Jesoiya 5:14 - Pennsylvania Dutch Bible

¹⁴ Fasell is da abeditt funn di hell grohs vadda, un see macht iahra maul gans uf, datt nei gayn di hohch-gachta un awl di ivvahricha leit, awl di yachticha drubba un selli es blesiah noch gayn.

Jesoiya 5:14 ပူးပေါင်းရင်းမြစ်များ

Psalm 49:14

Grawt vi shohf, iahra dayl is es grawb, da doht is iahra shohf-heedah. Di ufrichticha zayla ivvah si roola meiya-free, un iahra leib zayld kshvind fazeahra im grawb un datt missa si bleiva, veit vekk funn iahra deiyahri haymeda.

Psalm 55:15

Loss da doht uf si kumma, es si levendich in's grawb gayn; fa vo si voona, datt is evil unnich eena.

Shpricha 1:12

vella si levendich shlukka vi da doht dutt, vella si gans shlukka vi's grawb dutt;

Shpricha 27:20

Da doht un's grawb vella immah noch may einemma, un so vella di awwa fumm mensh.

Shpricha 30:16

es grawb, un's muddahs-leib es kenn kinnah havva kann, es land es immah vassah vill, un's feiyah es nee nett sawkt, ‘Sell is genunk!’

Jesoiya 14:11

Di eah un di yacht es du gmacht hosht mitt harfa, is nau do runnah gebrocht vadda in's grawb. Niss funn veahm sinn dei bett unnich diah, un di veahm sinn dei dekk.

Jesoiya 14:9

Es grawb unna drunnah is uf kshtatt, am voahra fa dich ohdreffa vann du moll kumsht. Es risht di geishta funn di dohda, selli vo di evvahshti funn di eaht voahra. Es macht si uf shtay funn iahra kaynich-shteel, awl selli es kaynicha funn di heida voahra.

Jesoiya 21:4

Mei hatz ziddaht, di furcht macht mich shidla. Da ohvet es ich foah-gegukt habb ditzu, gebt miah kenn roo.

Jesoiya 24:8

Di fraylich yacht funn di tambourines is shtill, di yacht funn di lushticha hott kshtobt, un di fraylich yacht funn di harf shtobt.

Jesoiya 30:33

En blatz funn feiyah voah shund lang grisht. Yau, eah voah grisht fa da kaynich. Dee feiyah-pitt voah deef un brayt gmacht mitt blendi feiyah un hols. Da ohften fumm Hah, so vi en brennichah shvevvel shtrayma zayld's ohshtekka.

Ezekiel 7:12

Di zeit is kumma, da dawk is do. Da kawfah froit sich nett un da fakawfah is nett bedreebt, fa da zann is geyyich alli-ebbah.

Daniel 5:30

Grawt selli nacht is da Belshazzar, da kaynich funn Babylon, doht gmacht vadda.

Nahum 1:10

Si sinn vi danna es deich-nannah sinn, un sinn ksoffa funn iahra vei, avvah si vadda ufgebrend vi drukka shtroh.

Habakuk 2:5

Un veidah, vei drinkes dutt da shtols mann fafiahra, so es eah shtols un unruich is. Eah is greedich vi's grawb, un vi da doht, is nee nett zufridda. Eah sammeld awl di heida zu sich selvaht, un geddaht awl di leit zu sich.

Matthäus 7:13

“Gaynd nei deich's glay doah. Es doah is grohs un da vayk is brayt es zu di fadamnis gayt, un's sinn feel leit es datt nei gayn.

Lukas 17:27

Si henn gessa un gedrunka, un si henn keiyaht un henn sich heiyahra glost, biss an da dawk vo di sindfloot kumma is un hott si awl doht gmacht. Da Noah voah shund in di oahrich nei ganga.

Lukas 21:34

Diah sellet avvah acht gevva, es diah nett ufgnomma vaddet mitt fressa un saufahrei, un mitt di sacha funn dee veld, so es eiyah hatza unbekimmaht vadda, un sellah dawk unfahoft uf eich kumd.