Jesoiya 50:8 - Pennsylvania Dutch Bible

⁸ Sellah es mich gerecht hayst is nayksht, so veah zayld ebbes geyyich mich bringa? Vella mitt-nannah fannich da richtah shtay. Veah fashuldicht mich? Loss een fannich miah shtay!

Jesoiya 50:8 ပူးပေါင်းရင်းမြစ်များ

Hiob 13:19

Kann ennich ebbah ebbes geyyich mich finna? Vann's kann, dann binn ich shtill un shteahb.

Psalm 119:151

Avvah du bisht nayksht, oh Hah, un awl dei gebodda sinn voahheit.

2. Mosi 22:9

Zvay mennah sinn fleicht am zadda veyyich veah en ox, en aysel, en shohf, samm glaydah adda ebbes shunsht aykend. No missa si awl zvay fannich di richtah gay. Di richtah macha no aus veah's aykend un da annah muss eem no zvay mohl so feel zrikk betzawla.

Jesoiya 1:18

Kummet nau, vella dess ivvah-shvetza,” sawkt da Hah. “Even vann eiyah sinda bloot-roht sinn, si sella veis sei vi shnay, Even vann si sinn vi roht duch, doch sella si sei vi vull.

Jesoiya 41:1

“Seind shtill un heichet mich ab, diah islands! Loss di leit iahra graft fashteika! Loss si nayksht kumma un shvetza; vella zammah kumma un mitt-nannah richta.

Jesoiya 41:21

Bringet eiyah sach foah,” sawkt da Hah. “Losset eiyah seit funn di sacha vissa,” sawkt em Jakob sei Kaynich.

Jesoiya 43:26

Gmohn mich droh an di sacha es blatz gnumma henn, vella dee sacha ivvah-shvetza; veis miah favass du maynsht es du unshuldich bisht.

Jesoiya 45:25

Avvah awl di nohch-kummashaft funn Israel, zayld gerecht kfunna sei im Hah, un zayld sich froiya.

Jesoiya 54:17

Kenn greeks-ksha, es gmacht is fa geyyich dich sei, zayld goot ausshaffa, un alli zung es geyyich dich is im gericht, zaylsht du fadamma. Dess is di eahbshaft fa di gnechta fumm Hah, un iahra gerechtichkeit is funn miah,” sawkt da Hah.

Matthäus 5:25

Mach fridda mitt demm vo geyyich dich is so kshvind es du kansht, diveil es du noch zeit hosht. Eah mecht ennichi zeit dich ivvah-drayya zumm richtah. Un da richtah mecht dich ivvah-gevva zumm sheriff un eah dutt dich eishtekka.

5. Mosi 19:17

dann sella di zvay mennah fannich da Hah shtay un fannich di preeshtah un richtah es am blatz sinn an selli zeit.

1. Timotheus 3:16

Un miah bekenna dess; grohs is dee voahheit es Gott bekand gmacht hott zu uns: Gott hott sich gvissa im flaysh, voah gerecht kaysa im Geisht, voah ksenna bei engel, voah gebreddicht unnich di Heida, voah droh geglawbt in di veld, un voah nuff gnumma in di hallichkeit.

Di Offenbarung 12:10

No habb ich en laudi shtimm im Himmel keaht sawwa, “Nau is di saylichkeit un di graft un's Kaynich-Reich funn unsah Gott, un di macht funn seim Christus kumma. Fa deah vo unsah breedah faglawkt is runnah kshmissa vadda, deah vo si faglawkt fannich Gott dawk un nacht.