Jesoiya 5:17 - Pennsylvania Dutch Bible

¹⁷ No zayla di lemmah datt vayda es vi in iahra aykni feldah, un fremdi zayla essa in di reicha iahra fadauvani bletz.

Jesoiya 5:17 ပူးပေါင်းရင်းမြစ်များ

Nehemia 9:37

Un's frucht fumm land gayt zu di kaynicha, es du ivvah uns ksetzt hosht deich unsah sinda. Si roola ivvah unsah leivah, ivvah unsah fee vi si vella; miah sinn in grohsi noht.

Psalm 119:70

Iahra hatz is hatt un fashtokt, avvah ich habb frayt in deim ksetz.

Psalm 17:10

Si henn iahra haddi hatza zu gmacht; iahra meilah shvetza shtolsi vadda.

Psalm 17:14

Mitt dei hand, oh Hah, hald mich funn sohwichi mennah; funn veldlichi mennah es iahra dayl greeya in demm layva. Du filsht iahra bauch mitt vass du ufkshtoaht hosht fa si; un gebsht iahra kinnah aw genunk, un losht samm ivvahrich fa iahra kinds-kinnah.

Psalm 73:7

Si sinn so fett es iahra awwa raus shtayn, un si doon yusht vass eena kfald.

Jesoiya 1:7

Eiyah land is gans leah, eiyah shtett fabrend mitt feiyah; fannich eiyah awwa vatt's frucht funn eiyah feldah ufkfressa bei auslendah; eiyah feldah vadda fadauva, so vi bei fremdi.

Jesoiya 10:16

Fasell, dutt da Hah, da Awlmechtich Hah, auszeahring unnich em Assur sei shteiki greeks-gnechta shikka; un unnich sei hallichkeit vatt en feiyah ohkshtekt vi en brennich flamm.

Jesoiya 17:2

Di shtett funn Aroer zayla kenn leit drinn havva, di shohf layya sich anna drinn, un nimmand macht si sich feicha.

Jesoiya 32:14

Es kaynich-haus zayld falossa sei, un di shtatt mitt feel leit vatt leah, da hivvel un da vatsh-tavvah vadda ayvichlich foll lechah fa diahra, en blesiah fa di vilda aysla, un vayt fa's fee,

Jesoiya 40:11

Vi en shohf-heedah, gebt eah acht uf di drubb, eah geddaht di lemmah in sei eahm, un drawkt si in sei shohs; eah fiaht selli mitt yungi shloh.

Jesoiya 65:10

Sharon zayld en vayt-land vadda fa shohf-drubba, un di valley funn Achor en blatz vo's fee root, fa mei leit es mich sucha.

Jesoiya 7:25

Un awl di hivla es di leit als kshaft henn mitt di hakk, datt zayld nimmand may anna gay veil si sich feicha veyyich di danna un di hekka. Si zayla yusht bletz sei fa's fee lohs drayya un fa di shohf lossa's nunnah dredda.

Jeremia 5:28

Si sinn grohs un fett vadda, iahra evili verka henn kenn end; si richta nett eahlich, un shtayn nett uf fa selli unni eldra, un gevva di oahma iahra recht nett.

Glawk-Leedah 5:2

Unsah eahbshaft is ivvah-gedrayt vadda zu fremdi, un unsah heisah zu auslendah.

Hosea 4:16

Israel is dikk-kebbich, un shteibahrich vi en rind. So kann da Hah si nau vayda vi en lamm in en grohs feld?

Hosea 8:7

Si sayya da vind un eahnda en vind-veahvel. Iahra frucht im feld grikt kenn kebb, un's macht kenn mayl. Un vann's frucht gevva dayt, dann dayda di fremda's essa.

Micha 2:12

Ich zayl geviss eich awl zammah fasamla, diah leit fumm Jakob; ich zayl geviss es ivvahricha funn Israel zammah bringa. Ich bring si zammah es vi shohf in en shtall, vi en drubb in di vayt. Deah blatz zayld yachtich sei mitt feel leit.

Zephania 2:14

Kee un shohf zayla sich anna layya datt, un aw alli sadda diahra. Di nacht-owls un anri fekkel zayla uf di shtatt shtay-poshta rooshta. Fekkel zayla in di fenshtahra singa, shtay-heifa zayla uf di shvella sei, un's cedar-hols is abgedekt.

Zephania 2:6

Es land am say nohch vatt vayt-feldah, en blatz fa shohf-heedah un shohf-penna.

Lukas 21:24

Si zayla falla unnich em shvatt, kfanga vadda un naus kfiaht vadda unnich alli lendah. Jerusalem vatt nunnah gedredda bei di Heida biss di zeit funn di Heida folfild is.

5. Mosi 28:33

En fremd folk es diah nett kennet zayld's frucht essa funn eiyah eahvet un funn eiyah grund. Si zayla eich di gans zeit veesht yoosa un nunnah dredda.

5. Mosi 32:15

Da Jesurun is fett vadda un hott gekikt; eah voah fett un dikk un shteik. Eah hott da Gott falossa es een gmacht hott, un da Felsa fa'acht es een saylich macht.