Jesoiya 7:13 - Pennsylvania Dutch Bible

¹³ No hott da Jesoiya ksawt, “Heich moll, Ahas, du es fumm Dawfit kumsht! Is es nett genunk es du di geduld broviahsht funn mensha? Zaylsht du di geduld funn Gott aw broviahra?

Jesoiya 7:13 ပူးပေါင်းရင်းမြစ်များ

1. Mosi 30:15

Avvah see hott ksawt zu iahra, “Voah's nett genunk es du mei mann vekk gnumma hosht? Vitt du nau mei boo sei leeb-ebbel aw nemma?” No hott di Rachel ksawt, “Eah kann shlohfa mitt diah dinohvet vann du miah dei boo sei leeb-ebbel gebsht.”

2. Chronik 21:7

Doch, da Hah voah nett villing fa's haus fumm Dawfit fadauva, veil eah en bund gmacht katt hott mitt em Dawfit un eem fashprocha hott es ayns funn sei nohch-kummashaft soll's licht drawwa fa'immah.

Psalm 45:5

Loss dei shaufi arrows deich di hatza shtecha fumm kaynich sei feinda; loss di heida unnich dei fees falla.

Jesoiya 1:14

Ich hass eiyah fasamlinga am Neiya-Moon, un eiyah ausgevvani feshta. Si sinn en lasht zu miah un ich binn si laydich.

Jesoiya 1:24

Fasell sawkt da Hah, da Awlmechtich Hah, sellah Awlmechtich funn Israel: “Ich zayl mei zann veisa geyyich eich, mei feinda, un diah es geyyich mich shaffet, betzawl ich zrikk.

Jesoiya 22:22

Ich zayl da shlissel zumm haus fumm Dawfit uf sei shuldah du. Vass eah uf macht kann nimmand zu macha, un vass eah zu macht kann nimmand uf macha.

Jesoiya 25:1

Oh Hah, du bisht mei Gott, ich hayb dich uf un lohb dei nohma; du voahsht shtandhaftich un hosht vundahboahri sacha gedu, sacha es du im sinn katt hosht lang zrikk.

Jesoiya 43:24

Du hosht kenn sees-shmakkich insens gekawft, adda mich satt gmacht mitt's fett funn dei opfah. Avvah du hosht mich geblohkt mitt dei sinda, un mich meet gmacht mitt dei ivvah-dreddes.

Jesoiya 63:10

Avvah si henn sich kshteibaht un henn sei Heilichah Geisht bedreebt. So hott eah sich gedrayt un is iahra feind vadda, un hott geyyich si kfochta.

Jesoiya 7:12

Avvah da Ahas hott ksawt, “Ich zayl nett frohwa, ich zayl nett Gott fasucha.”

Jesoiya 7:2

Nau's voah ksawt zumm Ahas fumm Dawfit sei nohch-kummashaft, “Syria un Ephraim sinn zammah ganga mitt iahra greeks-gnechta.” No voah's hatz fumm Ahas un sei leit fashrokka. Si henn kshiddeld mitt furcht vi di baym im bush es geblohsa sinn beim vind.

Jeremia 21:12

diah es fumm Dawfit sei nohch-kummashaft sind, dess is vass da Hah sawkt: Vann ebbah grawbt vatt, dann gevvet eem sei recht geyyich da rawvah; doond dess alli meiya es eahsht ding, adda mei zann gayt naus vi en gleedich feiyah, un brend so es nimmand's ausmacha kann, veil diah dess evil gedu hend.

Jeremia 44:22

Vo da Hah di ungettlicha sacha es diah am du voahret nimmi shtenda hott kenna, un awl's grausam sach es diah gedu hend, dann is eiyah land faflucht vadda un en veeshtah blatz vadda es nimmand drinn gvoond hott, so vi's heit is.

Jeremia 6:11

Avvah ich binn kfild mitt em zann fumm Hah, ich kann's nett zrikk hayva. “So leah deah zann aus uf di kinnah in di shtrohs, un uf di yunga mennah es fasammeld sinn, da mann un sei fraw vadda kfanga mitt, un aw di eldra un di gansa alda.

Ezekiel 16:20

‘Un du hosht dei boova un mayt gnumma es du geboahra hosht zu miah un hosht si gopfaht es ess-sach fa di abgettah. Voah's nett genunk es du huahrahrei gedrivva hosht?

Ezekiel 16:47

Du bisht nett yusht in iahra vayya gloffa un hosht iahra grausami sacha gedu, avvah du bisht glei may unrein vadda es si.

Ezekiel 34:18

Is es nett genunk es diah in goodi vayt feedahret? Misset diah di ivvahrich vayt nunnah dredda mitt eiyah fees? Is es nett genunk es diah sauvah vassah drinket? Misset diah's ivvahricha drekkich macha mitt eiyah fees?

Ezekiel 6:9

No zaylet diah, es levendich deich dess kumma, an mich denka vann diah vekk gedrawwa vaddet unnich di heida. Diah denket droh vi vay es ich gedu voah bei iahra falushti hatza es sich vekk gedrayt henn funn miah, un bei iahra abgettishi awwa es glusht henn noch iahra abgettah. Si zayla sich hassa fa's evil es si gedu henn un di ungettlicha sacha es si drinn voahra.

Amos 3:13

“Heahret dess un zeiyet geyyich em Jakob sei nohch-kummashaft,” sawkt da Hah, da Awlmechtich Gott da Hah.

Maleachi 2:17

Diah hend da Hah meet gmacht mitt eiyah vadda. Avvah diah frohwet, “Vi henn miah een meet gmacht?” Bei sawwa, “Selli es evil doon sinn goot im Hah sei awwa, un eah is froh mitt eena,” adda “Vo is da Gott es shtrohfa dutt?”

4. Mosi 16:13

Is es nett genunk es du uns aus en land kfiaht hosht es lawft mitt millich un hunnich fa uns doht macha do in di vildahnis? Un nau vitt du aw noch da meishtah sei ivvah uns?

4. Mosi 16:9

Is es nett genunk es da Gott funn Israel eich groofa hott aus di ivvahricha Israeliddah, un eich nayksht zu sich selvaht gnumma hott fa di eahvet fumm Hah sei tempel-tent du, un fa fannich di fasamling shtay un da deensht ausdrawwa zu eena?

Lukas 1:69

Eah hott en greftichi saylichkeit ufkshteld fa uns deich di nohch-kummashaft funn seim gnecht, da Dawfit.

Di Apostelgeschichte 7:51

Diah sind dikk-kebbich un eiyah hatza un oahra sinn nett bekeaht. Diah doond immah shaffa geyyich da Heilich Geisht; so vi eiyah foah-feddah henn, so doond diah.

Hebräer 3:10

Fasell voahrich zannich mitt di leit funn selli zeit, un habb ksawt, ‘Si gayn immah letz mitt iahra hatza, un henn mei vayya nett fashtanna.’