Jesoiya 63:14 - Pennsylvania Dutch Bible

¹⁴ vi's fee es nunnah in's deich gayt, hott da Geisht fumm Hah eena roo gevva. Dess is vi du dei leit kfiaht hosht so es du diah en hallichah nohma machsht.

Jesoiya 63:14 ပူးပေါင်းရင်းမြစ်များ

2. Samuel 7:23

Un veah is vi dei leit Israel, di aynsishta leit uf di eaht es Gott naus ganga is un frei gmacht hott fa sich selvaht, un fa en nohma macha fa sich selvaht, un fa grohsi un shreklichi sacha du in deim land fannich dei leit es du frei ksetzt hosht funn Egypta, un funn di heida un iahra abgettah?

1. Chronik 29:13

Nau, unsah Gott, gevva miah dank zu diah, un lohb zu dei hallichah nohma.

Nehemia 9:5

No henn di Lefiddah, da Jesua, da Kadmiel, da Bani, da Hasabneia, da Serebia, da Hodia, da Sebania un da Pethahia ksawt, “Shtaynd uf, un lohvet da Hah eiyah Gott fa'immah un immah! Ksaykend is dei hallichah nohma, loss een ufkohva sei ovvich alli sayya un preis!

Jesoiya 55:13

In blatz funn danna zayla cypress-baym vaxa, un im blatz funn hekka zayla myrtle baym vaxa. Dess zayld sei fa en ohdenkes zumm Hah, fa en ayvichah zaycha, un zayld nett abkshnidda sei.”

Jesoiya 63:12

Sellah es sei hallichah oahm mitt graft kshikt hott fa am Mosi sei rechtsi hand sei, sellah es di vassahra kshpalda hott fannich eena, fa sich en ayvichah nohma macha,

Jeremia 32:20

Du hosht zaycha un vundahra gedu in Egypta un hosht ohkalda si du biss deah dawk in Israel un aw unnich awl di mensha. Du hosht diah en nohma gmacht es du alsnoch hosht heit.

Haggai 2:5

‘Dess voah's bund es ich gmacht habb mitt eich vo diah aus Egypta kumma sind, un mei Geisht is alsnoch unnich eich. Feichet eich nett.’

4. Mosi 14:21

Avvah so voah es ich layb, un so voah es di hallichkeit fumm Hah di gans eaht fild,

4. Mosi 9:23

Am Hah sei gebott, henn si kshtobt un ufkokt, un am Hah sei gebott sinn si viddah gezowwa. Si henn em Hah keicht deich em Hah sei gebott zumm Mosi.

Lukas 2:14

“Grohsi eah sei zu Gott im haychshta, un fridda uf di eaht unnich mensha, dee vo eah froh is mitt.”

Epheser 1:12

so es miah, vo seahsht hofning katt henn in Christus, en lohb sei sedda zu sei hallichkeit.

Epheser 1:6

zumm lohb funn sei heilichi gnawt. Deich dee gnawt hott eah uns ohgnumma gmacht in seim leebshta.

5. Mosi 32:12

Da Hah selvaht hott een kfiaht, un's voah kenn fremdah gott mitt eem.

Joshua 21:44

Da Hah hott eena roo gevva uf alli seit, grawt vi eah kshvoahra hott zu iahra foah-feddah. Kens funn iahra feinda henn ufshtay kenna geyyich si; da Hah hott si awl ivvah-gedrayt zu eena.

Joshua 22:4

Nau hott da Hah eiyah Gott roo gevva zu eiyah breedah vi eah fashprocha hott. Gaynd nau nivvah zu eiyah haymeda uf di annah seit fumm Jordan es da Mosi em Hah sei gnecht eich gevva hott.

Joshua 23:1

En langi zeit is fabei ganga un da Hah hott Israel roo gevva funn awl iahra feinda gans um si rumm. Bei nau voah da Joshua oahrich ald un drovva in yoahra.