Jesoiya 55:8 - Pennsylvania Dutch Bible

⁸ “Fa mei gedanka sinn nett eiyah gedanka, un eiyah vayya sinn nett mei vayya,” sawkt da Hah.

Jesoiya 55:8 ပူးပေါင်းရင်းမြစ်များ

2. Samuel 7:19

Un doch dess voah vennich in dei awwa, oh Gott da Hah, fa du hosht aw kshvetzt veyyich dei gnecht sei haus shpaydah naus. Un du hosht da mensh glost dess sayna, oh Gott da Hah!

2. Kaynicha 5:11

Avvah da Naaman is bays vekk ganga. Eah hott ksawt, “Ich habb gedenkt eah dayt am vennichshta raus kumma zu miah, un dayt anna shtay un da nohma fumm Hah sei Gott ohroofa. Ich habb gedenkt eah dayt sei hand ivvah da blakka hayva un mich hayla funn mei aussatz.

Hiob 35:5

Gukk moll nuff in da himmel un sayn; gukk moll an di volka hohch ovvich diah.

Psalm 25:10

Awl di vayya fumm Hah sinn oahrich goot un shtandhaftich, zu selli es sei bund un gebodda halda.

Psalm 33:11

Da roht fumm Hah shtayt fa'immah, un di gedanka funn seim hatz ayvichlich.

Psalm 40:5

Feel, oh Hah mei Gott, sinn di vundahboahri sacha es du gedu hosht, un aw dei gedanka veyyich uns. 'Sis nimmand gleich zu diah. Vann ich dee sacha sawwa un fazayla vett, veahra si zu feel fa zayla.

Psalm 92:5

Vi grohs sinn dei verka, oh Hah, un vi deef dei gedanka!

Shpricha 21:8

Da vayk funn di shuldicha is grumm, avvah di unshuldicha doon vass recht is.

Shpricha 25:3

Vi di himla hohch sinn, un di eaht deef is, so is es hatz funn kaynicha, veah kann's fashtay?

Jesoiya 14:24

Da Awlmechtich Hah hott kshvoahra, “Vass ich ausgmacht habb fa du, so zayld's sei, vass ich im sinn habb, so zayld's shtay.

Jesoiya 53:6

Miah voahra awl vi shohf es sich faloahra henn; yaydahs funn uns is sei ayknah vayk ganga. Un da Hah hott awl unsah sinda uf een glaykt.

Jesoiya 58:13

“Vann diah eiyah fees haldet fumm Sabbat-Dawk brecha, un nett doond vass eich kfald uf meim heilicha dawk, vann diah da Sabbat nemmet es en dawk funn frayt, un em Hah sei heilichah dawk eahret, vann diah da dawk eahret bei eiyah aykni sacha ufgevva, un nett doond vi diah vellet, adda leahri kshvetzah macha,

Jesoiya 65:2

Ich habb da gans dawk mei hend naus kohva zu en drubb fashtokti leit, es iahra ayknah vayk un gedanka nohch gayn, en vayk es nett goot is—

Jesoiya 66:18

“Ich kenn iahra verka un iahra gedanka. Di zeit is am kumma es ich alli lendah un zunga zammah samla zayl, so es si kumma un mei hallichkeit sayna.

Jeremia 3:1

Gott sawkt: “Vann en mann en divorce-shreives zu sei fraw gebt, un see falost een un heiyaht en anra mann, sett eah see viddah zrikk nemma? Dayt sell nett's gans land unrein macha? Avvah du hosht huahrahrei gedrivva mitt feel mennah— daytsht du nau zrikk kumma zu miah?” sawkt da Hah.

Ezekiel 18:29

Avvah doch sawkt's haus funn Israel, ‘Da vayk fumm Hah is nett recht.’ Sinn mei vayya letz, diah fumm haus funn Israel? Is es nett eiyah vayya es letz sinn?

Daniel 4:37

Nau doon ich, da Nebukadnezar, da Kaynich fumm himmel lohva, preisa un eahra, veil alles es eah dutt recht is un sei vayya sinn gerecht. Un eah kann ennich ebbah daymeedicha es lawft in hohchmoot.

Hosea 14:9

Veah hott veisheit? Eah fashtayt dee sacha. Veah hott eisicht? Eah fameikt si. Di vayya fumm Hah sinn recht; un di gerechta lawfa drinn, avvah di ivvah-dreddah shtolbahra drinn.

1. Samuel 16:7

Avvah da Hah hott ksawt zumm Samuel, “Gukk nett an vi eah gukt adda vi grohs es eah is, fa ich habb een nunnah gedrayt. Da Hah gukt nett an di sacha es da mensh saynd. Da mensh gukt an di autseit, avvah da Hah gukt an's hatz.”