Jesoiya 54:5 - Pennsylvania Dutch Bible

⁵ Fa deah es dich gmacht hott is dei mann, sei nohma is da Awlmechtich Hah. Eah is da Heilich Gott funn Israel, eah macht dich saylich, deah Gott funn di gans veld.

Jesoiya 54:5 ပူးပေါင်းရင်းမြစ်များ

Hiob 19:25

Ich vays es mei Frei-Shtellah laybt, un am end zayld eah uf di eaht shtay.

Jesoiya 11:9

Nimmand zayld shawda un fadauves du uf meim gansa heilicha berg. Vi da say foll vassah is, so zayld di eaht foll sei mitt leit es da Hah kenna doon.

Jesoiya 43:1

Avvah nau, dess is vass da Hah sawkt, deah es dich kshaffa hott, oh Jakob, deah es dich gmacht hott, oh Israel: “Feich dich nett, fa ich habb dich frei gmacht; ich habb dich groofa bei deim nohma, du bisht mei.

Jesoiya 43:14

Dess is vass da Hah, es eich saylich macht, un es heilich is in Israel, sawkt— “Fa eiyah sayk habb ich ebbah noch Babylon kshikt, un habb di rikkel fabrocha es eich kfanga kohva henn. Di Babylonisha sinn difunn ganga, in di shiffah es si sich so kfroit henn drinn.

Jesoiya 45:11

Dess is vass da Hah sawkt, deah es heilich is un es Israel gmacht hott: Veyyich di sacha es noch am kumma sinn, doond diah mich frohwa veyyich mei kinnah, adda miah sawwa vass zu du mitt mei hend?

Jesoiya 48:17

Dess is vass da Hah, dei Frei-Shtellah, sellah es heilich is, sawkt: “Ich binn da Hah dei Gott, deah es dich land vass es besht is fa dich, deah es dich fiaht im vayk es du gay solsht.

Jesoiya 48:2

Si sawwa es si sinn funn di heilich shtatt, un falossa sich uf da Gott funn Israel, sei nohma is da Awlmechtich Hah.

Jesoiya 51:15

Fa ich binn da Hah dei Gott es da say ufshtatt, so es di vella rausha— da Awlmechtich Hah, is sei nohma.

Jesoiya 54:8

Mitt en shnellah ohfang funn zann, habb ich mei ksicht fashtekkeld funn diah fa vennich, avvah mitt ayvichi leevi, zayl ich bamhatzich sei zu diah,” sawkt da Hah es dich saylich macht.

Jesoiya 6:3

Si henn zu nannah groofa un henn ksawt, “Heilich, heilich, heilich is da Awlmechtich Hah; di gans eaht is kfild mitt sei hallichkeit.”

Jesoiya 65:16

Veah-evvah es frohkt fa en sayya im land, zayld sich saykna beim Gott funn di voahheit; veah-evvah es shveaht im land, zayld shveahra beim Gott funn di voahheit. Fa da druvvel funn eahshtah zrikk vatt fagessa, un vatt fashtekkeld funn mei awwa.”

Jeremia 10:16

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel, sei aykni leit gmacht. Sei nohma is da Awlmechtich Hah!

Jeremia 3:14

“Kummet zrikk, diah unglawvichi kinnah,” sawkt da Hah, “fa ich binn eiyah meishtah. Ich nemm aynah funn yaydah shtatt un zvay funn yaydah shtamm un bring eich zu Zion.

Jeremia 51:19

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel sei aykni leit gmacht. Sei nohma is da Awlmechtich Hah!”

Ezekiel 16:8

Shpaydah vo ich fabei ganga binn un an dich gegukt habb, habb ich ksenna es du ald genunk voahsht fa mitt en mann shlohfa. No habb ich mei vammes ivvah dich gedu so es du nimmi nakkich voahsht. Ich habb no en fashprechnis un en bund gmacht mitt diah,’ sawkt da Awlmechtich Hah, ‘un du bisht mei vadda.

Hosea 2:16

In sellah dawk,” sawkt da Hah, “zaylsht du mich ‘mei mann’ haysa, un mich nimmi ‘mei Baal’ haysa.

Hosea 2:18

In sellem dawk zayl ich en bund macha fa si, mitt di diahra fumm feld un di fekkel in di luft, un mitt selli es uf em bodda anna gradla. Ich nemm da bow, di shvatt un greek gans aus em land, so es si awl anna leiya kenna unni kfoah.

Sacharia 14:9

Da Hah zayld kaynich sei ivvah di gans eaht. In sellem dawk zayld da Hah da aynsisht sei un aw sei nohma da aynsisht.

Maleachi 1:11

Mei nohma is hallich unnich di heida, fumm blatz vo di sunn ufkumd biss vo see nunnah gayt. Ivvahrawlich vadda insens un reini opfahra gopfaht zu meim nohma, veil mei nohma hallich sei zayld unnich di heida,” sawkt da Awlmechtich Hah.

Lukas 1:32

Eah zayld hohch uf kohva sei, un zayld da Sohn fumm Haychshta kaysa sei; un Gott da Hah gebt eem da kaynich-shtool funn seim faddah, da Dawfit,

Johannes 3:29

Deah vo's hochtzich-maydel heiyahra zayld is da hochtzeidah. Da freind fumm hochtzeidah vo uf shtayt un heicht een ab, froit sich oahrich veil eah em hochtzeidah sei shtimm heaht. Fasell is mei frayt nau folkumma.

Epheser 5:32

Dess is en deefi sach es ma nett fashtayt, avvah ich binn am shvetza veyyich Christus un di gmay.

Joshua 3:11

Gukket moll, di Bundes-Lawt fumm Hah funn di gans eaht zayld in da Jordan fannich eich heah gay.

Joshua 3:13

un vann di preeshtah es am di lawt fumm Hah drawwa sinn—sell is da Hah funn di gans veld—vann di preeshtah moll di sohla funn iahra fees in's vassah fumm Jordan doon, dann vatt's vassah fumm Jordan abkshnidda. 'S vassah es am da revvah runnah lawfa is zayld sich uf shtella in en haufa.”

Di Offenbarung 11:15

No hott da sivvet engel sei hann geblohsa, un's voahra laudi shtimma im Himmel vo ksawt henn, “Di kaynich-reicha funn di veld sinn di kaynich-reicha vadda funn unsah Hah un funn sei Christus, un eah zayld Kaynich sei fa immah un immah.”