Jesoiya 53:12 - Pennsylvania Dutch Bible

¹² Fasell gebb ich eem en dayl unnich di hohch-gachta, un sell es gnumma vatt zayld eah fadayla mitt di mechticha, veil eah sei layva ausgleaht hott zumm doht un voah gnambaht mitt di sindah. Eah hott di sinda gedrawwa fa feel, un hott gebayda fa di ivvah-dreddah.

Jesoiya 53:12 ပူးပေါင်းရင်းမြစ်များ

1. Mosi 3:15

Ich du en hass zvishich dich un's veibsmensh, un zvishich dei sohma in iahra sohma. Eah zayld dei kobb fadredda, un du zaylsht sei feahshta shtecha.”

Hiob 30:16

Un nau is es layva funn mei sayl am ausgleaht vadda; di dawwa funn aylend henn mich ivvah-gnumma.

Psalm 2:8

Frohk mich, un ich gebb di heida fa dei eahbshaft, un di ends funn di eaht fa dei sei.

Psalm 22:14

Ich binn raus gleaht vi vassah; awl mei gnocha sinn funn-nannah gezowwa, mei hatz is vi fashmolsanah wax in miah.

2. Mosi 15:9

Da feind hott gebraekt, ‘Ich gay eena nohch, ich fang si, ich fadayl iahra sach, un mei lusht vatt zufridda gmacht uf eena. Ich zeek mei shvatt raus, un mei hand macht si zu nix.’

Jesoiya 49:4

Avvah ich habb ksawt, “Ich habb kshaft fa nix; ich habb mei graft gevva un's hott nix gebatt. Doch, mei recht un vass zu miah heaht is im Hah sei hand, mei lohn is mitt mei Gott.”

Jesoiya 52:13

Gukk moll, mei gnecht zayld alles ausfiahra mitt veisheit, eah vatt hohch ufkohva un hohch gacht.

Jesoiya 52:15

So aw zayla feel heida fashtaund sei, un kaynicha iahra meilah zu halda deich een. Vass si nett ksawt gvest voahra, zayla si sayna, un vass si nett keaht katt henn, zayla si fashtay.

Jesoiya 53:6

Miah voahra awl vi shohf es sich faloahra henn; yaydahs funn uns is sei ayknah vayk ganga. Un da Hah hott awl unsah sinda uf een glaykt.

Jesoiya 53:8

Aus em kfengnis un di gericht, voah eah vekk gnumma; un veah funn sei zeit hott sich bekimmaht, es eah aus em land funn di levendicha gnumma voah, un es eah kshlauwa voah fa di sinda funn mei leit?

Daniel 2:45

Du hosht ksenna vi en shtay aus em berg kshnidda voah unni mensha hend, un vi eah's eisa, bronze, clay, silvah un gold in shtikkah fabrocha hott. Da grohs Gott hott em kaynich gvissa vass blatz nemma zayld shpaydah naus. Da drohm is voah, un vass ah maynd is shuah.”

Matthäus 26:42

No is eah viddah's zvett mohl vekk ganga un hott gebayda, “Mei Faddah, vann dess nett vekk gay kann unni es ich's drink, dann loss dei villa gedu sei.”

Markus 15:27

Un si henn zvay rawvah mitt eem gegreitzicht, aynah uf di rechts seit un da annah uf di lings seit.

Markus 15:28

Do is nau di Shrift voah kumma vo sawkt, “Eah voah gnumma fa ayns funn di sindah.”

Lukas 22:37

Fa ich sawk eich, di Shrift es sawkt veyyich miah, ‘Eah voah gezayld mitt di evil-shaffah,’ zayld ausgedrawwa vadda in miah, veil vass kshrivva shtayt veyyich miah folfild vadda muss.”

Lukas 23:25

Eah hott da mann gay glost vo eikshtekt voah fa di leit ufriahra un fa maddahrei ausrichta, deah es si kfrohkt henn difoah. Avvah eah hott Jesus ivvah-gedrayt zu vass iahra villa voah.

Di Apostelgeschichte 26:18

fa iahra awwa uf macha un si drayya fumm dunkla zumm licht, un funn di graft fumm Satan zu Gott. Dess is so es si iahra sinda fagevva greeya un en eahbshaft greeya mitt selli es heilich gmacht sinn deich da glawva an mich.’

Römer 8:34

Veah is sellah vo fadamma dutt? Christus is deah vo kshtauva is. Un nett yusht sell, eah is viddah uf kshtanna, is uf di rechts seit funn Gott, un is am uns uf hayva im gebayt.

2. Korinther 5:21

Fa eah hott een gmacht sinda sei fa uns, deah vo kenn sinda katt hott, so es miah in eem di gerechtichkeit funn Gott vadda kenna.

Philipper 2:17

Avvah even vann ich ufgopfaht va vi en drink-opfah uf da opfah un deensht vass kumd funn eiyahm glawva, dann binn ich froh un froi mich mitt eich awl.

Kolosser 2:15

Eah hott di gvald vekk gnumma funn di geishtlicha ivvah-saynah un selli vo macht henn, hott si awl uf gvissa fannich di leit, un hott di ivvah-hand gnumma funn eena deich een.

Titus 2:14

Eah is sellah vo sich selvaht gevva hott fa uns, so es eah uns lohs macha kann funn alli ungerechtichkeit, un so es eah en folk reinicha kann fa sich selvaht vo fleisich is fa goodi eahvet du.

Hebräer 12:2

Vella zu Jesus gukka, deah vo unsah glawva ohfangd un faddich macht. Eah hott's greitz ohgnumma, un da shohm fa'acht fa di frayt es fannich een ksetzt voah. No hott eah sich anna kokt uf di rechts seit fumm kaynich-shtool funn Gott.

Hebräer 7:25

Deich sell kann eah selli ayvichlich saylich macha es zu Gott kumma deich een, veil eah immah laybt fa si uf hayva im gebayt.

Hebräer 9:24

Fa Christus is nett nei ganga in da Heilich-Blatz vo gmacht voah mitt hend, dess vo yusht en ab-bild is fumm voahhafticha. Avvah's voah in da Himmel selvaht es eah ganga is, un eah veist sich nau fannich Gott fa uns.

Hebräer 9:26

Shunsht hett eah oft leida missa siddah da ohfang funn di veld. Avvah nau, aymol, am end funn di veld hott eah sich gvissa, fa vekk du mitt sinda deich sich selvaht opfahra.

Hebräer 9:28

grawt so voah Christus aymol gopfaht fa di sinda vekk nemma funn feel leit. Un eah zayld's zvett mohl kumma, nett fa ebbes zu du havva mitt sinda, avvah fa selli saylich macha es am voahra sinn uf een.

1. Johannes 2:1

Mei glenni kinnah, ich shreib dess zu eich so es diah nett sindichet; avvah vann ennich ebbah sindicht, dann henn miah aynah es shvetzt fa uns zumm Faddah. Dess is Jesus Christus, deah vo gerecht is.

1. Johannes 2:12

Ich shreib zu eich, kinnah, veil eiyah sinda fagevva sinn deich sei nohma.