Jesoiya 62:6 - Pennsylvania Dutch Bible

⁶ Ich habb vatsh-mennah uf dei mavvahra gedu, oh Jerusalem, si zayla nee nett shtill sei, dawk un nacht. Diah es ohhaldet da Hah droh gmohna, nemmet kenn roo selvaht.

Jesoiya 62:6 ပူးပေါင်းရင်းမြစ်များ

1. Mosi 32:12

Du hosht ksawt, ‘Ich zayl diah goot du, un dei nohch-kummashaft macha vi da sand am say nohch, so feel es nimmand si zayla kann.’”

1. Mosi 32:26

No hott da mann ksawt, “Loss mich gay, 'sis nau shund dawk.” Avvah da Jakob hott ksawt, “Ich loss dich nett gay biss du mich saykendsht.”

2. Chronik 8:14

Nau fa di adning halda vi sei faddah da Dawfit als hott, hott eah zu di preeshtah iahra tayklichi eahvet gevva, un aw zu di Lefiddah iahra deensht, so es si lohva un deena fannich di preeshtah alli dawk. Eah hott aw di doah-heedah fadayld fa yaydah doah, veil dess is vi da Dawfit, da mann funn Gott, so gebodda katt hott.

Psalm 122:7

Loss fridda sei inseit dei vanda, un kenn kfoah sei inseit dei kaynich-heisah.”

Psalm 74:18

So denk droh vi dei feinda dich fashpott henn, oh Hah, un vi di unksheida leit dei nohma faleshtaht henn.

Psalm 74:2

Fagess dei leit nett es du gekawft hosht lang zrikk; selli es du frei gmacht hosht fa di leit funn dei eahbshaft sei am Berg Zion, datt vo du gvoond hosht.

Hohches Leet 3:3

Di vatsh-mennah henn mich kfunna, vi si rumm heah in di shtatt ganga sinn. “Hend diah sellah ksenna es mei hatz leeb hott?”

Hohches Leet 5:7

Di vatsh-mennah henn mich kfunna vi si rumm heah ganga sinn in di shtatt. Si henn mich kshlauwa un vay gedu; di vatsh-mennah uf di vand henn mei shawl vekk gnumma!

Jesoiya 43:26

Gmohn mich droh an di sacha es blatz gnumma henn, vella dee sacha ivvah-shvetza; veis miah favass du maynsht es du unshuldich bisht.

Jesoiya 49:16

Gukk moll, ich habb dich uf mei hend kshrivva, dei vanda sinn immah fannich miah.

Jesoiya 52:8

Heich moll, di vatsh-mennah roofa mitt laudi shtimma, si greisha zammah mitt frayt; fa si sayna mitt iahra aykni awwa, da Hah am zrikk kumma zu Zion.

Jesoiya 56:10

Israel iahra vatsh-mennah sinn blind, si vissa nix; si sinn awl dummi hund, es nett gautza kenna. Si leiya rumm un drohma, si gleicha shlohfa.

Jesoiya 62:1

Fa di sayk funn Zion zayl ich nett shtill sei, un fa di sayk funn Jerusalem zayl ich nett roowa, biss iahra gerechtichkeit sheind mitt helling, un iahra saylichkeit brend vi en feiyah-shtekka.

Jeremia 14:21

Fa di sayk funn deim nohma, du uns nett fa'achta; du dei hallichah kaynich-shtool nett fashohma. Denk an dei bund mitt uns, un du's nett brecha.

Jeremia 6:17

Ich habb vatsh-mennah ivvah eich ksetzt, un ksawt, ‘Heichet di yacht ab fumm blohs-hann.’ Avvah diah hend ksawt, ‘Miah zayla nett abheicha.’

Glawk-Leedah 5:1

Denk an uns, oh Hah, denk vass es gevva hott zu uns; gukk un sayn unsah shohm.

Glawk-Leedah 5:20

Favass dusht du uns immah fagessa? Favass dusht du uns so lang hokka lossa?

Lukas 18:39

Avvah selli leit vo fanna heah voahra henn een gezankt, un henn eem ksawt fa shtill sei. Avvah eah hott yusht noch may naus gegrisha, “Du Sohn fumm Dawfit, sei bamhatzich zu miah!”

Di Apostelgeschichte 10:31

Un deah mann hott ksawt, ‘Kornelius, dei gebayt is keaht vadda. Un Gott hott acht katt vi du di oahmi leit helfa dusht.

Di Apostelgeschichte 10:4

Un vi eah een ohgegukt hott is eah fashrokka, un hott kfrohkt, “Hah, vass is dess?” Un da engel hott ksawt zu eem, “Dei gebaydah un almohsa sinn ruff kumma zu Gott, es en ohdenkes fannich eem.

1. Korinther 12:28

Un Gott hott samm in di gmay ksetzt, seahsht aposhtla, un's zvett brofayda, un's dritt teetshahs, noch sellem zaycha-shaffah, no anri mitt kshenkah fa hayla, mitt-helfah, ivvah-saynah, un selli mitt alli sadda shprohcha.

1. Thessalonicher 5:17

Baydet unni nohch lossa.

Hebräer 13:17

Heichet selli vo ivvah eich sinn, un gevvet eich unnich si. Si vatsha ivvah eiyah sayla vi sohwichi es fa'andvadlich sinn. Losset si dess du mitt frayt un nett mitt en lasht, fa sell dayt eich nett helfa.

Di Offenbarung 6:10

Si henn naus gegrisha mitt en laudi shtimm un henn ksawt, “Du Heilichah un Voahhaftichah Hah; vi lang voahtsht du fa selli richta uf di eaht, un si shtrohfa fa unsah bloot?”