Jesoiya 65:16 - Pennsylvania Dutch Bible

¹⁶ Veah-evvah es frohkt fa en sayya im land, zayld sich saykna beim Gott funn di voahheit; veah-evvah es shveaht im land, zayld shveahra beim Gott funn di voahheit. Fa da druvvel funn eahshtah zrikk vatt fagessa, un vatt fashtekkeld funn mei awwa.”

Jesoiya 65:16 ပူးပေါင်းရင်းမြစ်များ

Hiob 11:16

Du kansht dei druvvel fagessa, un's yusht meinda es vi vassah es fabei gloffa is.

Psalm 31:5

In dei hend gevvich mei geisht, du hosht mich frei gekawft, oh Hah, du shtandhaftichah Gott.

Psalm 63:11

Avvah da kaynich zayld sich froiya in Gott, selli es shveahra bei eem zayla een preisa, avvah di meilah funn leeyah vadda shtill gmacht.

Psalm 72:17

Loss sei nohma sei fa'immah, loss sei nohma shtay so lang es di sunn sheind. Deich een sella awl di heida ksaykend sei, un si zayla een preisa.

Psalm 86:15

Avvah du, oh Hah, bisht en bamhatzichah un en gnaydichah Gott, un bisht geduldich mitt feel leevi un shtandhaftichkeit.

2. Mosi 34:6

No is da Hah fannich em Mosi fabei ganga un hott naus groofa, “Da Hah, da Hah Gott, es bamhatzich, gnaydich un geduldich is, mitt grohsi gnawt un shtandhaftichkeit.

Jesoiya 11:16

Es zayld en vayk gevva fa sei leit, es ivvahrich sinn fa aus Assyria, grawt vi's voah fa Israel vo si ruff aus Egypta kumma sinn.

Jesoiya 19:18

In sellem dawk zayla fimf shtett in Egypta es di shprohch funn Kanaan shvetza, sich zumm Awlmechticha Hah shveahra. Ayns funn di shtett hayst di Shtatt funn di Sunn.

Jesoiya 35:10

Selli es da Hah frei gmacht hott kumma zrikk. Si gayn in Zion nei am singa, un ayvichi frayt zayld uf iahra kebb sei. Si sinn ufgnumma mitt freyyaheit un frayt; dreebsawl un heiles is fabei.

Jesoiya 48:1

“Heichet dess ab, diah leit fumm Jakob, diah es Israel kaysa sind, un es kummet fumm Juda sei nohch-kummashaft; diah es shveahret im nohma fumm Hah, un es baydet zumm Gott funn Israel, avvah nett in voahheit un gerechtichkeit.

Jesoiya 54:4

Feich dich nett, du zaylsht dich nett shemma, sei nett gedruvveld, du vasht nett fashohmd; dei shohm vo du yung voahsht zaylsht fagessa, un zaylsht nimmi droh denka an dei faniddahres, vo du en vitt-fraw vadda bisht.

Jesoiya 54:5

Fa deah es dich gmacht hott is dei mann, sei nohma is da Awlmechtich Hah. Eah is da Heilich Gott funn Israel, eah macht dich saylich, deah Gott funn di gans veld.

Jesoiya 65:19

Ich zayl mich froiya ivvah Jerusalem, un frayt havva in mei leit; di yacht funn heila vatt nimmi keaht datt, un aw nett di shtimm funn yammahra.

Jeremia 10:10

Avvah da Hah is da recht Gott; eah is da levendich Gott, un da ayvich Kaynich. Vann eah bays vatt, dann shiddeld di eaht; di heida kenna sei zann nett shtenda.

Jeremia 12:16

Un's kumd zu vann si da vayk funn mei leit recht lanna, un lanna fa shveahra bei meim nohma, un sawwa, ‘So voah es da Hah laybt,’ grawt vi si eahshtah mei leit gland henn fa shveahra zumm abgott Baal—no zayla si viddah ufgebaut vadda unnich mei leit.

Jeremia 31:12

Si zayla kumma un greisha mitt frayt drovva in di hay uf Zion; si froiya sich fa alles es fumm Hah kumd— frucht, neiyah vei un ayl, yungi shohf un rinnah. Iahra layva zayld sei vi en gvessahdah goahra, un si vadda nimmi bedreebt.

Jeremia 4:2

un vann du's maynsht in en gerechtah vayk, un du shveahsht, ‘So shuah es da Hah laybt,’ no zayla di heida ksaykend sei beim Hah un eem hallichkeit gevva.”

Daniel 12:1

“An selli zeit zayld da Michael bei kumma, sellah grohs evvahsht engel es ivvah dei leit vatsht. No zayld en zeit funn dreebsawl sei vi noch nee nett voah siddah es es leit katt hott biss an selli zeit. Avvah an selli zeit zayla dei leit aus di kfoah gnumma sei, alli-ebbah es kfunna is mitt sei nohma kshrivva im buch.

Daniel 12:11

Funn di zeit es es tayklich opfah kshtobt vatt, un sell grauslich gleichnis ufksetzt vatt es alles fadaubt, zayld's 1,290 dawk sei.

Zephania 1:5

selli es sich nunnah gneeya uf di dechah un bayda zu di sunn, da moon un di shtanna, selli es sich nunnah bikka un shveahra beim Hah un aw beim abgott, Milkom,

Johannes 1:14

Un's Vatt is flaysh vadda, un hott unnich uns glaybt. Miah henn sei hallichkeit ksenna, foll mitt gnawt un voahheit. Dess voah di hallichkeit fumm Faddah sei aynsishtah Sohn.

Johannes 1:17

Fa's ald Ksetz voah gevvah deich da Mosi, avvah di gnawt un di voahheit sinn kumma deich Jesus Christus.

Johannes 14:6

Jesus hott ksawt zu eem, “Ich binn da vayk, di voahheit, un's layva; nimmand kumd zumm Faddah unni deich mich.

Römer 14:11

Fa's shtayt kshrivva, “So voah es ich layb, sawkt da Hah, alli gnee soll sich beeya zu miah, un alli zung soll Gott bekenna.”

5. Mosi 10:20

Diah sellet da Hah eiyah Gott firchta un een deena. Hayvet oh zu eem un shveahret bei seim nohma.

5. Mosi 32:4

Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

5. Mosi 6:13

Diah sellet da Hah eiyah Gott firchta, een deena un bei sei nohma shveahra.

Philipper 2:11

Un alli zung soll bekenna es Jesus Christus da Hah is, zu di hallichkeit funn Gott da Faddah.

Di Offenbarung 20:4

No habb ich kaynich-shteel ksenna, un zu selli es uf di shteel kokt henn voah's gevva fa richta. Ich habb no di sayla ksenna funn selli es gekebt voahra fa's zeiknis funn Jesus un fa's Vatt funn Gott. Si henn's dracha-diah nett ohgebayt katt un aw nett sei abgott-gleichnis. Si henn aw nett sei meik uf iahra shtanna un iahra hend du glost. Si henn viddah glaybt un henn groold mitt Christus fa en dausend yoah.