Jesoiya 63:13 - Pennsylvania Dutch Bible

¹³ sellah es si deich's deefa kfiaht hott? Vi en gaul in di vildahnis, sinn si nett kshtolbaht;

Jesoiya 63:13 ပူးပေါင်းရင်းမြစ်များ

Psalm 105:37

No hott eah Israel raus gebrocht mitt silvah un gold, un's voahra kenn shvachi leit unnich iahra shtamma.

Psalm 106:9

Eah hott da Roht Say gezankt, un eah is drukka vadda; eah hott si deich kfiaht es vi deich drukka land.

Psalm 119:165

Selli es dei ksetz leeb henn, henn grohsah fridda, un nix kann si shtolbahra macha.

2. Mosi 14:21

No hott da Mosi sei hand naus ivvah da say kshtrekt, un da Hah hott da say zrikk kshohva mitt en shteikah east vind deich di gans nacht. Eah hott da say in drukka land gmacht un hott's vassah fadayld.

Shpricha 3:23

No zaylsht du dei vayk lawfa unni kfoah, un dei foos zayld nett shtolbahra.

Jeremia 31:9

Si zayla heila vi si kumma; si zayla bayda vi ich si zrikk bring. Ich fiah si nayvich em frish vassah, uf en gladdi pawt vo si nett shtolbahra, fa ich binn da faddah funn Israel, un da Ephraim is mei eahsht-geboahranah.

Ezekiel 36:15

Diah zaylet nimmi di heida heahra eich fashpodda, un diah brauchet eich nimmi shemma fannich eena. Diah zaylet eiyah land nee nimmi falla macha, sawk da Awlmechtich Hah.’”

Habakuk 3:15

Du hosht da say uf kshtatt mitt dei geil, un hosht grohsi vella gmacht im vassah.