Jesoiya 63:11 - Pennsylvania Dutch Bible

¹¹ Sei leit henn no an di alda dawwa gedenkt, di dawwa fumm Mosi un sei leit— vo is sellah es si deich da say gebrocht hott mitt em shohf-heedah funn sei drubb? Vo is sellah es sei Heilichah Geisht unnich si gedu hott,

Jesoiya 63:11 ပူးပေါင်းရင်းမြစ်များ

Nehemia 9:20

Du hosht dei goodah Geisht gevva fa si lanna, dei manna hosht du nett zrikk kohva funn iahra meilah, un hosht eena vassah gevva fa iahra dasht.

Psalm 106:44

Avvah doch hott eah acht gnumma funn iahra noht, vo eah si keaht hott een ohroofa.

Psalm 106:45

No hott eah an sei bund gedenkt mitt eena, un deich sei grohsi leevi hott eah nohch glost.

Psalm 106:9

Eah hott da Roht Say gezankt, un eah is drukka vadda; eah hott si deich kfiaht es vi deich drukka land.

Psalm 143:5

Ich meind noch di dawwa funn lang zrikk; ich denk ivvah awl di sacha es du gedu hosht, un denk zrikk an vass dei hend gedu henn.

Psalm 25:6

Denk an dei bamhatzichkeit un dei shtandhaftichi-leevi, oh Hah, fa du hosht si shund katt lang zrikk.

Psalm 51:11

Shtohs mich nett vekk funn diah, un nemm dei Heilichah Geisht nett vekk funn miah.

Psalm 77:12

Ich zayl ivvah awl dei verka denka, un zayl zrikk denka an awl dei kshefta.

Psalm 77:20

Du hosht dei leit kfiaht vi en drubb shohf, mitt di hand fumm Mosi un em Aaron.

Psalm 78:52

Avvah eah hott sei aykni leit raus kfiaht vi shohf, un is eena foah-ganga in di vildahnis.

2. Mosi 14:22

No sinn di Kinnah-Israel uf drukka land gloffa in di mitt fumm say. 'S vassah voah vi en vand zu eena uf iahra rechtsi un lingsi seit.

2. Mosi 14:30

Un sell voah vi da Hah Israel kaldah hott funn di hend funn di Egyptah sellah dawk. Israel hott di Egyptah ksenna doht leiya am say noch.

Jesoiya 43:16

Dess is vass da Hah sawkt— deah es en vayk deich da say macht, un en pawt deich di mechticha vassahra,

Jesoiya 63:10

Avvah si henn sich kshteibaht un henn sei Heilichah Geisht bedreebt. So hott eah sich gedrayt un is iahra feind vadda, un hott geyyich si kfochta.

Jesoiya 63:15

Gukk runnah fumm himmel un sayn uns funn deim heilichah un hallichah voon-blatz. Vo is dei eahnsht un macht? Dei vayyich hatz un bamhatzichkeit vadda zrikk kohva funn uns.

Jeremia 2:6

Si henn nett kfrohkt, ‘Vo is da Hah es uns ruff aus Egypta gebrocht hott, un es uns deich di vildahnis kfiaht hott, deich's veesht, leah land, un deich's drukka un dunkel land, en land vo nimmand voond un nimmand deich gayt?’

Daniel 4:8

Endlich is da Daniel fannich mich kumma un ich habb eem da drohm ksawt. (Eah is aw Belteshazzar kaysa un is gnohmd noch mei gott. Eah hott da geisht funn di heilicha gettah in sich.)

Hosea 12:13

Deich en brofayt hott da Hah Israel aus Egypta gebrocht, un deich en brofayt hott eah acht gevva uf een.

Amos 9:11

“In sellem dawk zayl ich em Dawfit sei haus viddah ufbauwa. Ich fix di fabrochana bletz in di vand un vo's nunnah kfalla is. Ich bau's uf vi's als voah.

Haggai 2:5

‘Dess voah's bund es ich gmacht habb mitt eich vo diah aus Egypta kumma sind, un mei Geisht is alsnoch unnich eich. Feichet eich nett.’

Sacharia 4:6

So hott eah ksawt zu miah, “Dess is em Hah sei vatt zumm Serubabel: ‘Nett deich macht adda deich graft, avvah deich mei Geisht,’ sawkt da Awlmechtich Hah.

4. Mosi 11:17

No kumm ich nunnah un shvetz zu diah datt, un nemm fumm Geisht es uf diah is un du da Geisht uf si. Si zayla no diah helfa da lasht funn di leit drawwa, so es du's nett laynich drawwa brauchsht.

4. Mosi 11:25

No is da Hah runnah kumma in di volk un hott kshvetzt zu eem. Eah hott fumm Geisht es uf eem voah gnumma, un hott een uf di sivvatzich eldishti gedu. Vo da Geisht uf si kumma is henn si gebroffetzeit. Avvah si henn nett viddah so gedu.

4. Mosi 11:29

Avvah da Mosi hott ksawt, “Bisht du bekimmaht fa mich? Ich vott awl fumm Hah sei leit veahra brofayda, so es da Hah sei Geisht uf si du dayt!”

Hebräer 13:20

Nau mawk da Gott funn fridda, deah vo deich's bloot fumm ayvicha bund unsah Hah Jesus, sellah grohs Shohf-Heedah, zrikk gebrocht hott funn di dohda,

Richtah 6:13

Avvah da Gideon hott ksawt, “Mei meishtah, vann da Hah bei uns is, favass is awl deah druvvel uf uns kumma? Vo sinn awl sei vundahboahri sacha es unsah foah-feddah fazayld henn diveyya vo si ksawt henn, ‘Hott nett da Hah uns ruff aus Egypta gebrocht?’ Avvah nau hott da Hah uns falossa, un hott uns unnich di hend funn di Midianiddah gevva.”