Jesoiya 65:4 - Pennsylvania Dutch Bible

⁴ Si hokka in di grawb-hohfa un bleiva ivvah-nacht in fashtekkeldi bletz; si essa unsauvah sei-flaysh, un iahra kesla henn subb gmacht funn unsauvah flaysh.

Jesoiya 65:4 ပူးပေါင်းရင်းမြစ်များ

2. Mosi 23:19

Du solsht's eahsht-frucht funn deim land in's haus fumm Hah dei Gott bringa. Un du solsht en yung gaysli nett kocha in di millich funn sei muddah.

2. Mosi 34:26

'S besht fumm eahshta frucht fumm land solsht du an's haus fumm Hah dei Gott bringa. Du solsht kenn gaysli kocha in di millich funn sei muddah.”

Jesoiya 66:17

“Selli es sich heilich un rein macha fa in di goahra gay, hinnich sellah in di mitt, un selli es unrein sei-flaysh, meis un annah grausam sach essa—zayla awl zammah an iahra end kumma,” sawkt da Hah.

Jesoiya 66:3

Avvah veah-evvah es en ox opfaht, is vi sellah es en mann doht macht, un veah-evvah es en lamm opfaht, is vi sellah es en hund sei hals fabrecht; veah-evvah es en shpeis-opfah bringd, is vi sellah es bloot funn sei bringd, un veah-evvah es insens brend, is vi sellah es en abgott deend. Dee leit gayn iahra ayknah vayk, un greeya blesiah aus iahra grausam sach.

Ezekiel 4:14

No habb ich ksawt, “Oh Awlmechticha Hah, ich habb mich nee nett unrein gmacht. Funn yungem uf habb ich nee nix gessa es doht kfunna voah adda es farissa voah bei vildi diahra. Un's is nee kenn unrein flaysh in mei maul kumma.”

3. Mosi 11:7

Di sau hott kshpaldani hoofs avvah si dutt nett viddah-kauwa; see is unrein zu eich.

Sacharia 9:7

Ich nemm's bloot vekk funn iahra meilah, un's fabodda ess-sach zvishich iahra zay. Selli es ivvahrich sinn heahra zu unsahm Gott; si zayla foah-gengah sei in Juda, un Ekron vatt vi di Jebusiddah.

4. Mosi 19:11

Vann ebbah en doht leib funn en mensh ohraykt, dann soll eah unrein sei fa sivva dawk.

Matthäus 8:28

Vo Jesus uf di annah seit fumm say kumma is, an di gaygend funn di Gadaraynah, sinn zvay mennah eem ingeyya kumma es deivela in sich katt henn. Dee mennah sinn im grawb-hohf geblivva un voahra so rawsich es nimmand gedraut hott datt fabei gay.

Lukas 8:27

Un vi eah aus em boat uf's land ganga is, hott eah en mann funn di shtatt ohgedroffa es baysi geishtah katt hott; shund fa lang hott eah kenn glaydah may gvoahra, un hott nett in en haus gvoond avvah voah draus bei di grayvah.

5. Mosi 14:21

Diah sellet nix essa es doht gayt. Diah kennet's zu di ausahra gevva es in eiyah shtett voona so es si's essa kenna, adda diah kennet's fakawfa zu en fremdah. Avvah diah sind en heilichi leit zumm Hah eiyah Gott. Kochet nett en yungah gays in sei muddah iahra millich.

5. Mosi 14:3

Diah sellet nix grausliches essa.

5. Mosi 14:8

Di sau is aw unrein veil see kshpaldani hoofs hott avvah see dutt nett viddah-kauwa. Diah sellet iahra flaysh nett essa un see nett ohrayya noch demm es see doht is.

5. Mosi 18:11

adda es en shpell uf ebbah dutt, adda di geishta nohch-sucha dutt, adda es frohkt funn di dohda.