Jesoiya 54:17 - Pennsylvania Dutch Bible

¹⁷ Kenn greeks-ksha, es gmacht is fa geyyich dich sei, zayld goot ausshaffa, un alli zung es geyyich dich is im gericht, zaylsht du fadamma. Dess is di eahbshaft fa di gnechta fumm Hah, un iahra gerechtichkeit is funn miah,” sawkt da Hah.

Jesoiya 54:17 ပူးပေါင်းရင်းမြစ်များ

Hiob 1:11

Shtrekk dei hand naus un shlakk alles es eah hott, un eah zayld dich geviss faflucha in dei ksicht.”

Hiob 2:5

Avvah shtrekk dei hand naus un rayk sei flaysh un gnocha oh, no faflucht eah dich in dei ksicht.”

Hiob 42:7

Noch demm es da Hah dee sacha ksawt katt hott zumm Hiob, hott eah ksawt zumm Eliphas funn Theman, “Mei zann is hays geyyich dich un dei zvay freind. Dess is veil diah nett kshvetzt hend veyyich miah vass recht is vi mei gnecht da Hiob hott.

Psalm 32:6

Fasell loss alli-ebbah es gettlich is bayda zu diah, diveil es du kfunna sei kansht; no vann hohchi vassahra kumma, langa si nett nuff zu eem.

Psalm 61:5

Du hosht mei fashprechinga keaht, oh Gott, un hosht miah di eahbshaft gevva es zu selli heaht es dei nohma firchta.

Psalm 71:16

Ich kumm un preis di mechticha kshefta funn Gott da Hah; ich shvetz veyyich dei gerechtichkeit, un yusht deini laynich.

Psalm 71:19

Dei gerechtichkeit, oh Gott, langd nuff in da himmel, du es grohsi sacha gedu hosht, oh Gott. Veah is vi du?

Jesoiya 17:12

Oh, di unruicha leit in awl di lendah— si roahra vi di vella am say nohch! Oh, di ufruah unnich di heida— si macha en yacht vi grohsi vassahra!

Jesoiya 26:2

Mach di doahra uf so es di gerechta leit nei gay kenna, selli es da glawva halda.

Jesoiya 29:8

Vi en hungahrichah mann es drohmd eah veah am essa, avvah vann eah vakkah vatt, is eah alsnoch hungahrich, adda vi en dashtichah mann es drohmd eah veah am drinka, avvah eah vekt uf matt un is alsnoch dashtich, so zayld's sei mitt di grohs drubb heida es fechta geyyich da Berg Zion.

Jesoiya 3:10

Sawk zu di gerechta es es zayld goot gay mitt eena; si zayla di frucht funn iahra eahvet essa.

Jesoiya 40:2

Shvetzet freindlich zu Jerusalem, un sawwet zu iahra es iahra haddah deensht ivvah is, un es iahra sinda fagevva sinn, un es see double di shtrohf grikt hott fumm Hah sei hand fa awl iahra sinda.

Jesoiya 41:11

Gukk moll, awl selli es bays sinn mitt diah zayla fashpott un fashohmd sei; selli es geyyich dich sinn, zayla fanixt vadda un umkumma.

Jesoiya 46:13

Ich bring mei gerechtichkeit nayksht, es is nett veit ab; mei hilf zayld nett shpoht sei. Ich gebb saylichkeit zu Zion, un mei hallichkeit zu Israel.”

Jesoiya 50:8

Sellah es mich gerecht hayst is nayksht, so veah zayld ebbes geyyich mich bringa? Vella mitt-nannah fannich da richtah shtay. Veah fashuldicht mich? Loss een fannich miah shtay!

Jesoiya 50:9

Gukket moll, Gott da Hah helft miah. Veah is sellah es mich fadamd? Si veahra awl aus vi glaydah, di shawva fressa si.

Jesoiya 51:5

Mei gerechtichkeit is nayksht, mei saylichkeit is uf em vayk, un mei eahm zayla di heida richta. Lendah veit ab sinn am gukka fa mich, un sinn am voahra uf mei oahm.

Jesoiya 54:15

Vann ennich ebbah shtreida dutt mitt diah, dann kumd's nett funn miah. Veah-evvah es shtreit ufshtatt mitt diah, zaylsht du di ivvah-hand greeya drivvah.

Jesoiya 54:16

Gukket moll, ich habb da shmitt kshaffa, deah es di kohla im feiyah blohst, un macht's greeks-ksha fa gyoost sei; avvah's voah aw mich es da fadeahvah gmacht hott, fa dess alles zu nix bringa.

Jesoiya 58:14

no finnet diah eiyah frayt im Hah un ich mach eich ovvich di hohcha-bletz funn di eaht foahra; un ich feedah eich mitt di eahbshaft funn eiyahm faddah Jakob.” Em Hah sei maul hott dess ksawt.

Jesoiya 60:21

No zayla awl dei leit gerecht sei, un si zayla's land aykna fa'immah. Si sinn da blansa es ich geblanst habb, di eahvet funn mei hend, so es ich fagleaht va.

Jesoiya 61:10

Ich froi mich oahrich im Hah, un mei sayl is fraylich in meim Gott. Fa eah hott mich geglayt mitt glaydah funn saylichkeit, un mich ohgezowwa mitt en leib-rokk funn gerechtichkeit, so vi en hochtzich-mann en blumma-krohn uf da kobb dutt, un en hochtzich-maydel keshtlichi shtay an sich henkt.

Jeremia 23:6

In seina zeit zayld Juda frei gmacht sei, un Israel zayld aus di kfoah layva. Dess is da nohma es deah kaynich gayt dibei: ‘Da Hah Unsah Gerechtichkeit.’

Daniel 3:26

Da Nebukadnezar is no nuff an's doah fumm gleedicha offa ganga un hott gegrisha, “Shadrach, Meshach un Abednego, diah gnechta fumm Alli-Haychshta Gott, kummet raus; kummet do heah!” No is da Shadrach, da Meshach un da Abednego aus em feiyah kumma.

Daniel 6:20

Vo eah nayksht an's loch kumma is, hott eah zumm Daniel groofa mitt en engshtlichi shtimm, “Daniel, du gnecht fumm levendicha Gott; hott dei Gott, deah es du digans zeit deensht, dich aus di kfoah halda kenna funn di layb?”

Matthäus 16:18

Ich sawk diah, du bisht da Petrus, un uf demm felsa bau ich mei gmay, un di doahra funn di hell kenna di gmay nett ivvah-kumma.

Römer 10:4

Christus is es end fumm Ksetz, un veah an een glawbt is gerecht.

Römer 3:22

Dess is di gerechtichkeit funn Gott deich da glawva an Jesus Christus vo kumd zu alli-ebbah un uf alli-ebbah es glawbt, fa's is kenn unnahshitt.

Römer 8:1

So nau is kenn fadamnis fa selli vo in Christus Jesus sinn; in selli vo nett lawfa noch em flaysh, avvah noch em Geisht.

1. Korinther 1:30

Deich een sind diah in Jesus Christus, deah vo Gott gmacht hott unsah veisheit, gerechtichkeit, heilichkeit un saylichkeit sei.

2. Korinther 5:21

Fa eah hott een gmacht sinda sei fa uns, deah vo kenn sinda katt hott, so es miah in eem di gerechtichkeit funn Gott vadda kenna.

Philipper 3:9

un in eem kfunna sei kann. Ich habb kenn gerechtichkeit funn mei aykni es kumd fumm Ksetz, avvah yusht selli vo kumd deich da glawva an Christus—dess is di gerechtichkeit vass kumd funn Gott un vo gegrund is uf em glawva.

Joshua 24:10

Avvah ich habb da Bileam nett abkeicht. So hott eah eich ksaykend, un ich habb eich aus em Balak sei hend gnumma.

2. Petrus 1:1

Simon Petrus, en gnecht un en aposhtel funn Jesus Christus, zu selli es da keshtlich glawva grikt henn es gleicha is zu unsahm, deich di gerechtichkeit funn unsah Gott un Heiland, Jesus Christus.

Di Offenbarung 12:10

No habb ich en laudi shtimm im Himmel keaht sawwa, “Nau is di saylichkeit un di graft un's Kaynich-Reich funn unsah Gott, un di macht funn seim Christus kumma. Fa deah vo unsah breedah faglawkt is runnah kshmissa vadda, deah vo si faglawkt fannich Gott dawk un nacht.

1. Samuel 23:17

Eah hott ksawt zu eem, “Feich dich nett; mei daett da Saul zayld sei hand nett uf dich layya. Du zaylsht kaynich ivvah Israel sei un ich zayl's zvett sei mitt diah. Even mei daett da Saul vayst dess.”