Jesoiya 6:11 - Pennsylvania Dutch Bible

¹¹ No habb ich ksawt, “Oh Hah, vi lang?” Un eah hott ksawt: “Biss di shtett uf em bodda leiya, un nimmand drinn voond; biss di heisah leah, unni leit sinn un di feldah alles fadauva sinn,

Jesoiya 6:11 ပူးပေါင်းရင်းမြစ်များ

Psalm 74:10

Vi lang, oh Gott, zayld da feind dich fashpodda? Zayld eah dei nohma faleshtahra fa'immah?

Psalm 79:5

Vi lang, oh Hah? Zaylsht du bays sei fa'immah? Zayld dei zann ohhalda brenna vi feiyah?

Psalm 90:13

Kumm zrikk, oh Hah, vi lang zayld's sei? Davvah dei gnechta!

Psalm 94:3

Vi lang sella di gottlohsa, oh Hah, vi lang sella di gottlohsa sich froiya?

Jesoiya 1:7

Eiyah land is gans leah, eiyah shtett fabrend mitt feiyah; fannich eiyah awwa vatt's frucht funn eiyah feldah ufkfressa bei auslendah; eiyah feldah vadda fadauva, so vi bei fremdi.

Jesoiya 13:12

Ich loss so vennich mensha ivvahrich, es si vennichah sinn es fei gold, vennichah es es gold funn Ophir.

Jesoiya 3:26

Di shtatt-doahra funn Zion zayla veina un heila; di shtatt zayld leah sei un uf em bodda hokka.

Jesoiya 3:8

Yau, Jerusalem is kshtolbaht, un Juda is kfalla; iahra vadda un sell vass si doon is geyyich da Hah. Si shtella sich uf geyyich sei hallichkeit.

Jesoiya 32:14

Es kaynich-haus zayld falossa sei, un di shtatt mitt feel leit vatt leah, da hivvel un da vatsh-tavvah vadda ayvichlich foll lechah fa diahra, en blesiah fa di vilda aysla, un vayt fa's fee,

Jesoiya 35:1

Di vildahnis un's drukka land zayla sich froiya, es veesht land zayld fraylich sei un zayld bleeya mitt blumma.

Jesoiya 5:9

Zu mei oahra hott da Awlmechtich Hah ksawt: “Awl di grohsa heisah zayla geviss faveesht vadda, un di shayni feini heisah zayla leah shtay.

Jesoiya 60:15

Veil du falossa un kast voahsht, un nimmand deich dich ganga is, dann zayl ich dich ayvichlich fagleahra, un en frayt macha zu nohch-kummashaft noch nohch-kummashaft.

Jesoiya 64:10

Dei heilichi shtett sinn en vildahnis vadda, un so is Zion, Jerusalem is en leahrah blatz.

Jeremia 22:6

Fa dess is vass da Hah sawkt veyyich em kaynich-haus fumm kaynich funn Juda: “Du bisht so shay es es land Gilead zu miah, so shay es di berga in Lebanon. Doch zayl ich dich macha vi en vildahnis, vi shtett es nimmand drinn voond.

Jeremia 4:7

Vi en layb es aus seim hekka-nesht kumd, kumd sellah es di heida nunnah reist. Eah hott sei blatz falossa fa kumma eiyah land fadauva. Eiyah shtett zayla nunnah grissa vadda, un nimmand zayld drinn voona.

Jeremia 44:2

“Dess is vass da Awlmechtich Hah, da Gott funn Israel, sawkt: Diah hend's shreklich fadauves ksenna es ich uf Jerusalem un uf awl di shtett funn Juda gebrocht habb. Heit leiya si datt zammah grissa un nimmand voond drinn.

Jeremia 52:27

Datt an Ribla im land Hamath hott da kaynich si gegaysheld un si doht macha glost. So voahra di leit funn Juda vekk aus iahrem land kfiaht.

Ezekiel 6:6

Vo-evvah es diah voonet, zayla di shtett faveesht vadda un di hohcha-bletz leah gmacht sei, so es eiyah awldahra faveesht un leah gmacht vadda, eiyah abgettah fabrocha un fadauva vadda, eiyah insens awldahra nunnah gebrocha vadda, un sell vass diah gmacht hend zu nix gedrayt vatt.

Daniel 8:13

No habb ich en heilichah keaht shvetza, un noch en heilichah hott ksawt zu eem, “Vi lang zayld's nemma biss dee vision ivvah sei zayld, sell is, di vision veyyich em tayklicha opfah, di veesht sind es shreklichi dreebsawl bringd, da tempel es ivvah-gnumma vatt un veyyich di heilicha es fashtambt vadda?”

3. Mosi 26:31

Ich dray eiyah shtett zu trash, un reis eiyah tempels nunnah, un du's nett fa eiyah goot-shmakkichi opfahra shmakka.

3. Mosi 26:33

Ich zayl eich ausnannah shtroiya unnich di heida un zeek mei shvatt raus un kumm eich nohch. Eiyah land zayld veesht gmacht sei un eiyah shtett nunnah grissa sei.

Micha 2:4

Uf sellah dawk zayla si geyyich eich sei un eich fashpodda; un zayla dess leet funn dreebsawl singa: ‘Miah henn goah nix ivvahrich, da Hah hott unsah land vekk gnumma. Si henn alles vekk gnumma funn uns! Eah hott unsah feldah fadayld unnich unsah feinda.’”

Micha 5:11

Ich zayl di shtett funn eiyah land nunnah reisa, un awl eiyah shteiki vanda nunnah brecha.

Micha 6:13

Fasell zayl ich eich grank macha un shlauwa, fa eiyah sinda zayl ich eich veesht shtrohfa.

Micha 7:13

'S ivvahricha funn di eaht zayld veesht un leah sei, deich di ungerechta verka funn selli es drinn layva.

5. Mosi 28:62

Un diah es so feel voahret es di shtanna im himmel, zaylet vennich ivvahrich sei, veil diah em Hah eiyah Gott nett keicht hend.

5. Mosi 28:63

Grawt vi's da Hah kfroit hott fa goot sei zu eich un eich fameahra, so zayld's een froiya fa eich fadauva un zu nix bringa. Diah vaddet raus grissa aus em land es diah nei gaynd fa's ivvah-nemma.