt fashtanna vatt, gebt's licht, un's gebt eisicht zu selli es nett fashtayn.

Psalm 78:5

Eah hott en zeiknis ausgricht im Jakob, un hott en ksetz gevva in Israel. Eah hott unsah foah-feddah gebodda es si sei ksetz zu iahra kinnah lanna.

Shpricha 4:18

Da vayk funn di gerechta is vi's licht free meiyets, es sheind hellah un hellah biss es gans dawk is.

Jesoiya 1:10

Nau heichet's vatt fumm Hah, diah roolahs funn Sodom; machet eiyah oahra uf zu vass unsah Gott am eich lanna is diah leit funn Gomorra.

Jesoiya 8:16

Bind dess zeiknis uf, un seal dess ksetz unnich mei yingah.

Jesoiya 8:22

No gukka si geyyich di eaht un sayna yusht dreebsawl un finshtahnis. Si sinn im dunkla un in angsht un zayla in di finshtahnis gedrivva sei.

Jeremia 6:16

Dess is vass da Hah sawkt: “Shtaynd an di greitz-vayya un gukket, frohwet fa di alda pawda; frohwet fa da goot vayk, un lawfet drinn, no finnet diah roo fa eiyah sayl. Avvah si henn ksawt, ‘Miah zayla nett drinn lawfa.’

Jeremia 8:9

Eiyah mennah mitt veisheit vadda fashohmd, si zayla engshtlich sei un kfanga vadda. Si henn em Hah sei vatt nunnah gedrayt, so vass fa veisheit henn si nau?

Hosea 6:3

Vella fleisich sei un da Hah bekenna; so shuah es di sunn ufkumd zayld eah sich veisa; eah kumd zu uns vi da vindah reyyah, un vi da free-yoah reyyah es di eaht vessaht.”

Micha 3:6

Fasell zayld di nacht ivvah eich kumma, un diah greeyet kenn visions, di finshtahnis kumd unni ennich voah-sawwes. Di sunn zayld unnah gay fa di brofayda, un da dawk vatt dunkel fa si.

Maleachi 4:2

Avvah fa eich es mei nohma firchtet, zayld di sunn funn gerechtichkeit uf kumma mitt hayles in iahra flikkel. Un diah zaylet naus gay un rumm tshumba vi kelvah es yusht aus em shtall glost sinn vadda.

Matthäus 22:29

Avvah Jesus hott eena ksawt, “Diah sind letz veil diah di Shrift nett visset, un aw nett di macht funn Gott.

Matthäus 6:23

Avvah vann dei innahlich awk nett ksund is, is dei gans leib im dunkla. Vann dess vo licht sei soll dunkel is, vi grohs is di dunkelheit!

Markus 10:3

Eah hott si kfrohkt, “Vass hott da Mosi ksawt es diah du sellet?”

Lukas 10:26

Eah hott eem ksawt, “Vass is kshrivva im Ksetz? Vi laysht du?”

Johannes 5:39

Diah suchet in di Shrift veil diah maynet es deich sell hend diah ayvich layva. Dess is di naymlich Shrift vo zeiknis gebt veyyich miah.

Di Apostelgeschichte 17:11

Dee leit voahra may fashtendlich es selli an Thessalonicha. Si voahra gans villing fa's Vatt ohnemma un henn alli dawk ksucht in di Shrift eb dee sacha so sinn.

Römer 1:22

Diveil es si sich gnumma henn fa veisheit havva, sinn si narra vadda.

2. Petrus 1:19

Un's Vatt funn di brofayda voah may fesht gmacht zu uns, un diah doond goot fa's abheicha. Dess is vi en licht es am sheina is in en dunklah blatz biss es dawk vatt un di meiya-shtann ufkumd in eiyah hatza.

2. Petrus 1:9

Fa veah-evvah es dee sacha nett hott is blind un kann nett fanna naus sayna; eah hott fagessa es eah sauvah gmacht voah funn sei aldi sinda.