Jesoiya 5:30 - Pennsylvania Dutch Bible

³⁰ In sellah dawk zayla si roahra drivvah so vi da say roaht. Un vann ebbah ivvah's land gukt, dann saynd eah's dunkla un da angsht. Even's licht is dunkel gmacht bei di volka.

Jesoiya 5:30 ပူးပေါင်းရင်းမြစ်များ

Breddichah 12:2

eb di sunn un's licht un da moon un di shtanna dunkel vadda, un di volka zrikk kumma noch em reyya;

Jesoiya 13:10

Awl di shtanna im himmel zayla iahra helling nett gevva. Di sunn es am uf kumma is vatt dunkel, un da moon zayld sei licht nett gevva.

Jesoiya 13:4

Heichet zu di yacht uf di berga, vi en yacht funn feel leit! Heichet zu di ufruah unnich di kaynich-reicha, es vi vann di heida am zammah kumma veahra. Da Awlmechtich Hah is am greeks-gnechta zammah greeya fa greek macha.

Jesoiya 17:12

Oh, di unruicha leit in awl di lendah— si roahra vi di vella am say nohch! Oh, di ufruah unnich di heida— si macha en yacht vi grohsi vassahra!

Jesoiya 30:6

Dess is en foah-sawk veyyich di diahra funn di saut: Di botshaftah funn Juda gayn deich en land es dreebsawl un angsht hott, en land mitt kawdah layva, muddah layva, mitt giftichi shlanga un dracha shlanga es fleeya. Di botshaftah drawwa iahra reichi sacha uf di bikkel funn aysla un iahra keshtlich sach uf kamayla bikkel, zu sell land es nix veaht is zu eena,

Jesoiya 59:9

So di leit iahra recht is veit vekk funn uns, un gerechtichkeit langd uns nett. Miah gukka fa gerechtichkeit, avvah alles is dunkel, fa helling, avvah miah lawfa im deefa shadda.

Jesoiya 8:22

No gukka si geyyich di eaht un sayna yusht dreebsawl un finshtahnis. Si sinn im dunkla un in angsht un zayla in di finshtahnis gedrivva sei.

Jeremia 13:16

Gevvet hallichkeit zumm Hah eiyah Gott eb eah's dunkel macht, eb eiyah fees shtolbahra uf di dunkla hivla. Diah vinshet fa helling avvah eah macht's shvatz dunkel, un macht alles dreeb.

Jeremia 30:5

“Dess is vass da Hah sawkt: ‘Miah henn en shtimm funn angsht keaht, funn furcht un nett funn fridda.

Jeremia 50:42

Si kumma mitt bows un shpiahs, si sinn veesht un unni bamhatzichkeit. Si macha en yacht vi da roahrich say un reida uf iahra geil. Si sinn grisht vi mennah fa fechta geyyich dich, oh Dochtah funn Babylon.

Jeremia 6:23

Si kumma mitt bows un shpiahs, si sinn grausam un unni bamhatzichkeit. Si macha en yacht vi da roahrich say, un reida uf geil; si sinn ufgleind vi mennah fa fechta, geyyich dich, oh Dochtah funn Zion.”

Glawk-Leedah 3:2

Eah hott mich gedrivva un mich gmacht lawfa, im dunkla un nett im licht.

Ezekiel 26:3

fasell, dess is vass da Awlmechtich Hah sawkt: Ich binn geyyich dich, Tyrus, un ich zayl feel heida-lendah geyyich dich bringa, so vi da say sei vella geyyich's land bringd.

Joel 2:10

Di eaht shiddeld fannich eena, un di himla ziddahra, di sunn un da moon vadda dunkel, un di shtanna sheina nimmi.

Amos 5:18

Vay zu selli es vinsha fa da dawk fumm Hah! Favass sind diah am foahgukka zumm dawk fumm Hah? Es zayld dunkel sei sellah dawk, nett hell.

Amos 8:9

“In sellem dawk,” sawkt da Awlmechtich Hah, “mach ich di sunn unnah gay am middawk, un mach's dunkel deich da dawk.

Matthäus 24:29

Un grawt noch di grohs dreebsawl funn selli zeit, ‘Vatt di sunn dunkel gmacht un da moon gebt sei helling nett. Di shtanna falla fumm Himmel un di grefticha fumm Himmel vadda kshiddeld.’

Di Offenbarung 6:12

Vo eah da sext seal uf gmacht hott, habb ich gegukt un's voah en grohsi eaht-bayben. Di sunn is shvatz vadda vi sakk-duch un da moon is vadda vi bloot.