Jesoiya 55:6 - Pennsylvania Dutch Bible

⁶ Suchet da Hah diveil es eah kfunna sei kann, roofet zu eem diveil es eah nayksht is.

Jesoiya 55:6 ပူးပေါင်းရင်းမြစ်များ

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

2. Chronik 19:3

Doch, 'sis noch samm goodes in diah veil du di Ashera-poshta vekk aus em land gedu hosht, un dei hatz ksetzt hosht fa da Hah sucha.”

Ezra 10:2

No hott em Jehiel sei boo, da Sechania, ayns fumm Elam sei nohch-kummashaft, ksawt zumm Ezra, “Miah voahra nett shtandhaftich zu unsah Gott veil miah ausahri veibsleit keiyaht henn funn di leit in demm land. Avvah's hott alsnoch hofning fa Israel, even noch demm.

Hiob 8:5

Vann du Gott suchsht fa hilf, un ohhaldsht da Awlmechtich frohwa,

Psalm 14:2

Da Hah gukt runnah fumm himmel uf di mensha, fa sayna eb ennich ebbah fashtayt; eb ennich ebbah Gott sucht.

Psalm 145:18

Da Hah is nayksht bei awl selli es een ohroofa, bei awl selli es een eahnshtlich ohroofa.

Psalm 148:14

Eah hott sei leit shteik gmacht, so es awl sei saylichi een lohva sella, di Kinnah-Israel, dee es eem leeb sinn. Halleluja!

Psalm 27:8

Vo du ksawt hosht, “Such fa mei ksicht,” hott mei hatz ksawt, “Dei ksicht, oh Hah, zayl ich sucha.”

Psalm 32:6

Fasell loss alli-ebbah es gettlich is bayda zu diah, diveil es du kfunna sei kansht; no vann hohchi vassahra kumma, langa si nett nuff zu eem.

Psalm 34:19

Da gerecht mann muss feel druvvel leida, avvah da Hah setzt een frei funn si awl;

Psalm 75:1

Miah gevva dank zu diah, oh Gott; miah gevva dank un sawwa leit veyyich dei vundahboahri verka, veil dei Nohma nayksht is.

Psalm 95:7

Eah is unsah Gott, un miah sinn di leit funn sei vayt-feld, di shohf funn sei hand. Heit, vann diah sei shtimm heahret,

Shpricha 8:17

Ich leeb selli es mich leeva, un selli es mich sucha zayla mich finna.

Jesoiya 12:6

Greishet laut un singet mitt frayt, diah leit funn Zion, fa grohs unnich eich is sellah Heilichah funn Israel.”

Jesoiya 26:9

Mei sayl hott en falanga fa dich in di nacht, un mei geisht in miah dutt eahnshtlich sucha fa dich. Vann dei gerichta uf di eaht kumma, dann lanna di leit funn di veld gerechtichkeit.

Jesoiya 45:19

Ich habb nett hinna rumm kshvetzt, funn eiyets es es dunkel is; ich habb nett ksawt zumm Jakob sei nohch-kummashaft, ‘Suchet mich vo nix is.’ Ich binn da Hah un sawk di voahheit; ich sawk vass recht is.

Jesoiya 45:22

Drayyet zu miah un vaddet saylich awl diah biss an's end funn di eaht, fa ich binn Gott, un's hott kenn anrah.

Jesoiya 46:13

Ich bring mei gerechtichkeit nayksht, es is nett veit ab; mei hilf zayld nett shpoht sei. Ich gebb saylichkeit zu Zion, un mei hallichkeit zu Israel.”

Jesoiya 49:8

Dess is vass da Hah sawkt: “An di zeit funn gnawt havvich diah andvat gevva, un am dawk funn di saylichkeit havvich diah kolfa. Ich zayl dich heeda un macha es du en bund bisht zu di leit, fa's land zrikk nemma, un's fadauva land fadayla unnich di eahvah.

Jesoiya 58:9

No zaylet diah roofa, un da Hah gebt andvat, diah zaylet greisha fa hilf, un da Hah sawkt, ‘Do binn ich.’ Vann diah's yoch vekk doond unnich eich, un ufheahret di fingah naus shtrekka, un evil shvetza veyyich anri,

Jesoiya 65:10

Sharon zayld en vayt-land vadda fa shohf-drubba, un di valley funn Achor en blatz vo's fee root, fa mei leit es mich sucha.

Jesoiya 65:24

Eb si roofa, gebb ich andvat, diveil es si am shvetza sinn, heahrich si.

Jeremia 25:5

Si henn ksawt, “Drayyet nau, alli-ebbah funn eich, funn eiyah evili vayya un verka, no kennet diah fa'immah un immah im land bleiva es da Hah zu eich un eiyah feddah gevva hott.

Jeremia 33:3

‘Roof mich oh, un ich gebb diah andvat, un sawk diah grohsi un mechtichi sacha es du nett vaysht.’

Ezekiel 14:6

So sawk zumm haus funn Israel, ‘Dess is vass da Awlmechtich Hah sawkt: Doond boos, drayyet vekk funn eiyah abgettah; drayyet vekk funn eiyah vayya es grausam sinn zu miah.

Ezekiel 33:11

No sawk zu eena, ‘So shuah es ich layb, sawkt da Awlmechtich Hah, ich habb kenn blesiah am doht funn di gottlohsa, avvah leevah es di gottlohsa vekk drayya funn iahra vayya un layva bleiva. So drayyet, drayyet vekk funn eiyah evili vayya! Favass vellet diah shtauva, diah haus funn Israel?’

Ezekiel 8:6

Eah hott no ksawt zu miah, “Mensha-kind, saynsht du vass si am du sinn do? Saynsht du di unbegreiflichi veeshti sacha es es haus funn Israel am du is do, sacha es mich veit vekk dreibt funn meim tempel? Avvah du zaylsht sacha sayna es even noch may grausam sinn.”

Daniel 4:27

Fasell, oh kaynich, nemm mei roht oh: Heah uf sindicha un du vass recht is; shtobb dei ungerechtichkeit un sei bamhatzich zu di nunnah-gedreddana. No fleicht hald's oh diah goot gay.”

Hosea 10:12

Sayyet gerechtichkeit fa eich selvaht, eahndet di frucht funn shtandhaftichi-leevi, un bloowet eiyah neiyah grund; fa's is zeit fa da Hah sucha, biss eah kumd un reyyaht gerechtichkeit uf eich.

Amos 5:6

Suchet da Hah, no zaylet diah layva, adda dann kumd eah ivvah's haus fumm Joseph vi en brennich feiyah; es fazeaht, un's is nimmand in Beth-El fa's ausmacha.

Jona 3:8

Di mensha un's fee sella zu gedekt sei mitt sekk-glaydah, un di mensha sella eahnshtlich Gott ohroofa. Si sella sich vekk drayya funn iahra evili vayya un di veeshtlichi sacha es si doon mitt iahra hend.

Matthäus 5:25

Mach fridda mitt demm vo geyyich dich is so kshvind es du kansht, diveil es du noch zeit hosht. Eah mecht ennichi zeit dich ivvah-drayya zumm richtah. Un da richtah mecht dich ivvah-gevva zumm sheriff un eah dutt dich eishtekka.

Lukas 13:25

Vann da haus-faddah moll uf kshtanna is un hott di deah zu gmacht, no shtaynd diah autseit un globbet oh an di deah un sawwet, ‘Hah, mach uf fa uns.’ Avvah eah zayld andvat gevva zu eich un sawwa, ‘Ich kenn eich nett, un vays nett funn vo es diah sind.’

Johannes 8:21

No hott eah viddah ksawt zu eena, “Ich gay do vekk, un diah zaylet mich sucha, un zaylet shtauva in eiyah sinda. Vo ich hee gay, kennet diah nett anna kumma.”

Epheser 3:13

Fasell frohk ich eich es diah nett moot faliahret deich vass ich leida muss fa eich. Dess is fa eiyah hallichkeit.

5. Mosi 4:29

Avvah vann diah datt da Hah eiyah Gott suchet, dann zaylet diah een finna vann diah een suchet mitt eiyah gans hatz un sayl.

5. Mosi 4:7

Vo is en annah hallich folk es iahra gettah so nayksht henn vi da Hah unsah Gott is zu uns vann miah bayda zu eem?

Hebräer 2:3

vi kenna miah vekk kumma mitt vann miah so en grohsi saylichkeit fa'achta? Dee saylichkeit voah seahsht gebreddicht bei em Hah, un voah shuah gmacht zu uns bei selli es een keaht henn.

Hebräer 3:13

Avvah famohnet nannah alli dawk, so lang es es noch heit hayst, so es diah nett shteibahrich vaddet deich di fafiahrichkeit funn sinda.