Jesoiya 65:22 - Pennsylvania Dutch Bible

²² Si zayla nimmi lengah heisah bauwa es anri drinn voona; si zayla nimmi blansa, un anri's essa. Di dawwa funn mei leit zayla sei vi di dawwa funn baym; mei leit zayla sich lang froiya mitt em sach es iahra hend macha.

Jesoiya 65:22 ပူးပေါင်းရင်းမြစ်များ

1. Mosi 5:27

Alles zammah hott da Methusalah nein hunnaht un neina sechtzich yoah glaybt, no is eah kshtauva.

1. Mosi 5:5

Alles zammah hott da Adam nein hunnaht un dreisich yoah glaybt, un no es eah kshtauva.

Psalm 21:4

Eah hott dich kfrohkt fa layva, un du hosht eem's gevva, en lang layva, fa'immah un immah.

Psalm 91:16

Ich zayl een zufridda macha mitt en lang layva, un zayl eem mei saylichkeit veisa”.

Jesoiya 62:8

Da Hah hott kshvoahra bei sei rechtsi hand, un bei sei mechtichah oahm: “Selayva zayl ich dei frucht nimmi gevva fa ess-sach zu dei feinda, un selayva zayla di fremda da nei vei nimmi drinka es du so hatt kshaft hosht difoah;

Jesoiya 62:9

avvah selli es es eahnda zayla's essa, un da Hah lohva, un selli es di drauva samla zayla da vei drinka, in di foah-hayf funn mei tempel.”

Jesoiya 65:15

Eiyah nohma zayld gyoost vadda fa en fluch bei mei raus-groofeni; da Awlmechtich Hah macht eich doht, avvah eah gebt sei gnechta en anrah nohma.

Jesoiya 65:9

Ich bring nohch-kummashaft aus em Jakob, un aus em Juda en eahvah funn mei berga; mei groofeni leit zayla's land eahva, un mei gnechta zayla datt voona.

Jesoiya 66:22

“Un grawt vi da nei himmel un di nei eaht es ich macha zayl, fannich miah bleiva zayla,” sawkt da Hah, “so zayld eiyah nohma un eiyah nohch-kummashaft bleiva.

3. Mosi 26:16

dann doon ich dess zu eich: Ich zayl grohsah angsht uf eich bringa, veeshti grankeda un feevah es eich blind macht un es eiyah layva shloh vekk nemd. Un diah zaylet eiyah sohma sayya fa nix, veil eiyah feinda kumma zayla un's essa.