Jesoiya 58:8 - Pennsylvania Dutch Bible

⁸ No zayld eiyah licht raus kumma vi di meiya-helling, un diah vaddet shnell kayld; eiyah gerechtichkeit gayt fannich eich heah, un di hallichkeit fumm Hah heet eich hinna-bei.

Jesoiya 58:8 ပူးပေါင်းရင်းမြစ်များ

Hiob 11:17

Dei layva zayld hellah sei es di mitt fumm dawk, un's dunkla zayld sei es vi meiyets.

Psalm 112:4

Es licht kumd im dunkla fa di ufrichticha, eah is gnaydich, bamhatzich un gerecht.

Psalm 37:6

Eah macht dei gerechtichkeit sheina vi en licht, un dei gericht vi di middawk sunn.

Psalm 85:13

Gerechtichkeit gayt fannich eem heah, un risht da vayk fa sei shritt.

Psalm 97:11

Es licht sheind uf di gerechta, un frayt sheind uf di ufrichticha im hatz.

2. Mosi 14:19

Da engel funn Gott, es am fannich di drubb Israeliddah gay voah, hott sich no rumm gedrayt un is hinnich si ganga. Da volklich poshta is aw fannich eena vekk ganga un hott hinnich si kshtanna.

Shpricha 11:17

En bamhatzichah mann dutt sich selvaht goot, avvah en unfashtendlichah mann dutt sich shawda.

Shpricha 11:25

Veah reichlich gebt, zayld goot ab sei, un veah anri reichlich gebt zu drinka, zayld selvaht nett fadashta.

Shpricha 4:18

Da vayk funn di gerechta is vi's licht free meiyets, es sheind hellah un hellah biss es gans dawk is.

Jesoiya 26:2

Mach di doahra uf so es di gerechta leit nei gay kenna, selli es da glawva halda.

Jesoiya 30:26

Da moon zayld sheina vi di sunn, un's licht funn di sunn zayld sivva mohl hellah sei, so es vann's licht funn sivva dawk alles zammah kumma dayt in ay dawk. Dess nemd blatz vann da Hah di vayya blakka uf bind un di soahs hayld funn sei leit es eah uf si gedu hott.

Jesoiya 33:24

Nimmand es in Zion voond zayld sawwa, “Ich binn grank”; un di sinda funn selli es datt voona zayla fagevva sei.

Jesoiya 52:12

Avvah diah brauchet eich nett dumla vi diah gaynd, es vann diah am fatt shpringa veahret, fa da Hah zayld fannich eich heah gay, un da Gott funn Israel zayld eich heeda hinna nohch.

Jesoiya 57:18

Ich habb sei vayya ksenna, avvah ich zayl een hayla; ich zayl een fiahra, un selli drayshta es heila,

Jesoiya 60:1

“Shtay uf un shein, fa dei helling is kumma, un di hallichkeit fumm Hah is ivvah dich kumma.

Jesoiya 60:2

Gukk moll, finshtahnis kumd ivvah di eaht, un deefi dunkelheit ivvah di leit, avvah da Hah kumd ivvah dich, un sei hallichkeit sheind uf dich.

Jesoiya 62:1

Fa di sayk funn Zion zayl ich nett shtill sei, un fa di sayk funn Jerusalem zayl ich nett roowa, biss iahra gerechtichkeit sheind mitt helling, un iahra saylichkeit brend vi en feiyah-shtekka.

Jeremia 30:17

Avvah ich zayl dich ksund macha un dich hayla vo du vay dusht,’ sawkt da Hah, ‘veil du nix gezayld bisht, un nimmand gebt ebbes um Zion.’

Jeremia 33:6

Avvah doch mach ich see viddah ksund un hayl see. Ich zayl mei leit hayla un si lossa in fridda un aus di kfoah layva.

Hosea 14:4

“Ich zayl iahra vekk-drayyes hayla un si geahn leeb havva, veil mei zann nau vekk gedrayt is funn eena.

Maleachi 4:2

Avvah fa eich es mei nohma firchtet, zayld di sunn funn gerechtichkeit uf kumma mitt hayles in iahra flikkel. Un diah zaylet naus gay un rumm tshumba vi kelvah es yusht aus em shtall glost sinn vadda.

Matthäus 13:15

Dee leit iahra hatza sinn fashtokt. Si sinn hatt-heahrich un henn iahra awwa zu gmacht, so es si nett sayna kenna mitt iahra awwa, un heahra kenna mitt iahra oahra, un fashtay im hatz, un boos du so es ich si hayla kann.’

Di Apostelgeschichte 10:31

Un deah mann hott ksawt, ‘Kornelius, dei gebayt is keaht vadda. Un Gott hott acht katt vi du di oahmi leit helfa dusht.

Di Apostelgeschichte 10:35

avvah alli sadda leit vo Gottes-furcht in sich henn un recht doon, sinn ohgnumma bei eem.

Di Apostelgeschichte 10:4

Un vi eah een ohgegukt hott is eah fashrokka, un hott kfrohkt, “Hah, vass is dess?” Un da engel hott ksawt zu eem, “Dei gebaydah un almohsa sinn ruff kumma zu Gott, es en ohdenkes fannich eem.