Jesoiya 59:4 - Pennsylvania Dutch Bible

⁴ Nimmand is eahlich veyyich leit iahra recht, un nimmand bringd sei ayya sach eahlich foah. Si falossa sich uf leit fashtatzt macha un uf leeya, si shteahra mitt druvvel un enda mitt sinda.

Jesoiya 59:4 ပူးပေါင်းရင်းမြစ်များ

Hiob 15:31

Loss een sich nett fafiahra bei in sell drauwa es nix veaht is, fa eah zayld nix zrikk greeya.

Hiob 15:35

Si henn im sinn fa druvvel macha un evil du, un iahra meind risht sich fa fafiahra.”

Psalm 12:3

Da Hah zayld awl gladdi leftz shtobba, un alli zung es braekt,

Psalm 62:10

Falosset eich nett uf rawves, un doond eiyah fadrauwa nett in kshtohla shtoft. Vann diah reich vaddet, setzet eiyah hatza nett uf sell.

Psalm 62:4

Si denka yusht vi si een runnah bringa kenna funn sei hohchah blatz. Si henn frayt in leeya. Mitt iahra meilah saykna si, avvah mitt iahra hatza faflucha si. (Sela)

Psalm 7:15

Eah macht en loch un grawbt's aus fa anri, un fald selvaht in's loch es eah gmacht hott.

Shpricha 4:16

Fa si kenna nett shlohfa biss si evil gedu henn; si sinn fumm shlohf kalda biss si ebbah gmacht henn shtolbahra.

Jesoiya 10:1

Vay zu selli es unrechti ksetza macha, zu selli es unrechti gebodda uf shreiva,

Jesoiya 26:18

Miah voahra am en kind havva un in shmatza, avvah miah henn nix foah gebrocht es yusht da vind. Miah henn nimmand frei gmacht im land, un henn di veld kenn neiyi hofning gevva.

Jesoiya 28:15

Diah hend ksawt, “Miah henn en bund gmacht mitt em doht, un mitt em grawb. Vann si moll gans ivvahraus uf uns lohs gayn, dann zayld's uns fafayla, fa miah henn di leek un falshheit unsah fashtekkel-blatz gmacht.”

Jesoiya 29:20

Di unfashtendicha kumma zu en end, un di shpoddah zayla fagay. Awl selli es evil im sinn henn vadda abkshnidda—

Jesoiya 30:12

Fasell, sawkt da Heilich funn Israel: “Veil diah dess vatt nunnah gedrayt hend, un falosset eich uf leit nunnah dredda un fafiahres,

Jesoiya 30:9

fa dess is en fashtokt folk un falshi kinnah, kinnah es es nett doon fa heicha vass da Hah sawkt.

Jesoiya 33:11

Vass diah im sinn hend fa du, is shprau, un vass diah ausdrawwet is shtroh; eiyah ohften is en feiyah es eich selvaht ufbrend.

Jesoiya 44:20

Eah feedaht sich mitt esh, sei fafiaht hatz drayt een vekk. Eah kann sich selvaht nett saylich macha un sawwa, “Is dess ding in mei rechtsi hand nett en leek?”

Jesoiya 47:10

Du hosht dich uf dei ungettlichkeit falossa, un hosht ksawt, ‘Nimmand saynd mich.’ Dei veisheit un lanning henn dich fafiaht, un du hosht ksawt in deim hatz, ‘Ich binn, un's is nimmand vi mich.’

Jesoiya 5:18

Vay zu selli es sinda bei zeeya mitt shtrikk funn falshheit, un ungerechtichkeit mitt vauwa-shtrikk,

Jesoiya 5:7

Da vei-goahra fumm Awlmechticha Hah, is es haus funn Israel, un di mennah funn Juda sinn di blansa es eem kfellich sinn. Eah hott gegukt fa leit iahra recht, avvah hott yusht iahra fagossa bloot ksenna; un fa gerechtichkeit, avvah hott si yusht keaht greisha fa hilf.

Jesoiya 59:15

Di voahheit kann nett kfunna sei, un deah es funn evil drayt, dutt sich selvaht in di kfoah. Da Hah hott gegukt, un's hott eem nett kfalla es nimmand may sei recht greeya kann.

Jesoiya 59:16

Eah hott ksenna es nimmand datt voah; eah hott sich fashtaund es nimmand datt voah fa ufshtay digeyya; so is eah selli sacha ivvah-kumma mitt sei ayknah oahm, un sei gerechtichkeit hott bei eem kshtanna.

Jesoiya 59:3

Eiyah hend sinn unrein gmacht mitt bloot, un eiyah fingah mitt shuld. Eiyah leftz henn leeya ksawt, un eiyah zung gottlohsi sacha.

Jesoiya 64:7

Nimmand rooft dei nohma oh, adda broviaht hohld nemma funn diah; du hosht dei ksicht fashtekkeld funn uns un losht uns fagay in di macht funn unsah sinda.

Jesoiya 9:15

Di eldishti un foah-gengah sinn da kobb, un di brofayda es falshi leahra gevvah sinn da shvans.

Jeremia 48:7

Veil du dich falosht uf dei verka un geld, zaylsht du aw kfanga vadda; un dei abgott Kemosh vatt vekk gnumma, un aw sei preeshtah un feddahshti.

Jeremia 5:1

“Gay uf un ab deich di shtrohsa funn Jerusalem, gukk un nemm's ei; such deich di shtatt iahra shtrohsa. Vann du ay mensh findsht es eahlich is un di voahheit sucht, dann fagebb ich di shtatt.

Jeremia 7:4

Falosset eich nett uf fafiahrichi vadda un sawwet, “Dess is em Hah sei tempel, dess is em Hah sei tempel, dess is em Hah sei tempel!”

Jeremia 7:8

Avvah gukket moll, diah sind am eich falossa uf fafiahrichi vadda es nix veaht sinn.

Hosea 4:1

Heichet zumm Hah sei vatt, diah Kinnah-Israel, fa da Hah hott en shuld zu bringa geyyich eich es im land voona: “Es is kenn shtandhaftichkeit, leevi adda bekendnis funn Gott im land.

Micha 2:1

Vi shlecht zayld's sei fa selli es vakkah leiya, selli es shkeema in iahra beddah fa evil du! Vann meiyet kumd, dann gayn si un doon's, veil si di macht henn fa's du.

Di Apostelgeschichte 24:9

Di Yudda voahra awl aynich es es grawt voah vi da Tertullus ksawt hott.

Jakobus 1:15

Un vann da lusht een moll kfanga hott, no vatt di sind geboahra; un vann di sind moll folkumma is, no bringd see da doht.