Jesoiya 5:10 - Pennsylvania Dutch Bible

¹⁰ En zeyya akkah vei-goahra gebt yusht ay aymah foll vei, un zeyya bushel sohma gebt yusht ay bushel vaytza.”

Jesoiya 5:10 ပူးပေါင်းရင်းမြစ်များ

2. Mosi 37:22

Di blee-gnebb, di eahm un da lichtah-shtaend voahra alles ay shtikk gmacht aus pyuah kemmaht gold.

Jesoiya 32:13

un fa's land funn mei leit, dess es ivvah-gvaxa sei zayld mitt hekka un danna. Yau, heilet fa di heisah mitt fraylichi leit, un fa di fraylich shtatt.

Jesoiya 7:23

An selli zeit, alli blatz vo als en dausend drauva-ranka voahra es en dausend shtikkah silvah veaht voahra, zayla yusht danna un hekka sei.

Jeremia 48:33

Fraylichkeit un frayt sinn vekk gnumma fumm fruchtboah land funn Moab. Ich habb da vei gmacht ufheahra lawfa funn di vei-pressa; nimmand drett di drauva aus mitt frayt. Es gegreish kumd nett funn fraylichkeit.

Joel 1:17

Da sohma drikkeld uf unnich di sholla, di shtoah-heisah shtayn fadauva. Di sheiyahra sinn zammah kfalla, veil's kenn frucht may gebt.

3. Mosi 26:26

Vann ich's mayl fa eiyah ess-sach abshneit, dann braucha zeyya veibsleit yusht ay offa fa iahra broht bakka. Si missa's broht ausdayla un diah zaylet essa avvah nett satt vadda.

3. Mosi 27:16

Vann en mann en shtikk funn seim geahbda land zumm Hah gevva vill, soll's ksetzt sei vass es veaht is bei vi feel sohma es es nemd fa's eisayya. Sex bushel geahsht sohma is fuftzich shtikkah silvah veaht.

Haggai 1:6

Diah hend feel geblanst, avvah hend yusht bissel geahnd. Diah esset, avvah hend nee nett genunk. Diah drinket, avvah sind nett foll. Diah doond glaydah oh, avvah sind nett voahm. Diah fadeenet geld, avvah doond's in sekk mitt lechah drinn.

Haggai 2:16

Vann ebbah als an en haufa frucht kumma is, un gmaynd hott's veahra zvansich bushel datt, dann voahra yusht zeyya datt. Vann ebbah an en vei-fass ganga is fa fuftzich galla raus nemma, dann voahra yusht zvansich datt.

5. Mosi 28:38

Diah zaylet feel sohma sayya in di feldah avvah diah greeyet yusht en glenni eahn, veil di hoi-shrekka si fressa.

5. Mosi 28:39

Diah zaylet vei-goahra blansa un si shaffa, avvah diah drinket nett da vei adda geddahret di drauva, veil di veahm si fressa zayla.