Jesoiya 63:5 - Pennsylvania Dutch Bible

⁵ Ich habb gegukt, avvah's voah nimmand fa helfa, ich voah fashtaund es nimmand miah bei-kshtanna hott; so hott mei ayknah oahm miah ivvah-hand gevva, mei zann hott miah graft gevva.

Jesoiya 63:5 ပူးပေါင်းရင်းမြစ်များ

Psalm 107:12

So hott eah iahra hatza nunnah glawda mitt haddi eahvet; si sinn kshtolbaht un's voah nimmand fa helfa.

Psalm 22:11

Bleib nett veit vekk funn miah, fa druvvel is nayksht, un's is nimmand fa helfa.

Psalm 44:3

Mitt iahra aykni shvadda henn si's land nett ivvah-gnumma, un iahra ayknah oahm hott eena nett ivvah-hand gevva. Avvah's voah dei rechtsi hand, dei oahm, un's licht funn dei ksicht, veil du si leeb katt hosht.

Psalm 69:20

Kshvetzah es em grikt henn mei hatz fabrocha, un's is miah falayt. Ich habb gegukt fa drohsht, avvah's voah kennah, un fa mitt-leidah, avvah ich habb kenni kfunna.

Psalm 94:16

Veah shtayt uf fa mich geyyich di gottlohsa? Veah shtayt miah bei geyyich di evil-shaffah?

Psalm 98:1

Singet en nei leet zumm Hah, fa eah hott vundahboahri sacha gedu; Sei rechtsi hand un heilichah oahm henn di ivvah-hand grikt fa een.

Jesoiya 40:10

Gukket moll, Gott da Hah kumd mitt macht, un sei oahm roold fa een. Gukket moll, sei lohn is mitt eem, un sei fadeensht gayt fannich eem.

Jesoiya 41:28

Vann ich gukk, is nimmand unnich eena, 'sis nimmand datt fa roht gevva, nimmand fa andvat gevva vann ich frohk.

Jesoiya 50:2

Favass voah nimmand datt vo ich kumma binn? Vo ich groofa habb, favass hott nimmand andvat gevva? Voah mei oahm zu katz fa eich frei setza? Voah ich zu shvach fa eich zrikk hohla? Gukket moll, yusht bei zanka, dann drikkel ich da say uf, un mach di revvahra in en vildahnis, iahra fish gayn doht un fafaula, si fadashta unni vassah.

Jesoiya 51:5

Mei gerechtichkeit is nayksht, mei saylichkeit is uf em vayk, un mei eahm zayla di heida richta. Lendah veit ab sinn am gukka fa mich, un sinn am voahra uf mei oahm.

Jesoiya 51:9

Vekk uf, vekk uf, mach dich shteik, du oahm fumm Hah. Vekk uf, so vi in di alda dawwa, so vi in di layves-zeida funn lang zrikk. Voah's nett dich es Rahab fahakt hott, es es dracha-diah deich kshtocha hott?

Jesoiya 52:10

Da Hah hott sei heilichah oahm blutt gmacht fannich di awwa funn awl di heida, un di endah funn di gans eaht zayla di saylichkeit funn unsah Gott sayna.

Jesoiya 63:3

“Ich habb laynich di vei-press gedredda; nimmand unnich di heida voah bei miah. Ich habb si fadredda in meim zann, un si fashtambt veil ich bays voah; iahra bloot is ivvah mei glaydah kshpritzt, un hott awl mei glaydah blakkich gmacht.

Ezekiel 22:30

Ich habb gegukt fa en mann unnich eena fa di vand ufbauwa, un fa fannich mich shtay im loch zvishich miah un em land, so es ich's nett folshtendich fadauva muss, avvah ich habb nimmand kfunna.

Hosea 1:7

Avvah doch, ich zayl bamhatzichkeit veisa zumm haus funn Juda un hald si frei—nett beim bow, shvatt un greek, adda bei geil un geil-reidah, avvah beim Hah iahra Gott.”

Johannes 16:32

Di zeit is am kumma, un is nau do, vann diah awl fayawkt vaddet, yaydah ebbah zu sei aykni haymet, un ich va gans laynich glost. Doch, ich binn nett laynich, veil da Faddah bei miah is.

1. Korinther 1:24

Avvah zu selli vo raus groofa sinn funn di Yudda un di Greeyisha, is Christus Gottes graft un Gottes veisheit.